အိန္ဒိယရေတပ်အနေနဲ့ မြန်မာရေတပ်ကို သင်္ဘော ဆောက်လုပ်မှုတွေ ၊ သင်္ဘော ဒီဇိုင်းဆွဲမှုတွေမှာ အကူ အညီ ပေးနေသလို ရေတပ်အမှုထမ်းတွေအတွက် ကျွမ်းကျင်မှု ပိုင်းဆိုင်ရာ လေ့ကျင့် သင်တန်း ပေးမှုတွေမှာလည်းကူညီ ဆောင်ရွက်နေကြောင်း၊ မြန်မာရေတပ်မှာ ရေငုတ်သင်္ဘော မရှိသေးပေမယ့် မကြာခင်ရှိလာတော့မှာမို့ ရေငုပ် သင်္ဘောဆိုင်ရာ ကျွမ်းကျင်မှုတွေ၊ ရေဒါ စနစ် စတာတွေ မှာ အိန္ဒိယ ရေတပ်က အကူအညီပေးနေကြောင်း အိန္ဒိယစစ်ရေးနည်းဗျူဟာဆိုင်ရာ အကဲခတ် ဗိုလ်ချုပ်ကြီးဟောင်း Ashok Mehta က ဘီဘီစီကို ပြောပါတယ်။
အိန္ဒိယ မြန်မာ နှစ်နိုင်ငံအကြားမှာ စီးပွားရေး၊ နိုင်ငံရေး၊ စစ်ရေး စတဲ့ ပူးပေါင်း ဆောင်ရွက်မှုတွေ သာမက ပြည်သူ အချင်းချင်း ပူးပေါင်း ဆောင်ရွက်မှုတွေလည်း ဆက်လုပ်သွား ဖို့ ရှိတယ်လို့လည်း သူက ပြောပါတယ်။
မြန်မာနဲ့ အိန္ဒိယနိုင်ငံအကြား ခိုင်မာ တောင့်တင်းတဲ့ ဆက်ဆံရေး ကာလတာရှည် ထားရှိခဲ့ တာ ဖြစ်ပြီး မြန်မာ စစ်အစိုးရ လက်ထက်မှာ မြန်မာ စစ်ခေါင်းဆောင် တွေက အိန္ဒိယကနေ မြန်မာနိုင်ငံ ဘက်ခြမ်း နယ်စပ်ဒေသ ထဲ ဝင် ခိုလှုံနေတဲ့ အိန္ဒိယ သူပုန်တွေကို တိုက်ထုတ် ချေမှုန်းပေးခဲ့ တာမျိုးတွေ ရှိခဲ့ပါတယ်။
မြန်မာ ရေတပ် ဦးစီးချုပ် ဒုတိယ ဗိုလ်ချုပ်ကြီး သူရ သက်ဆွေ နဲ့ အဖွဲ့ဟာ အင်္ဂါနေ့မှာ ကိုချင်မြို့ က တောင်ပိုင်း ရေတပ် စခန်းကို သွားရောက် ကြည့်ရှုခဲ့ပြီး ဗုဒ္ဓဟူးနေ့ မှာတော့ အရှေ့ပိုင်း ရေတပ် စခန်း ကို သွားရောက်မှာ ဖြစ်ပါတယ်။
BBC
No comments:
Post a Comment