Tuesday, September 25, 2012

အသက်ကြီးတိုင်း Senior ကျတိုင်း သူမြတ်သူကောင်းဖြစ်ပါသလားဆိုတဲ့ ဧရာဝတီခြင်္သေ့ကြီး(သို့)ပြည်ခိုင်ဖြိုးအထွေထွေအတွင်းရေးမှူးကို ရှင်းလင်းတုံ့ပြန်လိုက်တဲ့ ဧရာဝတီတိုင်းဒေသကြီးလွှတ်တော်ဥက္ကဌ

(၉.၉.၂၀၁၂) ရက်နေ့၌ ညောင်တုန်းရိပ်သာတွင် ပြည်ခိုင်ဖြိုးပါတီ အထွေထွေအတွင်းရေးမှူး ဦးဌေးဦးက ပြည်ခိုင်ဖြိုးပါတီဝင်တိုင်းလွှတ်တော်ကိုယ် စားလှယ်များကိုခေါ်ယူပြီးဖိအားပေးမှုပြော    ဆိုမှုများကို ဧရာဝတီတိုင်းဒေသကြီး လွှတ်တော်မှပြန်လည်ရှင်းလင်းမှုများပြု   လုပ်ခဲ့သည်။ အဆိုပါရှင်းလင်းပွဲကို တိုင်း ဒေသကြီးလွှတ်တော်အစည်းအဝေးခန်း  မတွင် (၂၄.၉.၂၀၁၂) နေ့တွင် ပြုလုပ်ရာ  Hot News ဂျာနယ်အပါအ၀င်မီဒီယာ  ဌာန (၁၉) ခုမှ တက်ရောက်ခဲ့သည်။ ထိုရှင်းလင်းပွဲတွင် ဦးဌေးဦး၏စကားများ  အပေါ်ဦးဆန်းဆင့်မှ ပြန်လည်ရှင်းလင်း  ချက်များအနက်မှ အချို့ကိုကောက်နှုတ် ဖော်ပြလိုက်ပါသည်။

ဦးဌေးဦး၏ပြောကြားချက်
“ဘာတွေ့ရလဲဆိုတော့တစ်အချက်  နိုင်ငံတော်အစိုးရနဲ့ ပူးပေါင်းဆောင်ရွက်မှု နှစ်အချက်ကတော့ ပါတီတွင်းစည်းလုံး ညီညွတ်ခိုင်မာမှု၊ ဒီအချက်တွေအပေါ်မူ တည်ပြီး ၂၀၁၀ မှာ ကျွန်တော်တို့အောင်  မြင်ခဲ့တယ်။ အောင်မြင်ခဲ့တဲ့အတွက်လည်း  ပဲ ဒီကနေ့အခြေအနေမျိုးကို တည်ဆောက် နိုင်ခဲ့တယ်။ ရှင်သန်ခိုင်မာအောင်လုပ်ကြ မယ်ဆိုရင်လည်းပဲ၊ ပထမဦးဆုံးလိုအပ်  တာကတော့ ပါတီတွင်းမှာ စည်းစည်းလုံး လုံးညီညီညွတ်ညွတ်နဲ့လုပ်ဖို့က ပထမ အချက်ဖြစ်ပါတယ်။ ဟိုပုဂ်္ဂိုလ်ကိုပြောတာ  ပါ”။
ဦးဆန်းဆင့်၏ရှင်းလင်းချက်
“၂၀၁၀ မှာ ဘာကြောင့်နိုင်သလဲဆို တာ နိုင်ငံတော်အစိုးရရဲ့ ထောက်ပံ့အား ပေးမှုကြောင့်ဖြစ်တယ်ဆိုတော့ ဒါဘယ် လိုပဲအခြေအနေရှိရှိပြီးခဲ့တဲ့အစိုးရကိုသိက္ခာ ချသလို မိမိပါတီကိုလည်းအများအထင် သေးစေရာရောက်ပါတယ်။ ၂၀၁၀ မှာ ကျွန်တော်တို့အောင်မြင်တယ်။ နိုင်ငံတော် အစိုးရရဲ့ ထောက်ပံ့မှု၊ ပါတီစည်းလုံးညီ ညွတ်မှုကြောင့်ဆိုရင်ကြားဖြတ်ရွေးကောက်  ပွဲမှာ ၀န်ကြီးချုပ်ဥက္ကဋ္ဌလုပ်တဲ့ပါတီအောင် နိုင်ရေးမှာ အစိုးရရဲ့ထောက်ပံ့မှုရတယ်။  ပါတီစည်းလုံးညီညွတ်မှုရှိတယ်ဆိုရင် ဒီတံဆိပ်နဲ့ဘာကြောင့် ရှုံးရသလဲ။
