အေးအေး လေးလေး အိမ်၊ ခြံ၊ မြေ

 အမေရိကန်ပြည်ထောင်စု ဟောလိဝုဒ် ထက်သော်လည်း ကောင်း၊ ထိုင်းနိုင်ငံ ဘန်ကောက်မြို့တော် ထက်သော် လည်းကောင်း နှစ်ဆခန့် ဈေးကြီး မြင့်နေသော်လည်း ထိုနှစ်နိုင်ငံ၏ ဖွံ့ဖြိုးမှု နောက်တွင် အဆများစွာ နောက် ကျနေဆဲ မြန်မာနိုင်ငံ၏ ရန်ကုန်၊ မန္တလေး အိမ်၊ ခြံ၊ မြေဈေးကွက်သည် ၂၀၁၁ ခုနှစ်နှင့် နှိုင်းယှဉ်ပါက ၂၀၁၂ ခုနှစ် အတွင်းတွင်မူ ခပ်အေးအေး။ယခုနှစ်တွင် မြေေ ဈး ကစားမှု များစွာ မရှိသောကြောင့် အရောင်း အ၀ယ်ေ အးခြင်း ဖြစ်ကြောင်း ဇူလိုင်လအတွင်း ထုတ်ဝေသည့် ရွှေဆဌဂံ ဂျာနယ်တွင် မြန်မာနိုင်ငံ အိမ်၊ ခြံ၊ မြေ ၀န်ဆောင်မှု အသင်း ဒုတိယ ဥက္ကဋ္ဌ ဦးသန်းဦး(မဏ္ဍိုင်)က သုံးသပ်ထားသည်။

စက်မှုဇုန်အိမ်၊ ခြံ၊ မြေမှာ ယခုနှစ်တွင် အရောင်းအ၀ယ် ပုံမှန်ထက် အေးစက်ပြီး ရင်းနှီးမြှုပ်နှံသူထက် အမှန်တကယ် လုပ်ကိုင်သူ များသာ ၀ယ်ယူခဲ့သည်။

ယခုနှစ်တွင်း အရောင်းအ၀ယ်ဖြစ်ပေါ်ခဲ့သော စက်မှုဇုန်မြေဈေး များမှာ လှိုင်သာယာစက်မှုဇုန်(၁)၊ စက်မှုဇုန်(၂)၊ စက်မှုဇုန်(၃)များ တွင် အုတ်တံတိုင်းခတ်ပြုပြင်ထားသော မြေတစ်ဧကကို သိန်း ၃၀၀၀ ကျော်မှ ၄၀၀၀ ၀န်းကျင်၊ ငွေပင်လယ်စက်မှုဇုန်တွင် သိန်း ၂၅၀၀ မှ ၃၀၀၀ ကြား၊ ရွှေပြည်သာစက်မှုဇုန်တွင် စက်မှုဇုန်(၁)၊ စက်မှုဇုန် (၂)၊ စက်မှုဇုန်(၃)၊ စက်မှုဇုန်(၄)များ၌ နေရာအချက်အချာကျမှုနှင့် ကမ်းနားနှင့် နီးသောနေရာတွင် သိန်း ၃၅၀၀ ကျော်မှ သိန်း ၄၀၀၀ ၀န်းကျင်ဖြင့် အရောင်းအ၀ယ် ဖြစ်ခဲ့သည်ဟု အိမ်၊ ခြံ၊ မြေအကျိုး ဆောင်များထံမှ သိရသည်။

ထို့အပြင် ဒဂုံဆိပ်ကမ်းစက်မှုဇုန်တွင် သိန်း ၁၇၀၀ မှ သိန်း ၂၀၀၀၊ ဒဂုံအရှေ့ပိုင်းစက်မှုဇုန်တွင် သိန်း ၅၀၀ မှ သိန်း ၁၇၀၀၊ သန်လျင်သီလ၀ါစက်မှုဇုန်တွင် သိန်း ၁၇၀၀ ၀န်းကျင်၊ ၀ါးတစ်ရာ စက်မှုဇုန်တွင် ကျပ်သိန်း ၈၀၀မှ သိန်း ၁၀၀၀ ၀န်းကျင်၊ မင်္ဂလာဒုံ စက်မှုဇုန်တွင် သိန်း ၁၈၀၀မှ သိန်း ၂၀၀၀ အထိရှိကြောင်း အိမ်၊ ခြံ၊ မြေအကျိုးဆောင်များထံမှ သိရသည်။

