သီလဝါဆိပ်ကမ်းတွင် မြန်မာနိုင်ငံ ဆန်စပါးအဖွဲ့ချုပ်မှ ပိုင်ဆိုင်သည့် ဆိပ်ကမ်းတစ်ခု တည်ဆောက်ခွင့်ပြု ခဲ့ကြောင်း မြန်မာနိုင်ငံ ဆ...န်စပါး အဖွဲ့ချုပ်၏ တရားဝင် ထုတ်ပြန်ထားသော သတင်းအရ သိရှိရပါသည်။ယင်းဆိပ်ကမ်းကို သီလ၀ါဆိပ်ကမ်း အကွက်နံပါတ် ၂၈ တွင် တည်ဆောက်ခွင့် ရခဲ့ပြီး တန်ချိန် သုံးသောင်း နီးပါး အတင်အချ ပြုလုပ်နိုင်သည့် ဆိပ်ကမ်းတစ်ခုအဖြစ် တည်ဆောက်မည် ဖြစ်ကြောင်းနှင့် မြန်မာနိုင်ငံ ဆန်စပါး လုပ်ငန်းရှင် များဖြင့်ဖွဲ့စည်း ထားသည့် မြန်မာနိုင်ငံလယ်ယာစီးပွားရေး အများပိုင်ကော်ပိုရေးရှင်းမှ တည်ဆောက် မည်ဖြစ်သည်။
မြန်မာနိုင်ငံ ဆန်စပါး အဖွဲ့ချူပ်မှ ဒေါက်တာစိုးထွန်က “ဆိပ်ကမ်းက ဆန်စပါးတမျိုးတည်းအတွက် တည်ဆောက်တဲ့ ဆိပ်ကမ်းမဟုတ်ပါဘူး။ လယ်ယာထွက်ကုန်များ အသုံးပြုလို့ ရပါတယ်။ ပြီးစီးမဲ့ အချိန်ကို နှစ်နှစ်အတွင်း ပြီးမယ်လို့ ခန့်မှန်းထားပါတယ်” ဟု ဆိုသည်။
ဆန်စပါးတန်ချိန် ၁ သန်းခွဲနီးပါး တင်ပို့သည့် အချိန်များတွင် ဆိပ်ကမ်းတစ်ခုတည်းတွင် တင်ပို့ပါက ခက်ခဲနိုင်သဖြင့် တည်ဆောက်ခြင်းဖြစ်ပြီး ပဲမျိုးစုံတင်ပို့ ရောင်းချသူများအသင်း အနေဖြင့်လည်း ဆိပ်ကမ်း တည်ဆောက်ခွင့် တင်ထားပြီး လယ်ယာထွက်ကုန်များ ပြည်ပတင်ပို့ရာတွင် လွယ်ကူနိုင်မည် ဖြစ်ကြောင်း သိရသည်။
Mizzima
No comments:
Post a Comment