မောင်တောမြို့နယ်၏ လုံခြုံရေးအား ဆက်လက်တာဝန်ယူနေသည့် တပ်မတော်နှင့်
ရဲတပ်ဖွဲ့အား လုံခြုံရေးစခန်း တစ်ခုတွင် တွေ့ရစဉ် (ဓာတ်ပုံ-၀င်းမောင်)
နယ်စပ်ဒေသ လူဝင်မှု စစ်ဆေးရေး ကွပ်ကဲမှုဌာနချုပ် (နစက)ကို ဇူလိုင် ၁၂ ရက်က
ဖျက်သိမ်းလိုက်
ပြီးနောက် နစက၏ တာဝန်များကို ရဲတပ်ရင်းမှ အစားထိုး
ဝင်ရောက်နေပြီး နစကနယ်မြေများနှင့် စစ်ဆေးရေး ဂိတ်များတွင် ရဲတပ်ရင်းမှ
တပ်ဖွဲ့ဝင်များ အစားထိုး တာဝန်ထမ်းဆောင် နေပြီဖြစ်ကြောင်း သတင်းရရှိသည်။
"နစကကို ဖျက်သိမ်းလိုက်တဲ့အတွက် တချို့က အလွဲအယူတွေ မှားကောက်နေတာ
ရှိပါတယ်။ နယ်မြေ လုံခြုံရေး မကျိုးပေါက်အောင် ဌာနဆိုင်ရာတွေ၊ ရဲတပ်ဖွဲ့၊
ရဲတပ်ရင်းနဲ့ နယ်မြေခံလုံခြုံရေး တပ်ဖွဲ့တွေက ကြပ်မတ်ဆောင်ရွက် နေပါတယ်" ဟု
မြို့နယ်အုပ်ချုပ်ရေးမှူး ဦးကြည်စန်းက ပြောကြားသည်။
"နစက ဖျက်သိမ်းပြီလို့ ရုတ်တရက် ကြေညာလိုက်တော့ စိတ်ထဲတစ်မျိုး
စိုးရိမ်သွားသေးတယ်။ ဒါပေမဲ့ အခုကတော့ ရဲတပ်ဖွဲ့တွေ၊ လုံထိန်းတပ်ဖွဲ့တွေက
နစက တာဝန်ယူခဲ့တဲ့ နယ်စပ်စခန်းတွေမှာ အားလုံး တာဝန်ယူလိုက်ပြီ ဖြစ်ပါတယ်။
လွန်ခဲ့တဲ့ အပတ်ကလည်း ကားကြီးတွေနဲ့ ရဲတပ်ရင်း တပ်ဖွဲ့ဝင်တွေ ငါးစီး၊
ခြောက်စီး ၀င်လာတာ တွေ့ရပါတယ်။ သုံးမိုင်ဂိတ်တို့၊ ဆိပ်ကမ်းတို့မှာလည်း
လ၀ကနဲ့ ရဲတွေက ဆက်လက်ပြီး လူဝင်လူထွက်တွေကို စစ်ဆေးနေတာ တွေ့နေရပါပြီ" ဟု
မောင်တောမြို့ခံ တစ်ဦး က ပြောကြားသည်။
မြန်မာ-ဘင်္ဂလားဒေ့ရှ် နယ်စပ်တစ်လျှောက် နယ်မြေ ၁၁ ခု၊ စခန်း ၃၂
ခုတို့ရှိပြီး အဆိုပါ ကင်းစခန်း များတွင် ရဲတပ်ရင်းမှ ၀င်ရောက်ကာ
လုံခြုံရေးတာဝန်များ အား နေ့ညမပြတ် ဆောင်ရွက်နေ ပြီဟု လည်း ရဲတပ်ရင်းမှ
လုံခြုံရေး အရာရှိတစ်ဦးက ပြောကြားသည်။
From...EMG
No comments:
Post a Comment