ရန်ကုန်မြို့တော်ရှိ ဆင်ခြေဖုံးရေတဖွေးဖွေးရှိ စက်မှုဇုန်များမှာ အာရှတွင်ဈေးအကြီးဆုံးဖြစ်နေသောကြောင့် နိုင်ငံခြားမှလာရောက်၍ ရင်းနှီးမြှုပ်နှံသူများအဖို့ အဟန့်အတားဖြစ်စေနိုင်သဖြင့် မြန်မာနိုင်ငံ တွင်ဈေးနှုန်းကြီးမြင့်နေသည့် စက်မှုဇုန်မြေဈေးကွက်ကို ကားဈေး ကွက်ကဲ့သို့ ဖြစ်အောင်လုပ်မည်ဟု မြန်မာနိုင်ငံရင်းနှီးမြှုပ်နှံမှု ကော်မရှင် ဥက္ကဋ္ဌ ဦးစိုးသိန်းက ဇူလိုင်လပထမပတ်အတွင်း ပြောကြားခဲ့သည်။ ဆိုလိုသည်က ရှိသင့်ရှိထိုက်သောဈေးနှုန်းကို မူဝါဒလက်နက် ဖြင့် ဆွဲချမည့်သဘော။

မြေဈေးနှုန်း ကြီးမြင့်မှုများကို ကော်မရှင် ဥက္ကဋ္ဌက အမိန့်အာဏာ၊ ဘဏ္ဍာရေး စည်းမျဉ်း စည်းကမ်းများဖြင့် ထိန်းချုပ်နိုင်ကြောင်း အိမ်၊ ခြံ၊ မြေ အသိုင်းအ၀ိုင်းက သုံးသပ်သည်။

တန်းကျော် ၂၀၁၁

၂၀၁၁ ခုနှစ်တွင် ကျောက်မျက်ပွဲများ ရှိသောကြောင့် ကျောက် မျက် ရောင်းရသောငွေများမှာ အိမ်၊ ခြံ၊ မြေသို့ စီးဝင်မှုများ ရှိခဲ့သည်။

မိုးကုတ်ဘက်မှ ဆင်းလာသော နိုင်ငံခြားသားများ နောက်ခံပြု လာရောက်ဝယ်ယူခဲ့သော ငွေပင်ငွေရင်းများကြောင့်လည်းကောင်း၊ ငွေအင်အားကြီးမားသော လုပ်ငန်းရှင်ကြီးများကလည်း ဆူလွယ် နပ်လွယ် အိမ်၊ ခြံ၊ မြေဈေးကွက်တွင် ၀င်ရောက် ရင်းနှီးမြှုပ်နှံသော ကြောင့် အိမ်၊ ခြံ၊ မြေဈေးများမှာ ရှိသင့် ရှိထိုက်သည့် ဈေးနှုန်းထက် အဆမတန်ကြီးမြင့်ခဲ့သည်ဟု မဏ္ဍိုင်အိမ်၊ ခြံ၊ မြေအကျိုးဆောင် လုပ်ငန်းမှ ဦးသန်းဦးက ပြောကြားသည်။

မြေကွက်၊ အိမ်၊ ခြံ၊ မြေများကိုလာရောက် ၀ယ်ယူရာတွင် အချို့ သောရောင်းချသည့် မြေပိုင်ရှင်က မရောင်းချင်သောကြောင့်လည်း ကောင်း၊ ရှိသင့်သော ဈေးနှုန်းထက် ပိုလိုချင်သောကြောင့်လည်းကောင်း၊ ခေါ်ဈေးမြှင့်ထားသော်လည်း ၀ယ်ယူသူဘက်မှလည်း ၀ယ်ယူခဲ့သော ကြောင့် အိမ်၊ ခြံ၊ မြေများတွင် အပြိုင်အဆိုင် ရောင်းချလာသည်။ ခုဂဏန်း၊ ဆယ်ဂဏန်း၊ ရာဂဏန်းသာ ရှိသော အိမ်၊ ခြံ၊ မြေ များကိုပင် အနည်းဆုံး နှစ်ဆမှ ငါးဆအထိပင် ဈေးခေါ်သည်။ အရောင်းအ၀ယ်လည်း ဖြစ်သည်။

