သမ္မတဦးသိန်းစိန်နှင့်ပြည်သူ့လွှတ်တော်ဥက္ကဋ္ဌသူရဦးရွှေမန်းကို အမေရိကန်၏ အရေးယူပိတ်ဆို့ထားသူစားရင်းမှပယ်ဖျက်
ဝါရှင်တန်၊ စက်တင်ဘာ - ၂၀
ပြုပြင်ပြောင်လဲမှုများပြုလုပ်လျက်ရှိသောလက်ရှိမြန်မာအစိုးရခေါင်းဆောင်နှစ်ဦးဖြစ်သော
သမ္မတဦးသိန်းစိန်နှင့်ပြည်သူ့လွှတ်တော်ဥက္ကဋ္ဌ သူရဦးရွှေမန်းတို့နှစ်ဦးအပေါ်
အမေရိကန်အစိုးရကချမှတ်ထားသော အရေးယူပိတ်ဆို့မှုများကို
ဖယ်ရှားပေးလိုက်ကြောင်း အမေရိကန်ဘဏ္ဍာရေးဝန်ကြီးဌာန၏ ထုတ်ပြန်ချက်ကို Wall
Street ဂျာနယ်တွင်ဖော်ပြထားသည်။
အမေရိကန်အစိုးရသည်
ယခင်မြန်မာအစိုးရထိပ်ပိုင်းခေါင်းဆောင်များ၏
ပိုင်ဆိုင်မှုများထုတ်ယူခွင့်နှင့်အမေရိကန်ကုမဏီများနှင့်စီးပွားရေးပူးပေါင်းလုပ်ဆောင်ခွင့်များမပြုရန်
အရေးယူပိတ်ဆို့ထားခဲ့သည်။
အမေရိကန်အစိုးရက
မြန်မာသမ္မတဦးသိန်းစိန်နှင့်ပြည်သူ့လွှတ်တော်ဥက္ကဋ္ဌသူရဦးရွှေမန်းတို့ကို
အရေးယူပိတ်ဆို့မှုများဖယ်ရှားပေးခဲ့ခြင်းကြောင့် ၎င်းတို့၂ ဦးသည်
ပိုင်ဆိုင်မှုများထုတ်ယူခွင့်နှင့်အမေရိကန်ကုမဏီများနှင့်စီးပွားရေးလုပ်ငန်းလုပ်ကိုင်ခွင့်များရရှိကြမည်ဖြစ်သည်။
“မြန်မာသမ္မတဦးသိန်းစိန်နဲ့ပြည်သူ့လွှတ်တော်ဥက္ကဋ္ဌ သူရဦးရွှေမန်းတို့ဟာ
နိုင်ငံရေးပြုပြင်ပြောင်းလဲမှုတွေ၊လူ့အခွင့်အရေးနဲပတ်သက်တဲ့ကိစ္စတွေကို
မြှင့်တင်ဖို့ခိုင်မာတဲ့ခြေလှမ်းတွေလှမ်းခဲ့ကြတယ်၊ပြီးတော့
အာဏာရှင်စနစ်၊ဖိနှိပ်မှုကနေ ဒီမိုကရေစီနဲ့လွတ်လပ်မှုဆီကို
သွားခဲ့ကြတဲ့အတွက်အခုလို
အရေးယူပိတ်ဆို့ထားတဲ့စာရင်းကနေပယ်ဖျက်ပေးလိုက်တာပါ”ဟု
အမေရိကန်ဘဏ္ဍာရေးဝန်ကြီးဌာန၏ အကြမ်းဖက်မှုနှင့်ဘဏ္ဍာရေးထောက်လှမ်းမှုဆိုင်ရာဌာန
အဆင့်မြင့်အရာရှိတစ်ဦးဖြစ်သူ ဒေးဗစ်ကိုဟန် ကပြောကြားသည်။
အမေရိကန်အစိုးရကမြန်မာခေါင်းဆောင်နှစ်ဦးအပေါ်အရေးယူပိတ်ဆို့မှုများကိုဖယ်ရှားပေးခဲ့သော်လည်း၊မြန်မာပို့ကုန်များအမေရိကန်သို့တင်ပို့ခြင်းကိုမူ
ဆက်လက်ပိတ်ပင်ထားမည်းဖြစ်သည်။
ထို့ပြင်အခြားသောမြန်မာစီးပွားရေးသမားများအပေါ်ချမှတ်ထားသော
အရေးယူပိတ်ဆို့မှုများကိုမူ ဆက်လက်ပိတ်ပင်ထားခဲ့ရာ
အမေရိကန်ကုမဏီများအနေဖြင့်အဆိုပါကုမဏီများနှင့်စီးပွားရေးပူးပေါင်းလုပ်ကိုင်နိုင်မည်မဟုတ်ပေ။
မြန်မာနိုင်ငံ၏ပြောင်းလဲနေသောအခြေအနေပေါ်မူတည်၍
အရေးယူပိတ်ဆို့သည့်စာရင်းကနေပယ်ဖျက်မှုတွေ၊ထပ်တိုးစားရင်းသွင်းတာတွေကိုပြုလုပ်သွားမည်ဟု
အမေရိကန်ဘဏ္ဍာရေးဝန်ကြီးဌာန၏ ထုတ်ပြန်ချက်တွင်ဖော်ပြထားသည်။
From -TheVoiceWeekly
No comments:
Post a Comment