ဗြိတိန်၊ ထိုင်း၊ ဟောင်ကောင်တို့မှ အထည်ချုပ်လုပ်ငန်းသုံးခုကို ရန်ကုန်တိုင်းဒေသကြီး လှိုင်သာယာ စက်မှု ဇုန်တွင် လက်ခစား(CMP)စနစ်ဖြင့် ဆောင် ရွက်လုပ်ကိုင်ရန် စက်တင်ဘာလ ၁၁ ရက်နေ့က လုပ်ငန်းလုပ် ကိုင်ခွင့် ချထားပေးခဲ့ကြောင်း မြန်မာနိုင်ငံ ရင်းနှီးမြှုပ်နှံ မှု ကော်မရှင် (MIC) ထံမှ သိရှိရသည်။
ထို့အပြင် ရာနှုန်းပြည့် နိုင်ငံခြား ရင်းနှီးမြှုပ်နှံမှုဖြင့် အထည်ချုပ်လုပ်ငန်း လုပ်ကိုင်မည့် ဗြိတိန်နိုင်ငံမှ S Young Co., Ltd. နှင့် ဟောင်ကောင်မှ Hydrodynamic Industrial (Myanmar) Co., Ltd. တို့က လည်း လှိုင်သာယာမြို့နယ်အတွင်းရှိ ရွှေလင်ပန်း စက်မှုဇုန်တွင် လက်ခစားစနစ် (CMP) ဖြင့် အထည်ချုပ်လုပ် ငန်း လုပ်ကိုင်ရန် MIC က ခွင့်ပြုပေးခဲ့သည်။
လက်ခစားစနစ် (CMP) ဖြင့် ဝင်ရောက်ရင်းနှီးမြှုပ်နှံကြသော စက်ရုံ အလုပ်ရုံများသည် လုပ်သားလိုအပ် ချက် မြင့်မားသောကြောင့် ဖွံ့ဖြိုးဆဲနိုင်ငံများတွင် ဆင်းရဲမွဲတေမှု လျှော့ချရာတွင် အထောက် အကူ ဖြစ်ကြောင်း ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနမှ တာဝန်ရှိသူတစ်ဦးက သုံးသပ် သည်။
“CMP လုပ်ငန်းတွေက လုပ်သားများများ သုံးရတော့ လုပ်သားပမာဏများတဲ့ ဖွံ့ဖြိုးဆဲနိုင်ငံတွေမှာ အတိုင်းအတာတစ်ခုအထိ အဆင်ပြေစေတယ်။ ဒါပေမဲ့ဒါဟာဖွံ့ဖြိုးတိုးတက်မှုအတွက် တကယ့် အဖြေတော့ မဟုတ်ဘူး” ဟု ၎င်းကဆိုသည်။
မြန်မာနိုင်ငံ ရင်းနှီးမြှုပ်နှံမှု ကော်မရှင်သည် ၂၀၁၃ ခုနှစ်အတွင်း ပြည်ပရင်းနှီးမြှုပ်နှံမှုဖြင့် လုပ်ကိုင်မည့် အထည်ချုပ် လုပ်ငန်း ၃၁ ခုကို လုပ်ကိုင် ခွင့်ပြုခဲ့သည်။
The Voice Weekly
No comments:
Post a Comment