“ဒီနေ့လို သိန်း ၄၀ တန်တဲ့မြေကို ၁၀၀ နဲ့ရောင်းပြီးနောက် နေ့ ၁၅၀ ခေါ်လည်းလာဝယ်တာပဲ။ ၁၅၀ ၀ယ်လက်က ၂၅၀ ခေါ်လည်း ၀ယ်တာပဲ။ မတက်သင့်ဘဲ ဈေးတက်ခဲ့တာ”ဟု ဒလမြို့ ဗညားဒလ ရပ်ကွက်တွင် နေထိုင်သူ အသက် ၅၀ အရွယ် ဦးခင်စိုးကပြောကြားသည်။ ထို့အပြင် ၂၀၁၁ ခုနှစ် အောက်တိုဘာလတွင် တောင်ဥက္ကလာပ မြို့နယ် (၁၃) ရပ်ကွက် သံသုမာလမ်း အနီးတွင် ရှိသော လမ်းသွယ် တစ်ခု၌ အလျားပေ ၃၀၊ အနံပေ ၆၀ ပါ အိမ်အပါ အ၀င် ထောင့်ကွက် တစ်ကွက်။ ပေါက်ဈေးသိန်း ၂၂၀ ၀န်းကျင်ဖြင့် စတင် ဈေးခေါ်သည်။ အကြိမ်ကြိမ် ဈေးမြှင့် ခေါ်ရာမှ သိန်း ၃၈၀ ခန့်ဖြင့် အရောင်း အ၀ယ်ဖြစ်ခဲ့သည်။

ယင်းနေရာများတွင် ၂၀၁၂ ခုနှစ်စပိုင်းမှ သြဂုတ်လ အထိလမ်းမတန်း အကွက်အကွင်းကျမှု အိမ်အနေအထားပေါ် မူတည်၍ သိန်းထောင်ကျော် အထိလည်းကောင်း၊ သံသုမာလမ်းမနှင့် ရတနာ လမ်းမများပေါ်တွင် ပေ ၁၀၀ ပတ်လည် မြေကွက်ကို သိန်းတစ်သောင်း အထိ လည်းကောင်း၊ အတွင်းလမ်းများတွင် အလျားပေ ၂၀၊ အနံပေ ၆၀ တစ်ကွက်လျှင် သိန်း ၃၀၀မှ သိန်း ၇၀၀ ကျော် အထိလည်းကောင်း ဈေးခေါ်ခဲ့သည်။ ခြုံ၍ ဆိုရသော် ၂၀၁၁ သည် နေရာစုံ ဈေးကောင်းခဲ့သည်။ ငွေဖြူ အဖြစ် အရောင်ပြောင်းရန် အကောင်းဆုံး အချိန်ဟုလည်း ဆိုခဲ့သည်။ သာမန် လူတန်းစားများအတွက် ကျောတစ်ခင်းစာမှာ သာမန် ငွေထုပ် မျှဖြင့် မကာမိတော့။

“အိမ်ရာမြေ ဈေးနှုန်းတွေ အဆမတန် မြင့်တက်မှုကြောင့် ဆင်းရဲ နွမ်းပါးတဲ့ ပြည်သူတွေ အိမ်၊ ခြံ၊ မြေဈေးကွက်မှာ ပါဝင် ပတ်သက်မှု မရှိနိုင်သလိုဖြစ်သွားပါလိမ့်မယ်”ဟု သြစတြေးလျ အခြေစိုက် မြန်မာ့ အရေး လေ့လာသူ ရှောင်တာနဲက The Voice Weekly နှင့် အင်တာဗျူး တစ်ခုတွင် ပြောဆိုခဲ့ဖူးသည်။