ပါတီစည်းရုံးရေး၊ ပါတီလှုပ်ရှားမှုနဲ့  လွှတ်တော်လှုပ်ရှားမှုဟာအ၀ိုင်းနဲ့လေး ထောင့်ပါ။ မတူတာတွေလိုက်ညှိရင်ရှိပြီး သားပါတီဝင်တွေတောင်စိတ်ပျက်လာမှာ ဖြစ်ပါတယ်။ “ဟိုပုဂ္ဂိုလ်” ကိုဆိုတာ၊ ပုဂ်္ဂိုလ်  ရေးကိုလား၊ ပါတီကိစ္စလားဆိုတာစကား ထဲက ဇာတိပြနေပါတယ်”။
ဦးဌေးဦး၏ပြောကြားချက်
(“ရေးကြီးတာနဲ့ ပတ်သက်ပြီး မနေ့ က ရေကြည်ဦးရပ်ကွက်ကိုရောက်တယ်။  ရေကြီးတာကိုဘာမှ မလုပ်ပေးနိုင်ဘူး။  ကျွန်တော်တို့တောင်မလုပ်ပေးနိုင်ပါဘူး။ သို့သော်လည်းပဲ (“ဒီရေကြီးတဲ့အကြောင်း အရင်းကိုရှာရမှာ၊ ရေကြီးတဲ့လမ်းကြောင်း ကိုရှာပြီးပင်မဇစ်မြစ်ကိုပြတ်အောင် ကျွန်တော်တို့လုပ်မှဖြစ်မယ်”) ဆိုတဲ့ သဘောမျိုးတွေပြောတာတွေ့ရပါတယ်။  ဒီဇစ်မြစ်တွေရှာပြီးလုပ်ရမယ်ဆိုတာ တကယ်တမ်းလုပ်နိုင်လား၊ မလုပ်နိုင်လား မသိဘူး။ ဒါပေမဲ့ လူတွေခေါင်းထဲမှာ တော့ ဘာစွဲသွားလဲဆိုတေျာ့ကာ ဒါမှတကယ့်လူ တို့တွေအရင်တုန်း  ကကြီးနေတဲ့ရေဟာ တကယ်တမ်းနိမ့်နေ တဲ့ ဧရိယာအလိုက်ရေ၀ပ်ရမယ့်အတွက် ရေကြီးနေတယ်ဆိုပေမဲ့ ဟိုအရင်လူတွေက  အကြောင်းအရင်းကို မရှာနိုင်ဘူးဆိုတဲ့ အတွက် ဟိုအရင်ကအကြောင်းအရင်းကို  မရှာနိုင်ဘူး။ အခုမှအကြောင်းအရင်းကို  ရှာမယ့်သဘောမျိုးဖြစ်သွားတယ်”)
ဦးဆန်းဆင့်၏ရှင်းလင်းချက်
“ရေကြီးတာနဲ့ ပတ်သက်ပြီး အထူး အစည်းအဝေး (၁/၂၀၁၂) မှာ အထူး အဆိုတစ်ရပ်တင်သွင်းပြီး စတင်ဆောင် ရွက်ခဲ့ပါတယ်။ လွှတ်တော်ကိုယ်စားလှယ်  တွေ အင်တိုက်အားတိုက်ဆောင်ရွက်ခဲ့ကြ  ပါတယ်။ ရေကြီးတဲ့ဖြစ်စဉ်အတွက် အဖြေ ရှာဖို့၊ ရှာလို့တွေပြီဆိုရင်ဘယ်အပိုင်းက  စပြီး တဖြည်းဖြည်းလုပ်သွားနိုင်မလဲ။  အဲသလိုတိုးတိုးပြီးလုပ်တော့ တစ်စထက် တစ်စရေလွှမ်းမိုးမှုသက်သာလာမှာဆိုတော့  ဇစ်မြစ်ကိုရှာဖို့လိုပါတယ်။
