၁၆လက်မသာရှိတဲ့ ခါးဆိုက်ဒ်ရရှိဖို့အတွက် ကျပ်လွန်းတဲ့ ကိုယ်လုံးလှအတွင်းခံဘောင်းဘီကို ၇နှစ်ဝတ်ဆင်ခဲ့တဲ့ မော်ဒယ်

အသက် (၂၇)နှစ်အရွယ် မော်ဒယ်တစ်ဦးဖြစ်သလို ဒီဇိုင်နာတစ်ဦးလည်း ဖြစ်တဲ့ Kelly Lee Dekay ဟာ သူမလိုချင်တဲ့ ခါးဆိုက်ဒ်အရွယ်ရရှိဖို့အတွက် သေးလွန်းတဲ့အပြင်၊ ကျပ်လွန်းတဲ့ ကိုယ်လုံးလှအတွင်းခံ ဘောင်းဘီကို ၀တ်ဖို့ စိတ်ဆန္ဒပြင်းပြနေခဲ့ပါတယ်။ သူမကြိုက်နှစ်သက်တဲ့ ကာတွန်းကာရိုက်တာ Jessica Rabbit နဲ့ အမျိုးသမီးစွမ်းအားရှင်တွေလို ခါးသေးရင်ချီပုံစံမျိုး လိုချင်နေခဲ့တာပါ။"အရွယ်ရောက်လာတဲ့အခါ သူများနဲ့မတူတဲ့ စတိုင်လ်၊ လှပတဲ့ ၀တ်စုံတွေကို ၀တ်ချင်လာတယ်။ ဒါတွေအားလုံးကို ကာတွန်းတွေထဲမှာ တွေ့ရတယ်။ အဲ့ဒါနဲ့ပဲ တော်တော်လေးကျပ်တဲ့ အားကစားလုပ်တဲ့အခါဝတ်ဆင်နိုင်တဲ့ အတွင်းခံ
အကျပ်တွေကို စ၀တ်ဖြစ်တာပဲ။ ဒါပေမယ့် အတွင်းခံတွေ စ၀တ်ကတည်းက ဘယ်လို အစမျိုးကို ဘယ်လ ချုပ်ရင် ကိုယ်လိုချင်တဲ့အရွယ်အစားကို ရနိုင်မယ်ဆိုပြီး သေချာကို တွက်ဆချုပ်ခဲ့တာပါ။ ကာတွန်း ကာရိုက်တာတွေလို ဖြစ်ချင်ပေမယ့် ကိုယ့်ကိုယ်ပိုင်ပုံစံဒီဇိုင်းလည်း ဖြစ်ချင်ပါသေးတယ်။ စူပါဟီးရို ဆိုပေမယ့် လူဆိုးနေရာက ပါဝင်ရတဲံ စူပါဟီးရိုးမျိုးကို ပိုကြိုက်လို့ပါ"လို့ သူမက Daily Mail Uk ကို ပြောခဲ့ပါ တယ်။

သူမအတွက်ကတော့ ခါးသေးဖို့တစ်ခုတည်းတင် ခုလိုဝတ်ဆင်တာမဟုတ်ပဲ ဒါဟာ လိင်ပိုင်းဆိုင်ရာသာမက အနုပညာတစ်ရပ်လည်း ဖြစ်တယ်လို့ ခံယူထားပါတယ်။



