ရုရှားက လူသားချင်း စာနာကူညီမှုယာဉ်တန်းများစေလွှတ်။ (သြဂုတ် ၁၄၊ ၂၀၁၄)
ယူကရိန်းနိုင်ငံအရှေ့ခြမ်းက အရပ်သားတွေအတွက် လူသားချင်း စာနာကူညီမှု ယာဉ်တန်းစေလွှတ်ခဲ့ရာမှာ ရုရှားစစ်တပ်က စစ်ဖက်ဆိုင်ရာ ၀န်ထမ်းတွေ ပါဝင်ပတ်သက်မှု မရှိဘူးလို့ ရုရှားကာကွယ်ရေးဝန်ကြီး Sergei Shoygu က အမေရိကန်ကာကွယ်ရေးဝန်ကြီး Chuck Hagel ကို အာမခံပြောဆိုခဲ့ တယ်လို့ ပင်တဂွန် ကာကွယ်ရေးစစ်ဌာနချုပ်က ပြောပါတယ်။ အကူအညီယာဉ်တန်း ကိုတော့ အခုဆိုရင် ယူကရိန်းနယ်စပ်မှာ စစ်ဆေးမှုတွေ ပြုလုပ်နေပြီဖြစ်ပါတယ်။
ရုရှားကာကွယ်ရေးဝန်ကြီးကလည်း အဲဒီယာဉ်တန်းမှာ စစ်ဖက်ဝန်ထမ်းတွေ မပါဘူးဆိုတာကို အာမခံပြောဆိုခဲ့တယ်လို့ ဆိုပါတယ်။ ရုရှား အနေနဲ့ ယူကရိန်းကို ၀င်ရောက်ကျုးကျော်ဖို့ဆိုတဲ့ ရည်ရွယ်ချက်မျိုးနဲ့ ဒီအကူအညီပေးမှုကို အသုံးချမှာ မဟုတ်ဘူးလို့လည်း ရုရှားဖက် က ပြောခဲ့ တဲ့ အကြောင်း ပြောပါတယ်။
အကူအညီပစ္စည်းတွေ ဖြန့်ဝေမှုကိုလည်း ICRC အပြည်ပြည်ဆိုင်ရာကြက်ခြေနီ အသင်းရဲ့ ကြီးကြပ်မှုအောက်မှာ ပြုလုပ်သွားမယ် ဆိုတာကို လည်း ရုရှားကာကွယ်ရေးဝန်ကြီးက အသိအမှတ်ပြုပြောဆိုခဲ့တယ်လို့ ပင်တဂွန်ပြောခွင့်ရသူက ပြောပါတယ်။
ဗွီအိုအေ (မြန်မာပိုင်း)
No comments:
Post a Comment