အာဃာတမဲ့ကျည်ဆန်များရဲ့အဆုံးသတ်

“လူငယ်အချိန်မှာ ခွန်အားများကို အားကိုးလျက် ကိုယ်မှန်တယ်ထင်ရာကို ဇွတ်လုပ်ချင်တဲ့ မာန်၊ ရန်ကိုရန်ချင်း တုံ့ပြန်ချင်တဲ့ သဘော၊ ကိုယ့်လူမျိုးမှ ကိုယ့်လူမျိုး အစွန်းရောက်တဲ့ မျက်ကန်းမျိုးချစ်၊ အားလုံးအတွက် ပေးဆပ်ရမှာကတော့ သေဒဏ်နှင့် ၂၄ နှစ်ပင် ဖြစ်တော့သည်” ယင်းစာစုပါ  ဆောင်းပါးလေးအား တစ်ချိန်က ကချင်လွတ်မြောက်ရေးတပ်မတော်(KIA)၏ ကွန်မန်ဒိုဟောင်း ကိုလဖိုင်ဇော်ဆိုင်းတစ်ယောက် ထောင်တွင်း၌ရှိနေစဉ် ရေးသားခဲ့ခြင်း ဖြစ်သည်။

“ဒီဆောင်းပါလေးကို ဖတ်ပြီးနောက် တစ်မိသားစုလုံး ဇော်ဆိုင်း၏ နောင်တကိုသိပြီး မျက်ရည်ကျမိကြပါသည်။ ခွင့်လွှတ်ပါသည်” အကျဉ်းထောင်ထဲမှ ဆောင်းပါးရှင် ဇော်ဆိုင်းထံသို့ မိသားစုတစ်စုက ပြန်စာတစ်စောင် အရောက်ပို့ပေးခဲ့သည်။ ၂၀၀၇ ခုနှစ်က ခရစ်ယာန်နှစ်ခြင်း အသင်းတော်မှ ထုတ်ဝေသည့် သက်ထာဝရစာစောင် အမှတ်စဉ် ၅၇ တွင် ဖော်ပြပါရှိသည့် သူ၏ဆောင်းပါးကို ဖတ်ပြီးနောက် အဆိုပါ မိသားစု၏ ပြန်စာကို သူလက်ခံရရှိလိုက်ခြင်း ဖြစ်သည်။
ဆောင်းပါးရှင် လဖိုင်ဇော်ဆိုင်းနှင့် ပြန်စာပေးပို့သူ မိသားစုတို့ကြားတွင် စိတ်မထားတတ်ပါက ကမ္ဘာကျေသည့်တိုင် ဥဒါန်းမကျေသည့် ရန်ငြိုးများ ရှိသွားနိုင်ကြသည့် အခြေအနေတစ်ခုကို လဖိုင်ဇော်ဆိုင်းတစ်ယောက် လွန်ခဲ့သည့် နှစ်ပေါင်း ၂၇ နှစ်က ဖန်တီးခဲ့လေသည်။
အချိန်က ၁၉၈၅ ခုနှစ် အောက်တိုဘာ ၁၆ ရက် ညနေခင်းအချိန်တွင် ဖြစ်သည်။ ဂေါ့ဖ်ကွင်းမှပြန်လာမည့် မြောက်ပိုင်းတိုင်း စစ်ဌာနချုပ်တိုင်းမှူး ဗိုလ်မှူးချုပ်အယ်ကွန်ဖန်ကို လုပ်ကြံရန် ကချင်လွတ်မြောက်ရေးတပ်မတော် KIA မှ ကွန်မန်ဒိုတစ်စုက မြစ်ကြီးနားမြို့ မိုင်ဒေးကွင်း (သီတာရပ်ကွက်နှင့် တပ်ကုန်းရပ်ကွက်ကြား မြစ်ကြီးနားလေယဉ်ကွင်း လမ်းအကွေ့)နားတွင် ဈေးသည်များ အယောင်ဆောင်ကာ စောင့်ဆိုင်းနေကြ၏။
စောင့်ဆိုင်းနေကြသူများ၏ ဈေးခြင်းတောင်းများထဲတွင် ပါရှိသည့် ရောင်းကုန်ပစ္စည်းက တိုင်းမှူး၏အသက်ကို နုတ်ယူကြမည့် လက်နက်များ။
ညနေခင်း ခြောက်နာရီခန့် ညီအစ်ကို မသိတသိအချိန်တွင် အဝေးမှ တရိပ်ရိပ်ပြေးလာသည့် ကားနက်တစ်စီးကို ချောင်းနေသူတချို့ လှမ်းမြင်ရပြီဖြစ်သည်။
