ရုရှနိုင်ငံမှာ စစ်ထမ်းခဲ့ပြီးလွန်ခဲ့တဲ့ အနှစ်၂၀ ကျော်က အမေရိကန် ကို
ပြောင်းရွှေ့နေထိုင်သူ ကလေးဖခင်တဦးက - ခင်ဗျားတို့ ဒီလိုလက်နက်ကိုင်
အစောင့်အကြပ်တွေနဲ့ ကလေးကျောင်းကို အကျဉ်းထောင် ပုံစံ ဖြစ်လာအောင်
လုပ်မလို့လား။ ကျောင်းတွေ အားလုံးအတွက် လက်နက်ကိုင် အစောင့်ထားဖို့၊
ကျောင်း အဆောက်အဦးတွေကို ကျည်ကာနံရံတွေ၊ မှန်တွေကို ကျည်ကာမှန်တွေနဲ့
လုပ်နိုင်မဲ့အခြေအနေရှိမလား။ ဘယ်က ငွေနဲ့ လုပ်ကြမလဲ။ လူတိုင်းကတယောက်ကို
တယောက် မယုံသင်္ကာနဲ့ ကြောက်လန့်ရတဲ့ အခြေအနေတခုကို ဖန်တီးမလို့လားလို့
မေးခွန်းထုတ်ပါတယ်။ သူ့ကလေး ကတော့ ဘီဒိုထဲဝင်ပုန်းနေတဲ့အတွက် ပစ်ခတ်မှုမှာ
လွတ်မြောက်ခဲ့ပါတယ်။
Sandy Hook မူလတန်းကျောင်းက ပစ်ခတ်မှုကြောင့် ကလေးငယ်တွေသေဆုံးခဲ့ရတဲ့ အဖြစ်မျိုးကို နောက်နောင် မဖြစ်ပွား ရအောင် ဘယ်လိုကာကွယ် ကြမလဲ စဉ်းစားတဲ့အခါ ဒီလို ပြဿနာ ကို ဖြစ်ပေါ်စေတဲ့ အကြောင်းရင်းကို
ရှာကြပါတယ်။ လူအများ အပြား ကို
သေစေနိုင်တဲ့လက်နက်ကြီး လက်နက်လတ်တွေကို လွယ်လွယ် ကူကူဝယ်ယူနိုင် တာက
ပြဿနာတရပ်ဖြစ်သလို စိတ်ရောဂါအမျိုးမျိုး ကုသမှုကို လိုအပ်သူတိုင်းအတွက်
မရနိုင်တာ ကလည်းပြဿနာ တရပ် ဖြစ်တယ်လို့ တွေ့ရပါတယ်။
No comments:
Post a Comment