မြန်မာနိုင်ငံမှာ ၂၀၁၄ ခုနှစ် နှစ်ကုန်ပိုင်းမှာ ပြုလုပ်မယ့်
ကြားဖြတ်ရွေးကောက်ပွဲအတွက် လွှတ်တော်ကိုယ်စားလှယ်လောင်းတွေ လိုက်နာရမယ့်
မဲဆွယ်စည်းရုံးခွင့်ညွှန်ကြားချက်
မူကြမ်းနဲ့ ပတ်သက်ပြီး ပြည်ထောင်စုရွေးကောက်ပွဲကော်မရှင်နဲ့
နိုင်ငံရေးပါတီခေါင်းဆောင်တွေ မနေ့က ရန်ကုန် မြို့မှာ တွေ့ဆုံခဲ့ကြ
ပါတယ်။ဆွေးနွေးပွဲကို နိုင်ငံရေးပါတီ ၅၀ကျော်က ပါတီခေါင်းဆောင်တွေ
တက်ရောက်ခဲ့ကြပြီး မဲဆွယ် စည်းရုံးရေး မူကြမ်းမှာပါတဲ့
စည်းကမ်းတချို့ဖြစ်တဲ့ လွှတ်တော် ကိုယ်စားလှယ်လောင်းတွေ လိုက်နာရမယ့်
စုဝေးဟောပြောခွင့်နဲ့ မဲဆွယ်စည်းရုံးခွင့် တွေဟာ
ကန့်သတ်ချက်တွေ ရှိတဲ့
အတွက် ဒါတွေကို ပြန်လည်ပြင်ဆင်ဖို့ တွေ့ဆုံဆွေးနွေးခဲ့ကြတာဖြစ်ပါတယ်။မဲဆွယ်စည်းရုံးခွင့်ကို တလ သတ်မှတ်ပေးတာနဲ့ မဲဆွယ်စည်းရုံးမယ့်သူတွေအနေနဲ့ ကြိုတင်ခွင့်ပြု ချက်တောင်း ခံရမယ်ဆိုတဲ့ အချက်တွေအပေါ်မှာ နိုင်ငံရေးပါတီတွေကြား ကွဲလွဲမှုတွေရှိနေ တယ်လို့ လည်း ဆိုပါတယ်။
အစည်းဝေးတက်ရောက်ခဲ့တဲ့ ရခိုင်အမျိုးသား ပါတီ ခေါင်ဆောင် တဦးဖြစ်တဲ့ ဒေါက်တာ အေးမောင်က အခုလိုပြောပါတယ်။
“ပြည်ထောင်စုရွေးကောက်ပွဲကော်မရှင်က ညွန်ကြားလွာ တခုထုတ်တယ်လေ၊ အဲဒီညွန်ကြားလွာနဲ့ ပတ်သက်လို့ နိုင်ငံရေးပါတီအားလုံးကို ကြိုတင်ချပြတာရှိပါတယ်။ အတည်ပြုချက်တော့ မပေးသေး ဘူး ပေါ့နော်၊ ပြည် ထောင်စုရွေးကောက်ပွဲကော်မရှင်ရဲ့ နှစ်ရှည် မဟာဗျူဟာစီမံချက် တွေကိုလည်း ကျနော်တို့ကို ချပြတာပေါ့နော်၊ ရွေးကောက်ပွဲနဲ့ ပတ်သက်လို့ ကြိုတင်ပြင်ဆင်မှုတွေပေါ့နော် လာမယ့် ကြားဖြတ် ရွေးကောက်ပွဲမှာလုပ်မဲ့ အစီအမံတွေပေ့ါ အဲဒါတွေကို ရှင်းပြပါတယ်။”
ရွေးကောက်ပွဲကော်မရှင်က ရွေးကောက်ပွဲကော်မရှင်အဆင့်ဆင့်ရဲ့ ဖွဲ့စည်းပုံတွေကို ပေးအပ်ခဲ့ပြီး နိုင်ငံရေးပါတီနဲ့ အမတ်လောင်းတွေ လိုက်နာရမယ့် မဲဆွယ်စည်းရုံး ခွင့်ဆိုင်ရာ စည်းမျဉ်းတွေ ကိုထုတ်ပြန်ခဲ့ပြီး မဲဆန္ဒပေးခွင့်၊ စည်းရုံးခွင့်၊ နိုင်ငံရေးပါတီတွေရဲ့ ကဏ္ဍအပေါ်မှာ သဘောထား မှတ်ချက်တွေကို တောင်းခံခဲ့တယ်လို့ ပြောပါ တယ်။
ရွေးကောက်ပွဲကော်မရှင်က ကြားဖြတ်ရွေးကောက်ပွဲကို လာမယ့်နိုဝင်ဘာ ဒါမှမဟုတ် ဒီဇင်ဘာလ လောက်မှာ ကျင်းပဖို့ရှိတဲ့ အကြောင်း၊ လက်ရှိမှာ လစ်လပ်နေတဲ့ လွှတ်တော် ကိုယ်စားလှယ် အမတ်နေရာ ၃၃နေရာရှိတဲ့အကြောင်းနဲ့ ကြားဖြတ်ရွေးကောက်ပွဲ မကျင်းပမှီ ၃လကြို တင်ပြီး ကြေညာ ပေးမယ့် အကြောင်း ရေဒီယိုသြစတြေးလျ သတင်းထောက် မြတ်မိုးက သတင်းပေးပို့ ထားပါတယ်။
ABC Radio Australia
ပြီးခဲ့တဲ့ ရွေးကောက်ပွဲ မဲဆွယ်စည်းရုံးရေးကာလက တွေ့ရတဲ့ ဒေါ်အောင်ဆန်းစုကြည်
No comments:
Post a Comment