နိုင်ငံခြားသား ကျောထောက် နောက်ခံပြုကာ မြေဈေး ကစား ခြင်း၊ ပြည်တွင်း လုပ်ငန်းရှင်များကလည်း ဈေးကွက် သတင်းအချက် အလက်များကို လက်ဦးမှု ရယူကာ ဈေးကစားခြင်း၊ စက်မှုဇုန်မြေများ ကို သတ်မှတ် စည်းကမ်း အတိုင်း မလုပ်ကိုင်ခြင်း၊ လယ်ယာမြေ မတရား သိမ်းယူခြင်းများကြောင့် ရှိသင့်သော ဈေးထက် ပိုမို ကြီးမြင့်နေရ ကြောင်း စီးပွားရေး ပညာရှင် ဒေါက်တာအောင်ကိုကိုက သုံးသပ်သည်။

တစ်ဖက်တွင် အရင်းအနှီး ဈေးကွက်၊ အစုရှယ်ယာ ဈေးကွက် မပေါ်ပေါက် သေးသောကြောင့်လည်းကောင်း၊ ငွေဖောင်းပွမှုနှုန်းနှင့် ငွေကြေး လဲလှယ်နှုန်းများ ခန့်မှန်းရခက်သော အခြေအနေများကြောင့် လည်းကောင်း ယခင် အစိုးရကာလတွင် ပါမစ်၊ လိုင်စင် စီးပွားရေး များကြောင့်လည်း ထိုသို့ တန်းကျော် မြေဈေးမြင့်မှု ပြဿနာများဖြစ် ပေါ်လာကြောင်း ၎င်းက ရှင်းပြသည်။

စီမံကိန်းမြေ

ယခုလပိုင်းအတွင်း အသွက်ဆုံးမှာ စီမံကိန်းမြေများ ပင်ဖြစ်သည်။ ရန်ကုန်မြို့တော်တွင် ၂၀၁၁ ခုနှစ်ကုန်ပိုင်းနှင့် ၂၀၁၂ ခုနှစ်အတွင်း ထွက်ပေါ်ခဲ့သော သီလ၀ါ အထူးစက်မှုဇုန် စီမံကိန်း အစီအစဉ်များနှင့် ဒလ ဥမင်လိုဏ်ခေါင်း စီမံကိန်း ဆောင်ရွက်မည့် အစီအစဉ်များကြောင့် အဆိုပါ နေရာများတွင် အရောင်းသွက်ခဲ့ပြီး ဈေးအလှုပ်ဆုံး နေရာများ လည်းဖြစ်ခဲ့သည်။

ရန်ကုန် တစ်ဖက်ကမ်း သန်လျင်မြို့ အောင်ချမ်းသာ၊ သူဌေးကုန်း၊ သီလ၀ါနှင့် အခြားသော ရပ်ကွက်များရှိ မြေများကို လုပ်ငန်းရှင်များ လာရောက် ၀ယ်ယူခဲ့သည်။

ဂျပန်လုပ်ငန်းရှင်များ ရင်းနှီးမြှုပ်နှံ လုပ်ကိုင်မည့် သီလ၀ါ အထူး စက်မှုဇုန်နှင့် နီးသော နေရာများတွင် စားသောက်ဆိုင်ဖွင့်ရန်၊ ၀န်ထမ်း များထားရန် မြေနေရာများ ၀ယ်ယူထားပြီးဖြစ်သည်။ သန်လျင်မြို့ သည် သီလ၀ါ အထူးစက်မှုဇုန် တည်ဆောက်ပြီးပါက စီးပွားရေးအရ အချက်အချာ ကျသော မြို့နယ်တစ်ခု ဖြစ်လာနိုင်ဖွယ် ရှိသောကြောင့် စီးပွားရေးလုပ်ငန်း လုပ်ကိုင်ကြသူများက ရင်းနှီး မြှုပ်နှံကြသည်။ မြေဈေးများမှာ သိန်းဆယ်ဂဏန်းမှ ရာဂဏန်း၊ ထောင်ဂဏန်း အထိ ဈေးနှုန်းများပါ အရောင်းအ၀ယ် ဖြစ်ခဲ့သည်။

