ဂျပန်နိုင်ငံရှိ လျှပ်စစ်စွမ်းအင် ထုတ်လုပ်ပေးနေသော လည်ပတ်ဆဲနောက်ဆုံး နျူကလီးယား ဓာတ်ပေါင်းဖို တစ်လုံးကို ပုံမှန်စစ်ဆေးမှုများ ဆောင်ရွက်ရန်အတွက် မကြာမီရပ်ဆိုင်းသွားမည် ဖြစ်ကြောင်း စက်တင်ဘာ ၁၅ ရက် အင်တာနက် သတင်းတစ်ရပ်အရ သိရသည်။
ပုံမှန်စစ်ဆေးမှုသည် ခြောက်လခန့် ကြာမြင့်နိုင်ပြီး နျူကလီးယား ဓာတ်ပေါင်းဖိုများ လုပ်ငန်းပြန်လည် မလည်ပတ်ခင် ဒေသဆိုင်ရာ အုပ်ချုပ်ရေးအဖွဲ့များ၏ သဘောတူညီချက်ရယူရမည် ဖြစ်ကြောင်းလည်း သိရသည်။ ၂ဝ၁၁ ခုနှစ်က ဂျပန်နိုင်ငံရှိ ဖူကူရှီးမား ဒိုင်အိချိ စွမ်းအင်စက်ရုံတွင် နျူကလီးယား မတော်တဆ မှု ဖြစ်ပွား ပြီးနောက် နိုင်ငံအတွင်းရှိ နျူကလီးယား ဓာတ်ပေါင်းဖို အားလုံးကို လုံခြုံစိတ်ချမှု စစ်ဆေးရန် အတွက် ရပ်ဆိုင်း ခဲ့ကြောင်း၊ Ohi နျူကလီးယား စွမ်းအင်စက်ရုံရှိ ဓာတ်ပေါင်းဖို အမှတ်(၃)နှင့် အမှတ်(၄)ကို ၂ဝ၁၂ ခုနှစ်က ပြန်လည် လည်ပတ်ခွင့်ပြုခဲ့ကြောင်း၊ ၎င်းအနက် အမှတ်(၃) ဓာတ်ပေါင်းဖိုကို ပြီးခဲ့သည့် စက်တင်ဘာ ၃ ရက်က ပြန်လည်ရပ်ဆိုင်းခဲ့ပြီး ယခု ဓာတ်ပေါင်းဖိုသာ နောက်ဆုံး လည်ပတ်နေကြောင်း သိရသည်။
မြ၀တီ
No comments:
Post a Comment