ထို့နောက်တွင်တော့ တဒင်္ဂအချိန်လေးအတွင်း သေနတ်သံများ ဆူညံသွားခဲ့သည်။ တိုင်းမှူး ဗိုလ်မှူးချုပ်အယ်ကွန်ဖန်မှာ KIA ကွန်မန်ဒိုများ၏ လုပ်ကြံမှုကြောင့် ကျဆုံးခဲ့ပြီဖြစ်သည်။ ထိုလုပ်ကြံမှုကို ဦးဆောင်သူမှာ KIA ၏ကွန်မန်ဒို အသက် ၂၂ အရွယ် လဖိုင်ဇော်ဆိုင်းပင်ဖြစ်သည်။ ငယ်ရွယ်သည့်အချိန်၊ တက်ကြွနေသည့် အချိန်တွင် ခွန်အားများနှင့် ပြည့်ဝနေသည့် လဖိုင်ဇော်ဆိုင်းတစ်ယောက် မိခင်အဖွဲ့အစည်းက ပေးအပ်သည့် တာဝန်ကြီးတစ်ရပ်အား အောင်မြင်စွာ ထမ်းဆောင်နိုင်ခဲ့ပြီဖြစ်သည်။
သို့သော် လုပ်ကြံမှုအပြီး စုရပ်သို့ ပြန်လာချိန်တွင် မိမိတို့အဖွဲ့ထဲမှ တစ်ယောက်ကျန်နေသဖြင့် ပစ်မှတ်နေရာသို့ တစ်ခေါက် သွားပြန်ကြည့်ချိန်မှာတော့ လဖိုင်ဇော်ဆိုင်းတစ်ယောက် အဖမ်းခံခဲ့ရလေသည်။ “ဦးအယ်ကွန်ဖန်နဲ့ ကျွန်တော်တို့ကြားမှာ ပုဂ္ဂိုလ်ရေးအရ မုန်းခြင်း အာဃာတ ဘာမှမရှိခဲ့ဘူး။ သူက စစ်တပ်ကတာဝန်နဲ့ တိုက်တာ၊ ကျွန်တော်က ဟိုဘက်ကတာဝန်နဲ့ တိုက်တာ။ ကချင်ရယ် ဗမာရယ် ခွဲခြားလို့လည်းမဟုတ်ဘူး။ သူ့ဘက်ကိုယ့်ဘက် ယုံကြည်ချက်နဲ့ တိုက်ပွဲဖြစ်ခဲ့ကြတာ ဖြစ်တယ်”ဟု ကိုလဖိုင်ဇော်ဆိုင်းကပြောသည်။
ယခုအချိန်တွင်တော့ ကိုလဖိုင်ဇော်ဆိုင်းတစ်ယောက် နိုင်ငံတော်မှ လွတ်ငြိမ်းချမ်းသာခွင့်ဖြင့် ပြင်ပကမ္ဘာသို့ ပြန်လည်ရောက်ရှိလာခဲ့ပြီ ဖြစ်သည်။သို့သော် သူလွတ်ငြိမ်းချမ်းသာခွင့် ရချိန်သည် သူ၏ပြစ်ဒဏ်များ နှစ်စေ့ရန် ရက်ပိုင်းသာလိုတော့သည့် အချိန်လည်း ဖြစ်နေသည်။
ကိုဇော်ဆိုင်းတို့ဘက်က တိုင်းမှူးအား မလုပ်ကြံခင် ၁၉၈၄ ၀န်းကျင် အချိန်များသည် မြန်မာ့တပ်မတော်က မြောက်ပိုင်းကွန်မန်ဒိုများက ကချင်ပြည်နယ် ပါချောင်၊ နားပို့၊ ဂျာဘူ၊ ဂန်ဒေါင်လျန်ဘက်များတွင် ထိုးစစ်များ အဆက်မပြတ် ဆင်နွှဲနေချိန်ဟုလည်း ကိုဇော်ဆိုင်းက ပြန်လည်ပြောပြသည်။
ထိုတိုက်ပွဲများတွင် တပ်မတော်ကွန်မန်ဒိုများက မြေပြင်၌ တိုက်ပွဲများ ဆင်နွှဲလျက်ရှိပြီး ဝေဟင်မှလည်း လေယာဉ်များဖြင့် ဗုံးကြဲတိုက်ခိုက်ခြင်းများ ပြုလုပ်လျက်ရှိသည်ဟု ကိုဇော်ဆိုင်း၏ ပြောကြားချက်အရ သိရသည်။