သို့သော် စီမံကိန်းများ မစသေးသောကြောင့် လတ်တလော မေလမှစ၍ လက်ရှိ သြဂုတ်လအထိ အရောင်းအ၀ယ် အေးစက်ခဲ့သည်။ လက်ရှိ သန်လျင်မှာ ဂျပန် အ၀င်ကို စောင့်နေလေသည်။ ပြီးခဲ့သည့် လပိုင်းအတွင်း အလှုပ်ခတ်ဆုံး ဈေးကွက်ဖြစ်သည့် ရန်ကုန် တစ်ဖက်ကမ်း ဒလမြို့ဈေးကွက်မှာလည်း ခပ်အေးအေးဖြစ်နေ သည်။ ဒလမြို့တွင်းအပြင် အဓိက မျက်စိကျ ခံရသော နေရာများမှာ ဒလ-တွံတေးလမ်း။ ယခင် အ၀ယ်များခဲ့သော ဒလ-တွံတေးကားလမ်း ဓနုတ်ဘက် တွင် သိန်း ၁၅၀ ခန့် ဈေးပေါက်ခဲ့သော မြေကွက်မှာ ယခုတွင် သိန်း ၅၀ ခန့်ဖြင့်ပင် ၀ယ်သူမရှိ။ အချို့မှာ ရေတဖွေးဖွေး လယ်ကွက်များကို အကွက်ရိုက် ရောင်းသည့် မြေများလည်းရှိခဲ့သည်။

လတ်တလောတွင် ဒလဥမင်လိုဏ်ခေါင်း စီမံကိန်း မဆောင်ရွက် ရသေးသဖြင့် အ၀ယ်များ ရပ်သွားခြင်း ဖြစ်နိုင်ကြောင်း အိမ်၊ ခြံ၊ မြေ အသိုင်းအ၀ိုင်းထံမှ သိရသည်။

အမည်မဖော်လိုသူ နယ်ခံ တစ်ဦး၏ ပြောကြားချက်အရ ထိုင်ဝမ် တရုတ်လူမျိုး တစ်ဦးမှာ မြန်မာလူမျိုးတစ်ဦးကို အမည်ခံ၍ ဒလတွင် မြေကွက်ပေါင်း ၁၂၀ ကျော် ၀ယ်ယူထားသည်ဟု သိရသည်။ ပြီးခဲ့သည့် လပိုင်းအတွင်းက ရန်ကုန် မြို့ပတ်လည်ရှိ စီမံကိန်း မြေများလှုပ်၊ မြို့တွင်းအေးခဲ့သော်လည်း နောက်ပိုင်းတွင် အားလုံး ပြန်အေးသွားသည့် သဘောဖြစ်နေသည်။

အခွန်ဂယက်

အားလုံး စောင့်မျှော်နေသော အဖြေတစ်ခုမှာ သက်တမ်းတိုးခွန် ပြောင်း မပြောင်း။ အဖြေကား ထွက်သွားပြီ။

သြဂုတ်လ ၁၂ ရက်မှစ၍ အိမ်၊ ခြံ၊ မြေကို အခွန် စည်းကြပ်ရာတွင် ၀ယ်ယူသူဘက်က ၀င်ငွေခွန် ဥပဒေပါအတိုင်း ၀င်ငွေရလမ်း မဖော်ပြ ပါက ၃၀ ရာခိုင်နှုန်း စည်းကြပ်သွားမည် ဖြစ်သောကြောင့် ယင်းအခွန် စည်းကြပ်ရာတွင် ရန်ကုန်၊ မန္တလေး၊ နေပြည်တော်တို့တွင် ၀င်ငွေရ လမ်းမဖော်ပြနိုင်ပါက ၀ယ်ယူသည့် တန်ဖိုး၏ ၃၀ ရာခိုင်နှုန်း၊ တံဆိပ် ခေါင်းခွန် ၇ ရာခိုင်နှုန်း အပါအ၀င် စုစုပေါင်း ၃၇ ရာခိုင်နှုန်း၊ ကျန် ပြည်နယ်နှင့် တိုင်းများတွင် ၀င်ငွေရလမ်း မဖော်ပြနိုင်ပါက ၀ယ်ယူ သည့် တန်ဖိုး၏ ၃၀ ရာခိုင်နှုန်း၊ တံဆိပ်ခေါင်းခွန် ၅ ရာခိုင်နှုန်း အပါအ၀င် စုစုပေါင်း ၃၅ ရာခိုင်နှုန်း ပေးဆောင်ရမည်ဖြစ်ကြောင်း အခွန် ဦးစီးဌာနက ထုတ်ပြန်ခဲ့သည်။

