Friday, April 19, 2013

လွတ်မြောက်တဲ့စိတ်


လွတ်မြောက်တဲ့စိတ်ဆိုတာ အရဟတ္တဖိုလ်စိတ်ပဲ။
လွတ်မြောက်မှုဆိုတဲ့စိတ်ကို ရဖို့ရာအတွက်--

၁။ မိတ်ကောင်း ၊ ဆွေကောင်း ၊ ဆရာကောင်း ၊သမား
ကောင်းရှာရမယ်။

၂။ မိတ်ကောင်း ၊ ဆွေကောင်း ၊ ဆရာကောင်း ၊သမား
ကောင်းအကြောင်းပြုပြီးတော့ ကိုယ်ကျင့်သီလ
မြဲရမယ်။

၃။ တရားဓမ္မ နာယူရမယ် ၊ ကထာ(၁၀)မျိုး မကြာ
ခဏနာရမယ်၊ ပျော်စရာစကားတွေ နားထောင်ဖို့
မဟုတ်ဘူး။ တကယ့်သံဝေဂ ရစရာတို့ အပ္ပိစ္ဆ
ကထာတို့ ၊ သန္တိုဠီကထာတို့ ဒီလိုလေးနက်တဲ့
တရားစကားတွေ နာဖို့လိုတယ်။

၎။ လုံ့လဝီရိယ ရှိရမယ်။

၅။ ပညာရှိရမယ်။

အဲဒီအခြေအနေကောင်း (၅)မျိုးရှိလာပြီဆိုရင်
စိတ်ကလေးလွတ်အောင် ဘာလုပ်ရမလဲ။ လောဘက
လွတ်ဖို့ အသုဘ ကို ပွားပါတဲ့ ။ ဒေါသက လွတ်ဖို့
အတွက် မေတ္တာ ပွားပါတဲ့ ။ အတွေးတွေကနေ
လွတ်မြောက်ဖို့အတွက် အာနာပါနဿတိ ကို ပွားပါတဲ့။
ငါဆိုတဲ့ မာန်မာနကို ဖယ်ရှားပစ်ဖို့ အနိစ္စသညာကို
ပွားပါ။ အနိစ္စသညာကို ပွားလိုက်ရင် အနတ္တ ဝင်လာမှာ
ဖြစ်တယ်။ အနတ္တသညာ ဝင်လာလို့ရှိရင် ငါဆိုတဲ့ မာန
ကင်းသွားလ်ိမ့်မယ်။ အဲဒီအချိန်မှာ လုံးဝလွတ်လပ်တဲ့
လွတ်မြောက်တဲ့စိတ်ရဲ့ အခြေအနေတစ်ခုကို ရရှိ
ပိုင်ဆိုင်ကြမှာ ဖြစ်တယ်။ ဒါကြောင့် ဗုဒ္ဓမြတ်စွာရဲ့
နောက်ဆုံးပန်းတိုင်ဖြစ်တဲ့ လွတ်မြောက်တဲ့စိတ်ကို
ရရှိအောင် ကျင့်ကြံကြိုးကုတ် အားထုတ်တော်မူနိုင်
ကြပါစေကုန်သတည်း။

(ဒေါက်တာ အရှင်နန္ဒမာလာဘိဝံသ)

No comments:

Post a Comment