ဒါ့အပြင် Kelly က သူမခုလိုလုပ်ခြင်းဟာ သူမအတွက် သူမလုပ်ဆောင်ခဲ့တာသာဖြစ်ပြီး အမျိုးသားတွေ ငေးသွားရအောင် လုပ်ရခြင်းမျိုးမဟုတ်ပါဘူးတဲ့။ သူမကိုယ်သူမ မိန်းမ၀ါဒီသမားအဖြစ်သာမက လိင်တူချင်း ချစ်ခင်တာမျိုးကို အားပေးသလို ဖိုက်တာတစ်ယောက်ဆိုရင်လည်း မမှားပါဘူးလို့ ဆိုထားပါတယ်။ Kellyဟာ သူမခါးဆိုက်ဒ်သေးအောင် မလုပ်ခင်မှာ ဆရာဝန်နဲ့တိုင်ပင်တာမျိုးတွေ ဘာတွေမလုပ်ခဲ့ပေမယ့် ခုနောက်ပိုင်း ဆေးစစ်တဲ့အခါမှာတော့ သူမရဲ့ကျန်းမာရေးဟာ ဘာချို့ယွင်းချက်မှ မရှိဘူးလို့ သူမက ဖြေကြားသွားပါတယ်။

သူမခုလို ခါးစည်း အတွင်းခံကို တောက်လျှောက်ဝတ်ဆင်ခဲ့ပေမယ့် အခက်အခဲတွေရှိတယ်ဆိုတဲ့ အကြောင်းကိုလည်း "ခါးက ကျပ်စည်းထားသလို ဖြစ်နေတဲ့အတွက် လှေကားတက်တဲ့အခါ၊ လေးတဲ့အရာ တစ်ခုခုကို မတဲ့အခါတွေမှာတော့ နည်းနည်းခက်ခဲတာမျိုးတွေ ရှိပါတယ်။ ဒါပေမယ့် ကျွန်မကတော့ ခါးစည်းအတွင်းခံကို တောင်တက်တဲ့အခါလည်း ၀တ်တက်တာပဲ။ အားကစားလုပ်တဲ့အခါတွေမှာတောင် မချွတ်ခဲ့ပါဘူး"လို့ ဆိုပါတယ်။ ဒါတင်မကသေးပါဘူး။ ခုလို လုပ်ဆောင်တဲ့နေတဲ့သူမကို facebook နဲ့ instagram စာမျက်နှာတွေမှာ ၀ိုင်းဝန်းပြောဆိုနေကြပေမယ့် သူမကတော့ နည်းနည်းမှ ဂရုမစိုက်ခဲ့ပါဘူးတဲ့။

"ဒါကိုစလုပ်ကတည်းက ငါ့ကို ၀ိုင်းပြီးပြောကြဦးမယ်။ စိတ်အနှောင့်အယှက်ဖြစ်ရဦးမယ်ဆိုတာ သိပြီးသားပါ။ ဒါပေမယ့် ဒါကိုဝတ်ဆင်တဲ့အတွက် ကိုယ့်ဘာသာကိုယ်ကျေနပ်တယ်။ ဖြစ်လာတဲ့အကျိုးရလာဒ်ကို ကျေနပ်တယ်။ လူတိုင်းဟာ ကိုယ့်စိတ်နဲ့ကိုယ်ပါပဲ။ ကိုယ့်ခန္ဓာကိုယ်အတွက် ကိုယ့်ဆုံးဖြတ်ချက်က အရေးကြီးပါတယ်။ လူတွေပြောသမျှ လိုက်နေပေးရမယ်ဆိုရင် ကိုယ့်စိတ်ကူး၊ ကိုယ့်အိပ်မက်တွေကို ဘယ်သုံးစားလို့ရတော့မှာလဲ။ ဒါ့ကြောင့် သူများတွေရဲ့ အဆိုပြုချက်တွေကို ပယ်ချလိုက်ပြီး ကိုယ့်စိတ်ကြိုက် ပျော်ရွှင်အောင်နေတယ်။ ဒါဟာ မိန်းမ၀ါဒီပဲ။ ကိုယ့်ရဲ့ခန္ဓာကိုယ်၊ ကိုယ့်ရဲ့ရွေးချယ်မှု။"လို့ သူမက Cosmopolitan.com ကို ဖွင့်ဟသွားပါတယ်။

Ref:cosmopolitan.com

မေသော် 

Trend Myanmar