သာပေါင်း၊ အသုတ်၊ ရေကြည်၊ ကျောင်းကုန်းစတဲ့ တိုင်းအတွင်းက နှစ်စဉ် ရေမြှုပ်ခံရတာ သဘာဝဘေးဒဏ်ဟုတ်/ မဟုတ်။ မဟုတ်ရင်နည်းလမ်းရှာရမယ်။  နည်းလမ်းရှာတာ၊ ဆွေးနွေးတာ၊ ဆောင် ရွက်တာတွေဟာ အစိုးရရော၊ လွှတ်တော်     ကိုယ်စားလှယ်တွေရော၊ ပါတီရောသူ့အစီ  အစဉ်နဲ့ သူ့အသိနဲ့ လုပ်ရမှာပါပဲ။ ဒါကို  ဘယ်သူကလုပ်ရမယ်၊ ဘယ်သူကတော့  မလုပ်ရဘူးဆိုပြီး ဦးဆောင်မှုတွေရွေးနေ ဦးမှာလား။ ဒါကြောင့် လွှတ်တော်အထူး အစည်းအဝေးမှာ အထူးအဆိုတစ်ရပ်တင်  သွင်းဆောင်ရွက်ခဲ့တဲ့လုပ်ငန်းကို “လူတွေ ရဲ့ ခေါင်းထဲမှာတကယ့်လူ”လို့ ပြောခြင်း  ဟာ လွှတ်တော်ကိုယ်စားလှယ်တွေနဲ့ လွှတ်တော်ကို ထိခိုက်စေပါတယ်။
လွှတ်တော်ရဲ့ အဆုံးအဖြတ်ယူပြီး အရေးယူဆောင်ရွက်ဖို့ ဥပဒေနဲ့အညီလုပ် ဆောင်နိုင်ခွင့်ရှိနေတာကြောင့် ဒီရေကြီး တဲ့ဖြစ်စဉ်ကို အဆိုတင်ဆွေးနွေးဆုံးဖြတ် ပြီး တိုင်းဒေသကြီးအစိုးရအဖွဲ့ကို တိုက် တွန်းဆောင်ရွက်ခြင်းဟာ လွှတ်တော်ရဲ့ လုပ်ငန်းတာဝန်ဖြစ်ပါတယ်”
ဦးဌေးဦး၏ပြောကြားချက်
“ပါတီဝင်ထဲမှာကွဲနေလို့မရဘူး။ ဟို ဘက်ရောက်လိုက်၊ ဒီဘက်ရောက်လိုက် ဟိုလူရောက်လိုက်၊ ဒီလူရောက်လိုက်သွား နေလို့မရဘူး။ ဒါကြောင့် ပါတီဝင်တွေစု စည်းညီညွတ်ဖို့ဆိုရင် ဗဟိုကနေလမ်းညွှန်  ထားသော ပါတီ၏လမ်းညွှန်ချက်ကို လိုက်နာရမယ်ဆိုတာအမှန်ပါပဲ။ ပါတီရဲ့ သဘောထားသည် ပါတီတွင်းမှ စုစုစည်း စည်းညီညီညွှတ်ညွှတ်နဲ့ ဆုံးဖြတ်ထားတာ ကို လိုက်နာခြင်းပဲဆိုတာကို အဓိက ပြောချင်တာဖြစ်ပါတယ်။ ဟိုလူပြောလို့ လိုက်နာတယ်၊ ဒီလူပြောလို့လိုက်နာတယ ဆိုတာမဟုတ်ဘူး။ ဟိုလူကပြောရင် ပါတီ   ၀င်တွေကအကြောင်းရာပေါ်မှာစဉ်းစား ကြဖို့လိုတယ်။”
ဦးဆန်းဆင့်၏ရှင်းလင်းချက်
“အဓိကပြောချင်တယ်ဆိုတဲ့ ပါတီက  ညီညီညွတ်ညွတ်လိုက်နာခြင်းကို ညွှန်းထား   တာတွေရပါတယ်။ ကျွန်တော်တို့ပါတီ အနေနဲ့ လက်ရှိကာလမှာ ဥပဒေပြုအဖွဲ့ အစည်းများနဲ့ အုပ်ချုပ်ရေးအဖွဲ့အစည်း  များ ကြားစိတ်ဝမ်းကွဲမှုမဖြစ်စေဖို့ ပါတီ  ဦးဆောင်မှုဗဟိုဦးစီးဆန်ခြင်း၊ အုပ်စုဖွဲ့ခြင်း  ပါတီသြဇာထိုးဖောက်ထူထောင်ခြင်းများ  မပြုလုပ်မိစေရန် အလေးထားရှောင်ကြဉ်  ကြရမှာဖြစ်ပါတယ်။
