ကယားပြည်နယ်တွင် လူနာတင်ကားတစ်စီးသာရှိ၍ အရေးပေါ်အခြေအနေ များတွင် အခက်အခဲဖြစ်နေ

ကယားပြည်နယ်တွင် ဆေးရုံကြီးကိုးခုရှိသော်လည်း အရေးပေါ်လူနာတင်ကားတစ်စီးသာရှိနေရာ အရေးပေါ် အခြေအနေများတွင် ဆေးရုံတင်နိုင်ရန်အခက်အခဲဖြစ်နေရကြောင်း ဒေသခံပြည်သူများထံမှ သိရသည်။

ကယားပြည်နယ်၏မြို့နယ်များဖြစ်သော လွိုင်ကော်၊ ဖရူဆို၊ ဒီးမော့ဆို၊ ရှားတော၊ ရွာသစ်၊ ဘော်လခဲ၊ မော်ချီး၊ ဖားဆောင်း၊ မယ်စဲအစရှိသည့်မြို့နယ်များတွင် ဆေးရုံကြီးများရှိသော်လည်း အရေးပေါ်လူနာတင်ကားမှာ လွိုင်ကော်ဆေးရုံကြီး တစ်ခုတွင်သာရှိကြောင်း သိရသည်။

''တော်ရုံနေမကောင်းဖြစ်တာမျိုးက ဘာမှမဖြစ်ပေမယ့် အရေးပေါ်အခြေအနေဆို ဆေးရုံကြီးကိုပို့ဖို့ ရွာမှာ ကားက မရှိ အရေးပေါ်လူနာတင်ကားမရှိတော့ တော်တော်ဒုက္ခရောက်ရတယ်။ ရွာဆေးခန်းတွေမှာက နေမကောင်းဖြစ်ရင်တောင် ဆေးမစုံတာနဲ့ ဆေးမှူးမရှိဖြစ်နေတာ''ဟု ဘော်လခဲမြို့နယ်တွင်နေထိုင်သူ ဦးဖြိုးက ပြောသည်။ အရေးပေါ်အခြေအနေဖြစ်ပေါ် ပါက ဆေးရုံပို့ရန်ကားမရှိ၍ ဆိုင်ကယ်ဖြင့် ပို့ဆောင်နေကြ ရကြောင်း ¤င်းက ဆက်ပြောသည်။

မြို့ပေါ်တွင်နေထိုင်သူများအနေဖြင့် အခက်အခဲမရှိသော်လည်း ကျေးရွာများတွင် နေထိုင်သူများအနေဖြင့် လမ်းခရီး ဝေးသည့်အပြင် လမ်းပန်းဆက်သွယ်ရေးမကောင်းခြင်းသည်လည်း အခက်အခဲတစ်ခုဖြစ်နေသည် ဟု ဒေသခံများက ဆိုသည်။

''အရေးပေါ်ဆေးရုံတင်ကားမလုံလောက်တာတော့ အမှန်ပဲ။ ထပ်ချပေးမယ်ဆိုရင် ပိုအဆင်ပြေသွားမယ်''ဟု ကယား ပြည်နယ်ကျန်းမာရေးဦးစီးဌာနမှ တာဝန်ရှိသူတစ်ဦးက ပြောသည်။

အဆိုပါအရေးပေါ်တင်ကားလိုအပ်နေမှုနှင့်ပတ်သက်ပြီး ပြည်နယ်အစိုးရသို့ ဆက်သွယ်မေးမြန်းသော်လည်း ပြန် လည်ဖြေကြားခြင်းမရှိခဲ့ပေ။ ထို့ပြင် ကယားပြည်နယ်အခြေစိုက်အဖွဲ့အစည်းတစ်ခုဖြစ်သော ကရင်နီ လူငယ် များ သမဂ္ဂအနေဖြင့် လည်း ဆေးရုံ၊ ဆေးခန်းများနှင့်ပတ်သက်သည့်လိုအပ်ချက်များကို ပြည်နယ် အစိုးရ သို့ တင်ပြထားကြောင်း သိရသည်။

''ကျွန်တော်တို့အဖွဲ့အနေနဲ့ အရေးပေါ်ကားမှမဟုတ်ပါဘူး။ ဆေးရုံတွေမှာ ဆရာဝန်မလုံလောက်တာတွေ၊ ဆေးဝါး နဲ့ ဆေးရုံအသုံးစရိတ်ဈေးကြီးတာတွေ၊ ကျေးလက်ဆေးခန်းတွေမှာလဲ ဆေးဝါးနဲ့ဆရာဝန် လိုအပ် ချက်တွေရှိနေတာကို ဆောင် ရွက်ပေးဖို့ ပြည်နယ်အစိုးရကိုတင်ပြခဲ့ပါတယ်''ဟု ကရင်နီလူငယ်များ သမဂ္ဂ အဖွဲ့ မှ ကိုဥတ္တရာအောင်က ပြောသည်။

The Flower News Journal Vol-10 , No.11

Yangon Media Group