ဧရာဝတီတိုင်း ဒေသကြီးအတွင်း တန်ဖိုးနည်းဖုန်း ချထားပေးမှု ယခင်လထက် အလုံးရေ ၈၀၀၀ ကျော် လျော့နည်းမည်

ဧရာဝတီတိုင်း ဒေသကြီးအတွင်း တန်ဖိုးနည်းဖုန်း ချထားပေးမှု ယခင်လထက် အလုံးရေ ၈၀၀၀ ကျော် လျော့နည်းမည်ဖြစ်ပြီး နေရာ ၂၇ နေရာတွင်သာ ရောင်းချပေးမည်ဖြစ်ကာ ဇွန် ၂၀ ရက်တွင် ချထားပေးမည်ဖြစ်ကြောင်း တိုင်းဒေသကြီး ဆက်သွယ်ရေးထံမှ စုံစမ်းသိရှိရသည်။

"ဇွန်လအတွက် တန်ဖိုးနည်းဖုန်းတွေ ချထားပေးနိုင်ဖို့အတွက် ဆက်သွယ်ရေး အနေနဲ့ ထုတ်ယူလာတဲ့ ဖုန်းတွေကို တိုင်းဒေသကြီး အစိုးရအဖွဲ့ထံ မနက်ဖြန် (ဇွန် ၁၉ ရက်) မှာ ပေးအပ်သွားမှာပါ။ ဇွန်လအတွက် တိုင်းဒေသကြီးအတွင်း ချထားပေးမယ့် ဖုန်းအလုံးရေက ၃၀၈၆၁ လုံး ဖြစ်ပါတယ်။ 800 MHz စိုက်ထူပြီး နေရာ ၂၇ နေရာမှာ ရောင်းချပေးသွားမှာပါ။ ပြီးခဲ့တဲ့ နှစ်သုတ်တုန်းက ချထားပေးပြီးတဲ့ နေရာအားလုံးမှာ အလုံးရေ လျော့နည်းချထား ပေးသွားမှာဖြစ်ပြီး ပြီးခဲ့တဲ့ လကမှစပြီး ချထားပေးခဲ့တဲ့ မအူပင်နဲ့ အခုလမှာ စပြီးချထားပေးမယ့် သာပေါင်း၊ မော်ကျွန်း နဲ့ မြန်အောင်နေရာတွေ ကိုတော့ အလုံးရေ ပြည့်မီအောင် ချထားပေးသွားမှာ ဖြစ်ပါတယ်။ မြို့နယ်အလိုက် အလုံးရေ ခွဲတမ်းချထားပေးမှု တွေကတော့ တိုင်းဒေသကြီး အစိုးရအဖွဲ့က အဆင့်ဆင့်ညွှန်ကြား ဆောင်ရွက် သွားမှာ ဖြစ်ပါတယ်။ ဧရာဝတီတိုင်း ဒေသကြီးအတွင်း တန်ဖိုးနည်းဖုန်း ချထားပေးမှု အရေအတွက်က ဒီလနဲ့ဆိုရင် ၁၁၁၀၉၅ လုံး ရှိပြီဖြစ်ပါတယ်" ဟု ဆက်သွယ်ရေး တိုင်းမန်နေဂျာက ဇွန် ၁၈ ရက်က ပြော ကြားသည်။

တန်ဖိုးနည်းဖုန်းများ စတင်ချထားပေးစဉ်က တိုင်းဒေသကြီးအတွင်း နေရာ ၃၀ အတွက် အလုံးရေ ၄၁၀၀၀ လုံး ချထားပေးခဲ့ပြီး ဒုတိယအသုတ် ချထားပေးမှုတွင် တိုင်းဒေသကြီးအတွင်း ၃၁ နေရာအတွက် အလုံးရေ ၃၉၂၃၄ လုံး ချထားပေးခဲ့ကာ အလုံးရေ ၁၇၀၀ ကျော် လျော့နည်းရရှိ ခဲ့သည်။ စတင်ချထား ပေးခဲ့စဉ်က တိုင်းဒေသကြီးအတွင်း 800 MHz စခန်း ၃၀ သာ ရှိခဲ့ပြီး ယခု တတိယအကြိမ် ချထားပေးချိန်တွင် 800 MHz စခန်း ၃၄ နေရာအထိ ရှိလာပြီဖြစ်ကြောင်း သိရသည်။

ဇွန် ၁၅ ရက်က နိုင်ငံပိုင် မြန်မာ့အလင်း သတင်းစာတွင် ဆက်သွယ်ရေး ၀န်ကြီးဌာနက စက်ပစ္စည်းနှင့် BTS စခန်းအသစ်များ တိုးချဲ့နေဆဲဖြစ်သည့် တိုင်းဒေသကြီးများတွင် ဖုန်းလိုင်းကျပ်၍ အဆင်မပြေမှုများ မဖြစ်ပေါ်စေရေးအတွက် SIM card အရေအတွက် လျှော့ရောင်းမည်ဟု ကြေညာခဲ့သည့် ပြည်နယ်နှင့် တိုင်းဒေသကြီး ခြောက်ခုတွင် ဧရာဝတီတိုင်း ဒေသကြီးလည်း ပါဝင်ခဲ့သည်။

From....EMG