ကနေ့ကျွန်တော်တို့ တိုင်းမှာ တိုင်းဒေသ ကြီးလွှတ်တော်ဥပဒေ/နည်းဥပဒေများ အရ ငြိစွန်းနေလို့စွပ်စွဲပြစ်တင်ရမဲ့ အခြေ အနေမှာနေတာကိုလည်း ပါတီခေါင်းဆောင်  များသိရှိပြီးလည်းဖြစ်ပါတယ်။ ကျွန်တော် တို့ လွှတ်တော်အနေနဲ့ အရေးယူဆောင် ရွက်ရာမှာ ပါတီကိစ်္စလား၊ လွှတ်တော် ကိစ်္စလား၊ ကနဦးအတွေးအမြင်ခွဲခြားရပါ တယ်။ ပါတီစုံကာလဖြစ်လို့ တခြားပါတီ များနဲ့ ပြည်သူလူထုတချို့တို့လည်းကြား သိနေပြီးဖြစ်လို့ ကျွန်တော်တို့ဥပဒေနဲ့ ဆောင်ရွက်ရုံမှတပါးအခြားတိမ်းရှောင် ရန်အကြောင်း မပေါ်ပေါက်တော့ပါဘူး။  ဒီလိုပြတ်သားစွာဆောင်ရွက်ခြင်းဖြင့် ပါတီရဲ့ ဂုဏ်သိက်္ခာ၊ လွှတ်တော်ရဲ့ ဂုဏ် သိက်္ခာအဆင့်လျော့ကျမသွားအောင်ထိန်း   သိမ်းထားနိုင်မှာဖြစ်ပါတယ်။
ဦးဌေးဦး၏ပြောကြားချက်
လွှတ်တော်ဥက္ကဋ္ဌသည်လည်းပါတီ  ၀င်ပဲ၊ ၀န်ကြီးချုပ်သည်လည်းပါတီဝင်ပဲ သူ့ပါတီတာဝန်အကုန်လုံးလုပ်လို့ရတာ ဖြစ်တဲ့အတွက် ညှိနှိုင်းတိုင်ပင်ဖို့လိုပါတယ်။  သို့သော်လည်း ပုဂ္ဂလိကဆန်ဆန်ဖြစ်နေ တယ်ဆိုပါတော့၊ ဥက္ကဋ္ဌနဲ့ ၀န်ကြီးချုပ် နဲ့ ဖြစ်နေတယ်။ ကျန်တဲ့ပါတီဝင်များက ညှိနှိုင်းတိုင်ပင်ပြီးမှ အမှန်လမ်းကြောင်း ဘက်ကို ရောက်အောင်နှစ်ယောက်စလုံး ကို ပြန်ပြီးတော့မှ ဆောင်ရွက်နိုင်စွမ်းရှိတဲ့  အခြေအနေသည်အရေးအကြီးဆုံးပါပဲ။
ဦးဆန်းဆင့်၏ရှင်းလင်းချက်
“ဥက္ကဋ္ဌနဲ့ ၀န်ကြီးချုပ်နဲ့ဖြစ်နေတယ်။ ပုဂ္ဂလိကဆန်ဆန်ဖြစ်တယ်လို့ သုံးသပ် ထားတာတွေ့ရပါတယ်။ ဒါပုဂ္ဂလိက မဟုတ်ဘူး၊ စီးပွားရေး၊ သားရေး၊ သမီး ရေးကြောင့်မဟုတ်ဘူး။ လွှတ်တော်အတွင်း ဆောင်ရွက်ချက်များနဲ့ အစိုးရအဖွဲ့အတွင်း ထင်သာမြင်သာမရှိသေးတဲ့ အရွှေ့နည်း သေးတဲ့ ကိစ္စဟာအဓိကပဲ၊ အခုဖြစ်တဲ့ ကိစ္စကပြီးခဲ့တဲ့ ဇူလိုင်လ (၆) ရက်က လွှတ်တော်ကိုယ်စားလှယ်များက ၀န်ကြီး  ချုပ်နဲ့ ၀န်ကြီးတစ်ဦးကို (Impeach) ကိစ္စ ဖြစ်တယ်။ အစိုးရအဖွဲ့က လွှတ်တော်နဲ့ လွှတ်တော်ကိုယ်စားလှယ်များကို