“ရွာတွေ ပြည်သူတွေ ဒုက္ခရောက်ခဲ့တာ အများကြီးရှိတယ်၊ ကျွန်တော်တို့ အဲဒီတုန်းက ကျောင်းသားဘ၀ပဲ ရှိသေးတယ်၊ စစ်ပြေးဒုက္ခသည်ဆိုတာ အဲဒီကတည်းက ရှိခဲ့တယ်။ ဒုက္ခရောက်တာ ကျွန်တော်တို့ကိုယ်တိုင် ကြုံတွေ့ခံစားခဲ့ရတယ်”ဟု ကိုဇော်ဆိုင်းက ထိုစဉ်က အခြေအနေကို ပြန်လည်ပြောပြသည်။
ထို့နောက်တွင် ၁၉၈၅ ၌ ဦးဘရန်ဆိုင်၊ ဦးဇော်မိုင်တို့ ဦးစီးဖွဲ့စည်းသည့် အဖွဲ့တစ်ဖွဲ့က မြောက်ပိုင်းစစ်ဌာနချုပ်အား ပြန်လည်တိုက်ခိုက်ခဲ့ရာမှ အထက်ပါလုပ်ကြံမှု ဖြစ်ပွားခဲ့သည်ဟု သိရသည်။ ကိုဇော်ဆိုင်းတစ်ယောက် ပြန်လည်လွတ်မြောက်ပြီး နောက်တွင်လည်း သူ့မွေးရပ်မြေသည် ထောင်ထဲမ၀င်ခင် အချိန်ကကဲ့သို့ပင် တိုက်ပွဲများ ပြန်လည်ဖြစ်ပွားနေသဖြင့် အသက်ရှစ်ဆယ်ကျော် မိခင်ကြီးရှိရာ မွေးရပ်မြေ အင်းတော်ကြီးသို့ပင် မပြန်နိုင်ဘဲ ဖြစ်နေလေသည်။ ကိုဇော်ဆိုင်း လုပ်ကြံခဲ့သည့် တိုင်းမှူး ဗိုလ်မှူးချုပ်အယ်ကွန်ဖန်၏ သမီးကြီးဖြစ်သူ အဆိုတော်ဒေါ်အယ်ခွန်းရီက “သူက သူ့အမေဆီ ပြန်တွေ့ချင်တယ်လို့ပြောတယ် ကြားတယ်။ အခုက အခြေအနေတွေ မကောင်းသေးလို့ ပြန်မတွေ့နိုင်ပေမယ့် သူတွေ့ချင်ရင် တွေ့လို့ရပါသေးတယ်။ အန်တီတို့ကတော့ ကိုယ့်အဖေကို ပြန်မတွေ့နိုင်တော့ပါဘူး”ဟု ပြောကြားသည်။
သို့သော် ဗိုလ်မှူးချုပ်အယ်ကွန်ဖန်၏ ကျန်ရစ်သူ မိသားစုများအားလုံးသည် စနစ်အပေါ်တွင် အခြေခံ၍ ဖြစ်ပေါ်လာရသည့် ၀မ်းနည်းဖွယ်ဖြစ်ရပ်တစ်ခုဟု နားလည်ကာ ကိုဇော်ဆိုင်းအပေါ်တွင် ခွင့်လွှတ်နားလည်ပေးကြကြောင်း ဒေါ်အယ်ခွန်းရီကပြောသည်။
“အရင်ကဖြစ်ပျက်ခဲ့တဲ့ ကိစ္စတွေအတွက် အန်တီတို့မိသားစုတွေရဲ့ သဘောထားကို ကိုယ်စားပြုပြီး ပြောရရင် ဘယ်သူ့ကိုမှ အပြစ်မတင်ချင်တော့သလို ဘာမှလည်း ပြန်မပြောချင်တော့ပါဘူး။ အယူဝါဒကွဲပြားကြလို့၊ ခံယူချက်ခြင်း မတူညီကြလို့ အဖေ့အသက်ကို စတေးခဲ့ရတာပါ။ ဒါကြောင့် အန်တီကလည်း သူ့ဆောင်းပါးလေးရဲ့အောက်မှာ ခွင့်လွှတ်ပါတယ်ဆိုတာ စာရေးပြီး လူကြုံနဲ့ ပေးပို့ပေးခဲ့တာပါ”ဟု ဒေါ်အယ်ခွန်းရီကဆိုသည်။
