 |
| ဂျာမနီဝန်ကြီးချုပ် အင်ဂလာမာကဲလ် (ဝဲ) နဲ့ အမေရိကန်သမ္မတ ဘာရက်အိုဘားမား(ယာ) |
အမေရိကန်နဲ့ ဥရောပသမဂ္ဂတို့က ရုရှားနိုင်ငံအပေါ် ဒဏ်ခတ်ပိတ်ဆို့မှုအသစ်တွေလုပ်ပြီး ရက်ပိုင်းအကြာမှာပဲ ခေါင်းဆောင် ၂ ယောက်ဟာ သောကြာနေ့က အိမ်ဖြူတော်မှာ ပြောကြားခဲ့တာဖြစ်ပါတယ်။
ရုရှားနိုင်ငံခေါင်းဆောင်ပိုင်းက ယူကရိန်းနိုင်ငံအရှေ့ပိုင်းမှာ မတည်ငြိမ်မှုတွေ ဖြစ်အောင် ဆက်လုပ်နေမယ်ဆိုရင် အမေရိကန်နဲ့ ဥရောပ သမဂ္ဂအနေနဲ့ သံတမန် နဲ့ စီးပွားရေးဒဏ်ခတ်ပိတ်ဆို့မှုတွေအပါအ၀င် နောက်ထပ်ဒဏ်ခတ်ပိတ်ဆို့မှုတွေကို ခပ်မြန်မြန် လုပ်ဆောင်သွားမှာဖြစ်တယ်လို့ သမ္မတအိုဘားမားက ပြောကြားလိုက်ပါတယ်။
အမေရိကန်နဲ့ ဂျာမနီအနေနဲ့ ဒါမျိုးလုပ်ဖို့ မလိုလားပေမယ့်လည်း၊ ရုရှားအနေနဲ့ ဒီအတိုင်းဆက်သွားနေမယ်ဆိုရင်တော့ ရှောင်လွှဲလို့ ရမှာမဟုတ်ဘူးလို့ ၀န်ကြီးချုပ် မာကယ်လ်က အလေးပေးပြောကြားသွားပါတယ်။ ဘယ်လမ်းကိုသွားချင်လဲဆိုတာ ရုရှားအပေါ်မှာပဲ မူတည်တယ်လို့ ပြောလိုက်ပါတယ်။
ဗွီအိုအေ (မြန်မာဌာန)
No comments:
Post a Comment