Tuesday, August 21, 2012

ကျောက်သင်ပုန်းကိုင်ပြီး ဘာလုပ်နေသလဲ


ကျောက်သင်ပုန်းနဲ့တူတဲ့အရာတခုကို ပုံမှာ တွေ့ရတဲ့အတိုင်းကိုင် ထားပြီဆိုရင် အဲဒါ ဓာတ်ပုံရိုက်နေတာပဲပေါ့။








ဒီကနေ့ မြ၀တီမြို့ပြင်က နယ်ခြားစောင့်တပ် ၂ နှစ်ပြည့် အခမ်းအနားတခုမှာ ဒီလို ကွန်ပျူတာပြားပြားလေးတွေထောင်ထောင်ပြီး ဓာတ်ပုံရိုက်နေသူကို တွေ့ရပါတယ်။
သူကိုင်တဲ့ ကွန်ပျူတာပြားမှာ အဖုံး အကာအရံ တပ်ထားတဲ့အတွက် အကြီးကြီးလို့ ထင်ရတာပါ။


မြ၀တီရုပ်သံက သတင်းတင်ဆက်သူတဦးကလည်း သူ့ရဲ့ စမတ်ဖုန်းနဲ့ မြင်ကွင်းတွေကို အမှတ်တရ မှတ်တမ်းတင်ပါတယ်။

ကွန်ပျူတာပြားကို tablet computer လို့ ခေါ်သလို tablet လို့လည်း အတိုကောက် ခေါ်ကြပါတယ်။

ကွန်ပျူတာကြီးမှာ mouse သုံးပေမယ့် သူ့ကိုတော့ ဖန်သားပြင်ကို လက်ဖျားထိပ်နဲ့ ပွတ်ဆွဲပြီး သုံးကြပါတယ်။
touch screen လို့ ဆိုတဲ့ အဲဒီဖန်သားပြင်ကို တချို့က ထိတွေ့မျက်နှာပြင် လို့ တိုက်ရိုက် ဘာသာပြန်သုံးပါတယ်။

လက်နှိပ်စက်/ကွန်ပျူတာ လက်ကွက်လည်း ထည့်ထားတာမို့ အဲဒီ ထိတွေ့မျက်နှာပြင်မှာ စာရိုက်စာစီနိုင်ပြန်ပါသေးတယ်။

ပထမဆုံး တီထွင်တာကတော့ Apple ကုမ္ပဏီ ဖြစ်ပါတယ် တဲ့။
လူကြိုက်များ အသုံးတည့်လာတော့ Samsung, HTC, Motorola, RIM, Sony, Amazon, HP, Microsoft, Archos စတဲ့ စတဲ့ ကုမ္ပဏီများကလည်း ဒီလို သင်ပုန်းကွန်ပျူတာတွေ ထွင်လာကြပါတယ်။
အားသွင်းထားရင် သုံးလေးနာရီမက သုံးနိုင်မယ်။ အခုဆိုရင် ၁၂ နာရီအထိ သုံးနိုင်တာတောင် ထွက်နေပြီ ဆိုပဲ။

အရမ်းပေါ့၊ သယ်ရလွယ်တဲ့ သင်ပုန်းကွန်ပျူတာတွေကို ဘက်စုံသုံးအောင် ထွင်လာကြတာ အခု ဆိုရင်
ကြိုးမဲ့အင်တာနက် သုံးနိုင်တယ်၊
လက်ကိုင်ဖုန်းအဖြစ် သုံးနိုင်တယ် (နားရွက်နား ကပ်ပြီး ပြောရတာ နည်းနည်းတော့ အူကြောင်ကြောင်နိုင်ဖွယ်ရှိတယ်)
ဂျီပီအက်စ်မြေပုံ ပါမယ်။

ဓာတ်ပုံရိုက်၊ ဗီဒီယို ရိုက်မယ်။ ရိုက်ပြီးသား ပြန်ကြည့်မယ်၊ တည်းဖြတ်မယ်။
Ebook ဖတ်နိုင်မယ်။

ဂိမ်းလား? သိပ်ဆော့နိုင်တာပေါ့။ သင်ပုန်းကွန်ပျူတာတွေ အင်မတန် အရောင်းသွက်နေတဲ့ ထိုင်းနိုင်ငံမှာ ဆိုရင် ဒီလို ကွန်ပျူတာပြားနဲ့ ဂိမ်းဆော့နေသူတွေကို ဆေးရုံ၊ ရုံး၊ ကျောင်း၊ ဆိုင် စတဲ့ နေရာတွေမှာ မကြာခဏ တွေ့နေရပါတယ်။

ကွန်ပျူတာပြားတွေထဲ အရောင်းအသွက်ဆုံးက Apple ဖြစ်တယ်လို့ ဒီကနေ့ ထွက်ပေါ်လာတဲ့ စစ်တမ်းတခုက ဆိုပါတယ်။

ကွန်ပျူတာပြား ၁၀ လုံး ရောင်းရရင် အဲဒီထဲမှာ Apple ၇ လုံး ပါတယ် ဆိုပဲ။

ဒါကတော့ အရောင်းသွက် ၅ ခု စာရင်း ဖြစ်ပါတယ်။

1 - Apple Inc., maker of the iPad, 17 million shipped worldwide, 69.6 percent share

2- Samsung Electronics Co., maker of Galaxy line, 2.3 million, 9.2 percent.

3- Amazon.com Inc., maker of Kindle Fire, 1 million, 4.2 percent

4 - AsusTek Computer Inc., maker of Transformer line, 688,000, 2.8 percent

5 - Barnes & Noble Inc., maker of Nook Tablet, 459,000, 1.9 percent

Other, 3 million, 12.3 percent
Source: IHS iSuppli


ဘက်စုံသုံးကွန်ပျူတာပြားနဲ့ ဒီလို ဒီလို ရိုက်ဖို့ ဆိုတာ တချိန်က စဉ်းစားမိလိမ့်မယ် မထင်ပါဘူး။ ခုတော့ ရိုက်နေကြပါပြီ။


ဒီကနေ့ နယ်ခြားစောင့်တပ် အခမ်းအနား သွားသူ တချို့

အခမ်းအနားတက်တဲ့ ဧည့်သည်များ


နယ်ခြားစောင့်တပ်ဖွဲ့တယောက်ကလည်း ကွန်ပျူတာပြားနဲ့ပါပဲ


လုံခြုံရေးတာဝန်ကျသူတယောက်


လုံခြုံရေးတာဝန်ကျသူတယောက်

သူတို့လည်း နယ်ခြားစောင့်တပ် ၂ နှစ်ပြည့် အခမ်းအနားအတွက် ရောက်နေပါတယ်။
ဘာတွေ ပြောနေကြသလဲ၊
ကွန်ပျူတာပြားအကြောင်း ပြောနေကြတာများလား။


ဓာတ်ပုံရိုက်ချင်စရာများတဲ့ ဒီနေ့ခေတ်မှာ ကွန်ပျူတာပြားက အလုပ်ဖြစ်နေပါတော့တယ်။
ပုံထွက်လည်း ကောင်းပါတယ် တဲ့။ ဈေးကတော့ မသေးပါဘူး။

ကွန်ပျူတာပြားအကြောင်း နောင်မှာ လေ့လာပြီး ဆက်လက် ရေးသားပါအုံးမယ်။
From -ဧရာဝတီ

No comments:

Post a Comment