မြန်မာလုပ်သား နှစ်ဦးကို အောက်တိုဘာ ၁၅ ရက်တွင် တရားရုံးတင်ရန် ကြိုးစားနေ

ဗြိတိန်နိုင်ငံသားနှစ်ဦး အသတ်ခံရမှုအတွက် သံသယ တရားခံ မြန်မာရွှေ့ပြောင်း လုပ် သားနှစ်ဦးအမှုကို လာမည့် အောက်တိုဘာ ၁၅ ရက်တွင် တရားရုံးတင် နိုင်ရန်အတွက် ထိုင်းနိုင်ငံ၏ တိုင်း ဒေသအမှတ် (၈) အစိုးရဥပဒေ ဌာနက ကြိုးစားနေကြောင်း သ တင်းရရှိသည်။

စူရတ်ဌာနီခရိုင်၊ ခိုတောင်ကျွန်းတွင် ဖြစ်ပွားခဲ့သော ဗြိတိန်စုံတွဲ အသတ်ခံရမှုဖြင့် ကော့စမွီထောင်တွင် ထိန်းသိမ်းခံထား ရသည့် သံသယတရားခံ မြန်မာ ရွှေ့ပြောင်းလုပ်သားနှစ်ဦး၏ ပထမရမန်ချုပ်ရက်မှာ အောက်တိုဘာ ၁၅ ရက်တွင် ရက်စေ့မည် ဖြစ် သည်။ တိုင်းဒေသ အမှတ် (၈) အစိုးရဥပဒေဌာနမှာ ခရိုင်ရုံးထက်အဆင့်မြင့်ကြောင်း သတင်းရရှိ သည်။ ထိုင်းအခြေစိုက် သတင်း အရ ၎င်းတို့၏ တရားစွဲဆိုရေးအ ဖွဲ့ကို ကျွမ်းကျင်သူ ငါးဦးဖြင့် ဖွဲ့ စည်းထားကြောင်း တိုင်းဒေသ အမှတ် (၈) အစိုးရဥပဒေရုံး ညွှန် ကြားရေးမှူးချုပ်နှင့် ယခုအမှု၏ တရားစွဲဆိုစွဲချက်တင်ရေးအဖွဲ့ ခေါင်းဆောင်တို့က ဆိုသည်။ ၎င်း တို့နှစ်ဦးနှင့်အတူ တိုင်းဒေသ (၈) ဥပဒေရုံး ဒုတိယညွှန်ကြားရေးမှူး ချုပ် ရာဇ၀တ်မှုရေးရာ အထူး ဥပဒေအရာရှိ ကော့စမွီ ဥပဒေ ရုံး ဦးစီးမှူးနှင့် ဒုဦးစီးမှူးတို့လည်း ပါဝင်နေသည်။

‘‘လောလောဆယ် ကျွန် တော်တို့ နိုင်ငံတော်အဆင့်ကို တင်ပို့ထားပါတယ်။ ခိုင်မာတဲ့၊ ထိ ရောက်တဲ့ အဖွဲ့နဲ့ လာရောက်ပူး ပေါင်းဆောင်ရွက်ပေးဖို့အတွက် တောင်းဆိုထားပါတယ်။ ပူးပေါင်းဆောင်ရွက်တယ်ဆိုရာမှာ တရား ရင်ဆိုင်ဖို့လည်း အပါအ၀င်ပါ’’ဟု ဖမ်းဆီးခံ မြန်မာလုပ်သားနှစ်ဦး အရေးသွားရောက်မေးမြန်းစုံစမ်း နေသည့် မြန်မာသံရုံးအထူးအဖွဲ့ မှ ရှေ့နေ ဦးအောင်မျိုးသန့်က ပြောသည်။

သံသယတရားခံ မြန်မာရွှေ့ ပြောင်းအလုပ်သမားနှစ်ဦးတွင် စာရွက်စာတမ်း၊ အထောက်အ ထားမရှိ၍ ၎င်းတို့၏ အလုပ်ရှင် များကိုလည်း တရားမ၀င်အလုပ် သမားများ ငှားရမ်းမှုဖြင့် ဖမ်းဆီး မည်ဖြစ်ကြောင်း တိုင်းဒေသအမှတ် (၈) အစိုးရဥပဒေဌာနက ပြောကြားလိုက်သည်။

