ဘင်္ဂါလီများအား လူမှောင်ခို ကူးရာတွင် ပါဝင်ပါတ်သက်သော ထိုင်းကြည်းတပ် အရာရှိအချို့အား စုံစမ်းစစ်ဆေးရန် ထိုင်းကြည်းတပ် ဦးစီးချုပ်က ညွှန်ကြား ခဲ့ခြင်း

မြန်မာနိုင်ငံမှ ဘင်္ဂါလီ ရွှေ့ပြောင်း အလုပ်သမားများအား ထိုင်းနိုင်ငံမှ တစ်ဆင့် တတိယ နိုင်ငံ တစ်နိုင်ငံသို့ လူမှောင်ခိုကူးရာတွင် အကူ အညီပေးခဲ့သည်ဟု သံသယရှိသည့် ထိုင်းကြည်းတပ်မှ အရာရှိ အချို့ အား စုံစမ်းစစ်ဆေးမှု ပြုလုပ်သွားရန် ကြည်းတပ်ဦးစီးချုပ်ဗိုလ်ချုပ်ကြီး ပရာယုဒ် ချန်အိုချာက ညွှန်ကြားခဲ့သည်ဟု ဇန်နဝါရီလ ၂၁ ရက်နေ့ Reuters သတင်းတစ်ရပ်အရ သိရှိ ရပါ သည်။ အဆိုပါလူမှောင်ခိုကူးမှုတွင်ပါဝင်ပတ်သက်သည့် စစ်သည်များအား တရားစွဲဆိုခြင်းနှင့် တပ်မတော် မှ ထုတ်ပစ်ခြင်းတို့ ပြုလုပ်သွားမည် ဖြစ်ကြောင်း ဗိုလ်ချုပ်ကြီး ပရာယုဒ်က ပြောကြားခဲ့ပါသည်။ ရဲတပ်ဖွဲ့၏ စုံစမ်းစစ်ဆေးမှုတစ်ရပ်အရ ကြည်းတပ်မှ ဗိုလ်မှူးနှင့် ဗိုလ်မှူးကြီးအဆင့်ရှိအဆင့်မြင့် အရာရှိအချို့သည် ထိုင်းနိုင်ငံမှတစ်ဆင့် မလေးရှားနိုင်ငံအတွင်းသို့ မြန်မာနိုင်ငံမှ ဘင်္ဂါလီများအားတရားမဝင် လူမှောင်ခို ကူးရာတွင် ပါဝင်ပတ်သက်ခဲ့သည်ဟု ဇန်နဝါရီလ ၂၁ ရက်နေ့ Bangkokpost သတင်းစာ တွင် ရေး သားဖော်ပြထားသည်ဟု သိရှိရပါသည်။ ကြည်းတပ်အရာရှိအချို့အနေဖြင့် ၎င်းတို့၏ ကိုယ်ချင်း စာနာစိတ်ကြောင့်သာ အဆိုပါ ဘင်္ဂါလီကိစ္စတွင်စတင် ပါဝင်ပတ်သက်ခြင်း ဖြစ်လာနိုင်ဖွယ်ရှိကြောင်း ဗိုလ်ချုပ်ကြီးပရာယုဒ်က ပြောကြားခဲ့ပါသည်။ ထိုင်းအစိုးရအနေဖြင့် ဘင်္ဂါလီများအား စီးနင်းရှာဖွေ ခဲ့ပြီးနောက်ဖမ်းဆီးထိန်းသိမ်းထားသည့် ဘင်္ဂါလီ ရွှေ့ပြောင်း အလုပ်သမားများကို အကူအညီ ပေး ရန် နိုင်ငံတကာလူသားချင်း စာနာထောက်ထား ရေးအေဂျင်စီများနှင့် ပူးပေါင်း ဆောင်ရွက်သွား မည် ဖြစ်ကြောင်း၊ သို့ရာတွင် တရားမဝင်ဝင်ရောက် နေထိုင်မှုအတွက် ဖမ်းဆီးခံထားရသော ဘင်္ဂါလီ များ ကိုမူ နှင်ထုတ်သွားမည် ဖြစ်ကြောင်း ပြောကြားခဲ့ သည်ဟု သိရှိရပါသည်။

  မြ၀တီ