မြန်မာ့သားကောင်း: တရုတ်နိုင်ငံ ယူနန်ပြည်နယ် မြေပြိုမှု ၄၆ ယောက်သေ -

Sunday, January 13, 2013

တရုတ်နိုင်ငံ ယူနန်ပြည်နယ် မြေပြိုမှု ၄၆ ယောက်သေ -

တရုတ်နိုင်ငံတောင်ပိုင်း ယူနန်ပြည်နယ်မှာ ရက်ပေါင်းအတော်ကြာ မိုးသည်းထန်စွာ ရွာသွန်းနေခဲ့ရာမှာပြီးခဲ့တဲ့ သောကြာနေ့က Gaopo ဆိုတဲ့ရွာမှာ မြေပြိုမှုကြောင့် ကလေးငယ်တွေအပါအ၀င် ၄၆ ဦးသေ ဆုံးတယ်လို့ သိရပါတယ်။ ရှာဖွေကယ်ဆယ်ရေးအဖွဲ့တွေက ပျောက် ဆုံးသူတွေထဲ ကနောက်ဆုံးကျန်တဲ့ ရုပ်အလောင်းတွေ ကိုတွေ့တဲ့နောက် မှာပျောက်ဆုံး သူတွေ အားလုံး တွေ့ပြီဖြစ်လို့ ရှာဖွေရေးလုပ်ငန်းတွေကို ရပ်ဆိုင်းလိုက်တယ်လို့ အာဏာပိုင်တွေက ဆိုပါတယ်။

တရုတ်အစိုးရပိုင် Xinhua သတင်းဌာနက ယူနန်ပြည်နယ်မှာ ရက်ပေါင်းများစွာ နှင်းကျပြီး မိုးဆက်တိုက် ရွာသွန်းခဲ့မှုကြောင့် လူနေအိမ်ခြေတော်တော်များများ ပျက်စီးခဲ့တယ်လို့ ထုတ်ပြန်ခဲ့ပါတယ်။ ပြည်နယ် အစိုးရက မြေအနေအထား မက်စောက်တာ၊ ငလျင်ဒဏ်ကြောင့် မြေသားပွတာတွေဟာ မြေပြိုမှုဖြစ်အောင် ပိုပြီး အားပေးတဲ့ အကြောင်းအချက်တွေ ဖြစ်တယ်လို့ ဆိုပါတယ်။
ဒါပေမဲ့ မြေပြိုမှုဟာ ဒေသတွင်းက မိုင်းတူးဖော်မှုတွေနဲ့ တိုက်ရိုက်ပတ်သက်နေတယ်ဆိုတဲ့အချက် ကို ငြင်းပယ်လိုက်ပြီး ဒါဟာ သဘာဝ ဘေးအန္တရာယ်သာ ဖြစ်ကြောင်း ပြောပါတယ်။

အဲဒီဒေသမှာ မိုးသည်းထန်တာ၊ ငလျင်လှုပ်တာ၊ ရွှံ့မြေပြိုတာတွေ မကြာခဏဆိုသလို ဖြစ်လေ့ရှိပါတယ်။ အဲဒီဒေသနဲ့ ထိစပ်နေတဲ့ ခရိုင်တခုမှာ ပြီးခဲ့တဲ့လတုန်းက ငလျင်လှုပ်ခဲ့တာမှာ ၈၁ ဦး သေဆုံးခဲ့ပါ တယ်။ နောက်တလ အကြာမှာ မြေပြိုမှု ဖြစ်ပွားခဲ့တဲ့အတွက် မူလတန်းကျောင်းတကျောင်း နစ်မြှုပ်ခဲ့ပြီး လူကြီးတဦးနဲ့ စာသင်သား ၁၈ ဦး သေဆုံးခဲ့ပါတယ်။

ဗွီအိုအေ သတင်းဌာန

No comments:

Post a Comment

Subscribe to: Post Comments (Atom)