တာဝန် နှင့် လုပ်ကိုင်ခွင့်များတားဆီးခြင်း၊ ပြည်သူ နှင့်အဆက်ဖြတ်သကဲ့သို့ဆောင်ရွက်ခြင်း  တွေကြောင့် လွှတ်တော်ကိုယ်စားလှယ်  တာဝန်ထမ်းဆောင်လို့မရတော့လို့ (Impeach) လုပ်ခြင်းဖြစ်တယ်။ စွပ်စွဲပြစ်တင်  အဆို (Impeach) က ပုဂ်္ဂိုလ်ရေးကို လုပ်  လို့ရလား။ မရပါဘူး။ လွှတ်တော်ကိစ္စဖြစ်  လို့လုပ်တာပါ။
ဦးဌေးဦး၏ပြောကြားချက်
“တချို့ကိစ္စတွေ မသိချင်ယောင်ဆောင် ရတဲ့ ကိစ္စတွေအများအကြီးပဲ။ တစ်ခါ တလေကျရင်လည်းစိတ်မကောင်းပါဘူး။  ဘာဗျူဟာတွေလဲမသိဘူး။ တစ်ဖက်ကို တော့ ဖူးဖူးမှုတ်ပြီး တကယ့်ကိုအသား ပေးပြီး ကိုယ့်ဘက်ကလူတွေကို ဆန်ရင်း နာနာဖွတ်ဆိုသလို ကျွန်တော်ပြောတာ  တစ်ခါနှစ်ခါပဲအဖွတ်ခံနိုင်မယ်။ များများ ဖွတ်ခံရရင်တော့ကြေသွားလိမ့်မယ်။ ဟိုလူ့ကိုတောင်းပန်ခိုင်းလိုက်၊ ဒီလူ့ကို တောင်းပန်ခိုင်းလိုက်၊ ဟိုလူလုပ်ခိုင်း၊ ဒီလူ့ လုပ်ခိုင်း။ တစ်ခါပေါ့။ နှစ်ခါတော့ကောင်း   သေးတယ်။ သို့သော်လည်းပဲ အမြဲတမ်း  ကြီးလုပ်နေရင်တောင်းပန်ရတဲ့ လူတွေကို  ဆရာတင်ရမလိုဖြစ်နေပြီ။”
ဦးဆန်းဆင့်၏ ရှင်းလင်းချက်
“ကျွန်တော်တို့ (၂၅.၈.၂၀၁၂) ရက်   နေ့က “ပန်းဆက်”မှာ သွားလှူတယ်။ ကျွန်တော်တို့ကားပေါ်တက်ရန်ဖြစ်တယ် လို့ကြားလိုက်ရတယ်။ နောက်စာတစ်စောင်    တက်လာတယ်။ ပြည်ခိုင်ဖြိုးကလူကို NLD  က ထိုးတာရဲကအရေးယူမပေးဘူး ဆိုတော့ မှန်၊ မမှန်သိဖို့ အဲဒီနေ့ကပါလာ တဲ့ Eleven က သတင်းထောက်ကိုသက် ဆွေနဲ့ ဧရာဝတီက သတင်းထောက် ကိုသန့်ဇင်တို့ကိုခေါ်မေးတော့သူတို့က ဗီဒီ ယိုမှတ်တမ်းတွေ အသံဖိုင်တွေပြတယ်။  အဲဒီမှာ ရဲအရာရှိတွေလည်းဆွဲကြလွှဲကြ တာတွေ့ရတယ်။ မှတ်တမ်းမှာအနားက လူတွေက ပြည်ခိုင်ဖြိုးစထိုးတယ်လို့ပြော သံတွေကြားရတယ်။ ပုသိမ်မြို့နယ် လွှတ်တော်ကိုယ်စားလှယ်ဦးအောင်ကျော် စိန်ကို “အမှန်အတိုင်းရှင်းပြပါ။ ဒါမှမဟုတ်  ရဲကအမှုဖွင့်မပေးဘူးလုပ်တော့ ၀န်ထမ်း တွေလည်း ထိခိုက်နိုင်တယ်။ ဦးအောင်ကျော်  စိန်ကို ပြဿနာမဖြစ်အောင်တောင်းပန်  ညှိနှိုင်းခိုင်းတာ။ အဲဒါကို တစ်ဘက်ကို  ဖူးဖူးမှုတ်တယ်။ ဟိုလူ၊ ဒီလူတောင်းပန်ခိုင်း  တယ်ပြောတာဟာ နိုင်ငံသားတွေမှာ တူညီတဲ့အခွင့်အရေးရှိတယ်ဆိုတာ သဘောပေါက်ဖို့လိုပါတယ်။ ကျွန်တော်တို့  လွှတ်တော်ကိုယ်စားလှယ်က ကိုယ့်ပါတီ၊ သူ့ပါတီဝင်ဘက်လိုက်ပေးလို့မရဘူး။”