အခွန်အဖြေကအိမ်၊ ခြံ၊ မြေဈေးကွက်၏ အအေးနှုန်းကို ထပ်တင်လိုက်သည်။ အခွန်နှုန်း တိုးပါက ၀ယ်ရောင်းသမားများ၊ ရင်းနှီး မြှုပ်နှံမည့် သူများ နည်းသွားနိုင်ပြီး အမှန်တကယ် နေထိုင်လုပ်ငန်း လုပ်ကိုင်မည့်သူများသာ ၀ယ်ယူနိုင်မည်။ အခွန်မြှင့်သည်မှာ အစပိုင်း ဖြစ်ခြင်းကြောင့် စောင့်ကြည့်ရမည့် အနေအထားတွင် ရှိကြောင်း အိမ်၊ ခြံ၊ မြေ လုပ်ကိုင်သူများက ပြောဆိုသည်။

ယခင် ငါးနှစ် သက်တမ်းရှိ အခွန်စနစ်မှာ ပေးဆောင်ရသော အခွန်ရာခိုင်နှုန်း နည်းခြင်းကြောင့် အရောင်းအ၀ယ်ဖြစ်ခဲ့သော်လည်း အခွန်စနစ် တိုးခြင်းက အိမ်၊ ခြံ၊ မြေ အရောင်းအ၀ယ်ကို လေးစေသည်။

တိုးမြှင့်ပြောင်းလဲ လိုက်သော အခွန်စနစ်ကြောင့်လည်း အစိုးရ၌ စာချုပ် ၀င်ငွေ နည်းသွားနိုင်ပြီး ကိုယ်စားလှယ် လွှဲရောင်းချခြင်းများ ကြောင့် အမည်ပေါက် ပိုင်ဆိုင်သူများ ၀င်ငွေတိုးလာနိုင်သည်။ အစိုးရဘက်က အခွန်နှင့်ပတ်သက်၍ တိတိကျကျ လုပ်နိုင်ရန် လိုအပ်ပြီး အခွန်ပေးဆောင်သည့်အပေါ်တွင် မလိမ့်တပတ် လုပ်ခြင်း များဖြစ်နိုင်ကြောင်း၊ အိမ်၊ ခြံ၊ မြေကဏ္ဍတွင် လတ်တလော အခွန်စနစ်မှာ အရောင်းအ၀ယ်များကို တန့်သွားရန် ပြုလုပ်လိုက် သကဲ့သို့ ဖြစ်စေနိုင်သည်။

အိမ်၊ ခြံ၊ မြေ ဈေးနှုန်းကို လျှော့ချရန်ထက် ဈေးနှုန်း ကြီးမြင့် နေသောအကြောင်းရင်းကို ရှာဖွေပြီး ဖြေရှင်းရန် လိုအပ်သည်။ ယခင် အစိုးရ လက်ထက်က ဆွဲတင်ထားသော အိမ်၊ ခြံ၊ မြေဈေးနှုန်းများ ကြောင့် အခြေခံ လူတန်းစားကို အခက်တွေ့စေသည်။ အရင်းအနှီး ဈေးကွက်၊ စတော့ ရှယ်ယာ ဈေးကွက်များ ဖန်တီးပေးပြီး ငွေကြေး ဖောင်းဖွမှုနှုန်း၊ ဘဏ်တိုးနှုန်းတွေ လျှော့ချနိုင်ပါက အိမ်၊ ခြံ၊ မြေ ဈေးနှုန်း အထိုက်အလျောက် လျော့ကျနိုင်မည်ဖြစ်ကြောင်း ဒေါက်တာ အောင်ကိုကိုက သုံးသပ်သည်။

သူက အောက်ပါအတိုင်း ထပ်မံ သတိပေးသည်။
“မြေဆိုတာ နိုင်ငံရဲ့ အချုပ်အခြာ အာဏာ။ အဓိက အရေးကြီး တဲ့ အပိုင်းဖြစ်လို့ အခြားပစ္စည်းတွေနဲ့က မတူဘူး။ အနာဂတ်ကာလ အထိ မျှော်မှန်း ကြည့်ဖို့လိုတယ်”

From -TheVoiceWeekly