မြန်မာနိုင်ငံတစ်ဝန်းလုံးရှိ ကွန်ပျူတာတက္ကသိုလ် ကျောင်းသား၊ ကျောင်းသူများ နည်းပညာ တိုးတက်ရေးနှင့် အသက်မွေးဝမ်းကျောင်း လုပ်ငန်း တိုးချဲ့နိုင်ရေးအတွက် Mobile Applications ပြိုင်ပွဲ ကျင်းပမည်ဖြစ်ရာ ဆုရရှိသူများကို အမေရိကန်ဒေါ်လာ တစ်သောင်းကျော် ၁၁၀၀၀ ချီးမြှင့်မည် ဖြစ်ကြောင်း SAMSUNG Electronic ကုမ္ပဏီမှ မြန်မာနိုင်ငံဆိုင်ရာ စီမံခန့်ခွဲမှု ညွှန်ကြားရေးမှူး Mr. Nam Sik Ahn က ပြော ကြားသည်။
ရန်ကုန် ကွန်ပျူတာတက္ကသိုလ်တွင် အောက်တိုဘာ ၁၀ ရက်နေ့က ကျင်းပသည့် Android Mobile Application ဒုတိယအကြိမ် သင်တန်းပေးခြင်း အခမ်းအနားတွင် ၎င်းက ပြောကြားခြင်း ဖြစ်သည်။Mobile Apps ရေးနည်း သင်တန်းကို မန္တလေး ကွန်ပျူတာတက္ကသိုလ်နှင့် ရန်ကုန်ကွန်ပျူတာ တက္ကသိုလ်တို့တွင် မြန်မာနိုင်ငံတစ်ဝန်းလုံးမှ ကွန်ပျူတာ တက္ကသိုလ်ကျောင်းသား၊ ကျောင်းသူ ၁၀၀ ဦးကို အောက်တိုဘာ ၇ ရက်မှ စတင်၍ တစ်လကြာ သင်တန်းပေး၍ Mobile Apps တစ်ခုစီအတွက် ကျောင်းသား နှစ်ဦးစီ ရေးဆွဲရမည် ဖြစ်ကြောင်း ၎င်းက ရှင်းပြသည်။
အဆိုပါ Mobile Apps ရေးဆွဲနည်း သင်တန်းတွင် ဈေးဝယ်လမ်းညွှန်ဆိုင်ရာများ၊ လမ်းပြမြေပုံများ၊ ကျန်းမာရေးဆိုင်ရာ အသိပညာပေးများ၊ ခရီးသွားလုပ်ငန်းဆိုင်ရာများကို ရေးဆွဲယှဉ်ပြိုင်ရမည် ဖြစ်ကြာင်း SAMSUNG Electronic ကုမ္ပဏီက ထုတ်ပြန်ထားသည်။
ယင်းသင်တန်းမှ အကောင်းဆုံး Mobile Apps ၁၀ ခုကို ရွေးချယ်၍ ကျောင်းသား ၂၀ ဦးကို အမေရိကန်ဒေါ်လာ ၅၀၀၀ ချီးမြှင့်မည်ဖြစ်ကာ ဆု ရကျောင်းသားများကို မွမ်းမံသင်တန်းပေး၍ Gand Final ပြိုင်ပွဲကို ယှဉ်ပြိုင်စေပြီး ပထမဆုရ ကျောင်းသားကို အမေရိကန်ဒေါ်လာ ၃၀၀၀၊ ဒုတိယ ဆုရသူကို အမေရိကန်ဒေါ်လာ ၂၀၀၀ နှင့် တတိယဆုရသူကို အမေရိကန်ဒေါ်လာ ၁၀၀၀ ချီးမြှင့်မည် ဖြစ်ကြောင်း ယင်းထုတ်ပြန်ချက် တွင် ဖော်ပြထားသည်။ နည်းပညာ တိုးတက်မှုအတွက် တက္ကသိုလ်များနှင့် စက်မှုလုပ်ငန်းများကြား အပြန်အလှန် ပံ့ပိုးမှုဖြစ် ကာ ကျောင်းသားများအတွက် အထောက်အကူ ဖြစ်စေနိုင်သည်ဟု သိပ္ပံနှင့်နည်းပညာ ဝန်ကြီးဌာန ညွှန်ကြားရေးမှူးချုပ် ဦးကျော်စွာစိုးက မှတ်ချက်ပြုသည်။ အကောင်းဆုံး Mobile Apps များ ရွေးချယ်မှုနှင့် Garnd Final ဆု ချီးမြှင့်ပွဲကို နိုဝင်ဘာလအတွင်း ပြုလုပ်မည် ဖြစ်သည်။ ပထမအကြိမ် Mobile Apps ပြိုင်ပွဲကို ၂၀၁၃ ခုနှစ် နှစ်ကုန်ပိုင်းတွင် SAMSUNG ကုမ္ပဏီကပင် ကျင်းပခဲ့သည်။
The Voice Weekly
No comments:
Post a Comment