“ကျွန်တော်က ကျွန်တော်တို့ ကချင်အမျိုးသားတွေရဲ့အရေးမှာ စကားပြောလို့ မရတဲ့အခါ ကိုယ့်အမျိုး မပျက်သုဉ်းဖို့၊ ကိုယ့်အမျိုး အဖိအနှိပ်မခံရဖို့ တိုက်ပွဲဝင်ခဲ့ရတာပဲရှိတယ်။ ရိုးရိုးသားသားနဲ့ လူငယ်တစ်ယောက်ရဲ့ ခံစားချက်နဲ့ အထက်က ခိုင်းတဲ့အမိန့်ကို ခံယူခြင်းသာဖြစ်တယ် ကျွန်တော့်ပုဂ္ဂိုလ်ရေးအရ ဘာမှလည်း အာဃာတဖြစ်စရာ အကြောင်းမရှိဘူး”ဟု ကိုဇော်ဆိုင်းက ယခင်အခြေအနေများကို ပြန်လည်ပြောပြသည်။
ယခုအခါ အပြင်လောကသို့ ပြန်လည်ရောက်ရှိလာသည့် ကိုဇော်ဆိုင်းတစ်ယောက် မွေးရပ်မြေသို့မပြန်ဘဲ ရန်ကုန်သို့ ရောက်ရှိလာရခြင်းမှာ လက်ရှိ ကချင်ပြည်နယ်တွင် ဖြစ်ပေါ်နေသည့် အခြေအနေများအတွက် ရန်ကုန်တွင်ရှိသည့် နိုင်ငံရေးအသိုင်းအ၀ိုင်းများနှင့် ပူးပေါင်း၍ အဖြေရှာရန် လာရောက်ခြင်းဖြစ်သည်။
“ပြောလို့ရတဲ့ခေတ် ရောက်ပြီလို့ ယူဆလို့ ကျွန်တော်လာတာ”ဟု ကိုဇော်ဆိုင်းကပြောသည်။ လာမည့် အောက်တိုဘာ ၁၆ ရက်တွင် ဗိုလ်မှူးချုပ်အယ်ကွန်ဖန် ကျဆုံးသည်မှာ ၂၇ နှစ်ပြည့်ပြီ ဖြစ်သည်။ ကိုဇော်ဆိုင်း လွတ်ငြိမ်းချမ်းသာခွင့် မရပါကလည်း သူ၏ထောင်ဒဏ် ၂၇ နှစ် စေ့ပြီဖြစ်သည်။သို့သော် သူတို့နယ်မြေတွင် တိုက်ပွဲများ ဆက်လက်ဖြစ်ပွားနေဆဲ . . .။
ကိုဇော်ဆိုင်း အမေနှင့်မတွေ့ရသည်မှာ ၂၇ နီးပါး ရှိပြီဖြစ်သလို ဒေါ်အယ်ခွန်းရီတို့ မောင်နှမတစ်စုမှာလည်း သူတို့အဖေနှင့် မတွေ့ရတော့သည်မှာ    ၂၇နီးပါးပင် ကြာခဲ့ပြီဖြစ်သည်။  
“နှစ်ပေါင်း ၂၇ နှစ်နီးပါးကြာအောင် မတွေ့ရတာချင်း အတူတူ အရမ်းကိုကွာခြားသွားတဲ့ အခြေအနေနှစ်ခုကတော့ လက်ဖမိုးနဲ့ လက်ဖ၀ါးလိုပဲပေါ့၊ ဘာပဲဖြစ်ဖြစ် ဆုံးပါးသွားခဲ့တဲ့သူကလည်း အသက်ပြန်ရှင်လာတော့မှာ မဟုတ်သလို တစ်ဖက်ကလည်း သူ့အပြစ်အတွက် ထိုက်သင့်တဲ့ပြစ်ဒဏ်ကို ပေးဆပ်ကျခံပြီးသွားပြီမို့ ဒီလိုမျိုး အနိဌာရုံတွေ နောက်ထပ် မဖြစ်ပွားစေချင်တော့ပါဘူး”ဟု ဒေါ်အယ်ခွန်းရီက ရင်ထဲကဆန္ဒကို ထုတ်ဖော်ပြောသည်။
တစ်ချိန်က မတူညီသည့် အယူဝါဒများကြောင့် ကိုဇော်ဆိုင်းလည်း မိခင်နှင့် ရှင်ကွဲ ကွဲခဲ့ရသလို ဒေါ်အယ်ခွန်းရီတို့ မောင်နှမများသည်လည်း ဖခင်နှင့် သေကွဲ ကွဲခဲ့ရသည်။ သို့သော် ယခုအချိန်တွင်မူ သူတို့နှစ်ဦး၏ စိတ်ထဲတွင် တူညီသည့် ဆန္ဒတစ်ခုမှာကား မတူညီသည့် အယူဝါဒများအား အမြန်ဆုံး ပြန်လည်ညှိနှိုင်းကာ ကချင်ပြည်နယ်ကို ပြန်လည်ငြိမ်းချမ်းစေလိုခြင်းပင် ဖြစ်သည်။
From-7DayNewsJournal