နတ်မောက် (မဇ္ဈိမ)။ ။ မကွေးတိုင်း၊ နတ်မောက်မြို့နယ်တွင်
အထက်တန်းရှေ့နေတစ်ဦးနှင့် ဒုရဲအုပ် တစ်ဦးတို့ ပူးပေါင်းကာ ငွေကြေးရယူ၍
မော်တော်ယာဉ်လိုင်စင် အတုပြုလုပ်ပေးသည်ဟုဆိုကာ တိုင်တန်းမှု တစ်ခု
လက်ခံရရှိထားသည် ဟု နတ်မောက် မြို့မရဲစခန်းမှူး ဒုတိယရဲမှူး မောင်ကို က
ပြောသည်။
နတ်မောက်မြို့နယ်၊ စိုင်ကောင်းရဲစခန်းမှ ဒုတိယရဲအုပ်တစ်ဦးနှင့်
အထက်တန်း ရှေ့နေတစ်ဦးတို့က
ယာဉ်တိုက်မှုဖြင့် စိုင်းကောင်းရဲစခန်းတွင်
သိမ်းယူခံထားရသော ဦးပေါ်အေး၏ လိုင်စင်မဲ့ကားကို တရားဝင်ဖြစ်အောင်
ပြုလုပ်ပေးမည်ဟုဆိုကာ စုစုပေါင်း ငွေကျပ် တစ်ဆယ့်ငါးသိန်းနှစ်သောင်းငါးထောင်
(၁,၅၂၅,၀၀၀) တောင်းယူ၍ လိုင်စင်အတုပြုလုပ်ခဲ့သည်ဟု ရဲမှတ်တမ်းတွင်
ဖော်ပြထားသည်။
အဆိုပါတိုင်တန်းချက်အရ သက်ဆိုင်သူနှစ်ဦးကို
နတ်မောက်မြို့၊မြို့မရဲစခန်းက ယာဉ်လိုင်စင်ပြု လုပ် ပေးမည်ဟုဆိုကာ
ငွေလိမ်လည်ရယူခြင်း၊ လိုင်စင်အတု ပြုလုပ်ပေးခြင်းတို့ဖြင့်
(ပ)၁၃၁/၁၄ပြစ်မှု ပုဒ်မ-၄၂၀ အရ အမှုဖွင့်အရေးယူ ဆောင်ရွက်နေသည်။
Mizzima
No comments:
Post a Comment