ထိုင်းနိုင်ငံ၏ တရားရုံးစနစ် အရ ရဲက တိုက်ရိုက်စွဲချက်တင်၍ မရပေ။ အစိုးရဥပဒေအရာရှိကို အမှုမှတ်တမ်း ပေးပို့ရပြီး ယင်းအရာရှိက တရားစွဲမည့် ပုဒ်မနှင့် တရားစွဲမည့်အချက် စသည်တို့ကို လုပ်ဆောင်ရသည်။ ထိုင်းရဲတပ် ဖွဲ့သည် ဗြိတိန်စုံတွဲအသတ်ခံရ မှုအတွက် ၎င်းတို့၏ စုံစမ်းစစ်ဆေးမှု မှတ်တမ်းကို အောက်တိုဘာ ၇ ရက်က စမွီခရိုင် တရားစွဲဆိုစွဲချက်တင်ခြင်းဆိုင်ရာရုံးသို့ တင်သွင်းခဲ့ သည်။ စာမျက်နှာ ၈၅၀ ပါဝင် သည့် စုံစမ်းစစ်ဆေးမှုမှတ်တမ်း ၌ မြန်မာနိုင်ငံသားနှစ်ဦးဖြစ်သည့် စောနှင့် ၀င်းတို့နှစ်ဦးကို လူသတ် မှု၊ အဓမ္မပြုကျင့်မှု၊ လုယက်မှု၊ ထိုင်းနိုင်ငံအတွင်း တရားမ၀င် ၀င် ရောက်မှုတို့ဖြင့် တရားစွဲဆိုရေးကို ထောက်ခံမှတ်တမ်းတင်ထား သည်။ ယင်းအမှု၏ စုံစမ်းစစ်ဆေး ရေးမှူးချုပ်လည်း ဖြစ်၊ ဒေသ (၈) ပြည်နယ်ဆိုင်ရာ ရဲတပ်ဖွဲ့၏ လက်ထောက်ကော်မရှင်နာမင်းကြီး လည်း ဖြစ်သည့် Pol Maj Gen Paween Pongsirin နှင့် စူရတ် ဌာနီရဲတပ်ဖွဲ့၏ လက်ထောက် Commander ဖြစ်သူ Pol Col Pornsak Nuannu တို့က ယင်း မှတ်တမ်းနှင့် ပတ်သက်ဆက်စပ် ရာ သက်သေတို့ကို တရားစွဲဆိုစွဲချက်တင်ခြင်းဆိုင်ရာ ရုံးသို့ တင် သွင်းခဲ့ကြခြင်း ဖြစ်သည်။ ကနဦး ရဲက တင်လာသည့် အမှုတွဲမှတ်တမ်းတွင် အချက်အလက်များ ပြည့်စုံလုံလောက်မှုမရှိ၍ ပြန်လည်ဖြည့်စွက်ရန် ဥပဒေအရာရှိက ရဲများကို ပြန်လည်အပ်နှံခဲ့ကြောင်း သတင်းများထွက်ပေါ်ခဲ့သည်။

အောက်တိုဘာ ၉ ရက်တွင် မူ တိုင်းဒေသအမှတ် (၈) အစိုးရ ဥပဒေဌာနက ရဲတပ်ဖွဲ့ပေးပို့လာ သည့် စစ်ဆေးချက်များသည် ကျေနပ်စရာကောင်းကြောင်း၊ သို့ သော် အသေးစိတ်ထောင့်စေ့ အောင် ဆက်လက်ပြုလုပ်နေ ကြောင်း၊ ပထမရမန်ချုပ်ရက်စေ့ မည့် အောက်တိုဘာ ၁၅ ရက်အမီ ရုံးတင်နိုင်ရန် ကြိုးစားနေကြောင်း ပြောကြားလာသည်ဟု ထိုင်းအခြေစိုက် သတင်းများက ဖော်ပြ လာသည်။

‘‘သူတို့ဘက်က အခုစွဲချက် ကို ပြင်ဆင်ရေးသားပြီး ၁၅ ရက် နေ့အမီ တင်မယ်။ သူ့ဘက်က အားနည်းချက်တွေကို သူတို့ဘယ် လိုပြင်မလဲ မသိနိုင်ဘူး။ ကိုယ့် ဘက်က အမှုရင်ဆိုင်တဲ့အချိန်မှာ၊ လျှောက်လဲတဲ့အချိန်မှာ ပိုပြီး အားစိုက်ရတော့မယ်’’ဟု ထိုင်းနိုင်ငံ၊ မဟာချိုင်အခြေစိုက် ရွှေ့ပြောင်း အလုပ်သမား အခွင့်အရေးကွန် ရက်မှ ဥက္ကဋ္ဌ ဦးစိန်ဌေးက ပြော သည်။

သက်သေခံများအားလုံးကို စုဆောင်းမှုမတိုင်မီမှာပင် မှုခင်းဖြစ်ပွားရာနေရာသို့ ကမ္ဘာလှည့် ခရီးသွားများ ပြန်လည်ဝင်ရောက် ခွင့်ပေးခဲ့ခြင်းအပါအ၀င် မြန်မာ ရွှေ့ပြောင်းအလုပ်သမားနှစ်ဦးကို ပြီးခဲ့သည့် အပတ်က ဖမ်းဆီးခဲ့ သည်အထိ ကပြက်ကချော်ဖြစ်စဉ် တသီတတန်းက အသက်(၂၁) နှစ်အရွယ် ရွှေ့ပြောင်း အလုပ်သမားနှစ်ဦးကို ပြစ်မှုအတွက် မဆီ မဆိုင် အချောင်ကြားဝင်ခံရသူ များအဖြစ် ဖန်တီးခဲ့သည်ဆိုသည့် ဝေဖန်မှုများ၊ စွပ်စွဲမှုများဆီ ဦး တည်သွားစေခဲ့သည်ဟု ထိုင်းသ တင်းစာကြီး တစ်စောင်ဖြစ်သည့် ဘန်ကောက်ပို့စ်က ဆိုသည်။

ထိုင်းရဲတပ်ဖွဲ့က မြန်မာလုပ်သားနှစ်ဦးကို ပြစ်မှုကျူးလွန်ပုံအား ပြန်လည်သရုပ်ပြခိုင်းနေစဉ် (Reuters)
7Day Daily