ဦးဌေးဦး၏ပြောကြားချက်
“ပါတီစိတ်မရှိသောလွှတ်တော်ကိုယ် စားလှယ်များရှိရင်တော့လည်း ဒါကမဖြစ်  နိုင်ဘူးလို့ပဲ ကျွန်တော်ယူဆတယ်။ ဖြစ်နေကြတဲ့ သူတွေဟာဆရာတပည့်တွေ   ကြီးပဲ။ ကျွန်တော်က G1၊ ခင်ဗျားတို့ဥက္ကဋ္ဌ   တပ်ရင်းမှူး၊ ၀န်ကြီးချုပ်က ဗျူဟာမှူးတစ် တပ်ထဲမှာနေကြတာ။ နောက်ပြောင်းသွား  တယ်။ သူကတပ်မမှူးဖြစ်သွားတယ်။ တပ်မမှူးကနေပြီးတော့ ဒုဝန်ကြီးပြောင်း တဲ့အချိန်မှာ ကျွန်တော်တပ်မမှူး၊ တိုင်းမှူး ဖြစ်တယ်။ သူကတော့ဒုဝန်ကြီးကနေ ၀န်ကြီးဖြစ်တယ်။ ကိုဆန်းဆင့်ကတော့  တပ်မတော်ကိုဖွဲ့စည်းပုံတိုးလိုက်တဲ့အချိန် မှာ သူတို့တွေရာထူးတက်သွားတယ်။ အတူတူပါပဲ၊ အကုန်လုံးအတူတူကြီးပဲ။  မသိတဲ့ လူတွေလည်းမဟုတ်ဘူး။ တစ်ယောက်နဲ့ တစ်ယောက်နင်ပဲမာပြော  ကြမယ့်လူတွေလည်း မဟုတ်ဘူးလို့ပဲ ကျွန်တော်ပြောချင်တယ်။
ဦးဆန်းဆင့်၏ ရှင်းလင်းချက်
“တစ်ဦးနဲ့တစ်ဦး ဒီနေ့တာဝန်ယူနေ ရတာ ဘာတာဝန်လဲဆိုတာပြန်လည်သုံး သပ်ရမှာဖြစ်ပါတယ်။ Senior သည်ဆရာ  လား။ တပ်မတော်မှာ ဆိုရင်လည်းပဲ တစ်ချိန်ကဆရာဖြစ်နိုင်သလို တစ်ချိန်မှာ လဲ တပည့်ဖြစ်တတ်ပါတယ်။ အဖေတပ် ကြပ်ကြီးက သားစစ်ဗိုလ်လေးကို အလေး  ပြုရတာတွေလည်းရှိခဲ့ပါတယ်။
မဟော်သဓာဇာတ်တော်ကြီးရဲ့ မြည်းတရားစီရင်ခန်းကို ဖတ်ဖူးသင်ဖူး၊ ကြားဖူးကြမယ်ထင်ပါတယ်။ အဖေထက် သားကမြတ်ပါသလောလို့ဘုရင်ရဲ့ မေးမြန်း   ချက်ကို မဟော်သဓာသုခမိန်ကမင်းကြီး ကို ပြန်လျောက်ရာမှာ ၈ ရာခိုင်နှုန်းတန်  မြည်းနှင့် အာဇာနည်မြင်းမတို့မှဝပ်သော  အဿထိုရ်မြင်းသည်အဖိုးအနဂ္ဂထိုက်သည်  လို့ သာဓကထုတ်ပြခဲ့တယ်မဟုတ်လား။  အသက်ကြီးတိုင်း Senior ကျတိုင်းသူမြတ် သူကောင်းဖြစ်ပါသလား။

ငြိမ်းချမ်းကို
From-HotnewsWeekly

No comments:

Post a Comment