ကိုးကန့်တပ်ဖွဲ့များ လက်နက်ချအလင်းဝင်ရန် မြန်မာ၊ တရုတ် နှစ်ဘာသာဖြင့် ရေးထားသော စာရွက် များကို မတ်လ ၂၄ ရက်မှစတင်ကာ လောက်ကိုင်ဒေသအတွင်း ဖြန့်ဝေခဲ့ခြင်းဖြစ်ပြီး တပ်မတော်က တရားဝင် သတင်းထုတ်ပြန်ခြင်းမဟုတ်ဘဲ လောက် ကိုင်ဒေသဆိုင်ရာကွပ်ကဲမှုစစ်ဆင်ရေးဌာနချုပ်၏ အစီ အစဉ်ဖြင့် လုပ်ဆောင် ခြင်းဖြစ်နိုင်ကြောင်း ဒကစ (လောက်ကိုင်)နှင့် နီးစပ်သည့် တပ်မတော်အရာရှိ တစ်ဦး က ပြောသည်။
ဒကစ (လောက်ကိုင်) သို့ 7Day Daily က ဖုန်းဖြင့် ဆက် သွယ်မေးမြန်းရာ ကိုးကန့်တပ်ဖွဲ့ လက်နက်ချ အလင်းဝင်ရန် အ ကြောင်းကြားထားကြောင်း အတည်ပြုချက်ပေးသည်။
တစ်ဦးချင်းဖြစ်စေ၊ အဖွဲ့လိုက်ဖြစ်စေ လက်နက်ချအလင်းဝင်နိုင်ပြီး ဆက်သွယ်ရမည့် ဖုန်း နံပါတ်များလည်း ကြေညာထား ကြောင်း ဒကစ (လောက်ကိုင်) မှ တပ်မတော်အရာရှိတစ်ဦးက တရားဝင်ပြောသည်။ လောက် ကိုင် ဒေသတွင် ဖေဖော်ဝါရီ ၉ ရက်မှစတင်ကာ အစိုးရ တပ်မတော်နှင့် ဖုန်ကြားရှင်၏ ကိုးကန့် တပ်ဖွဲ့များ တိုက်ပွဲဖြစ်ပွားခဲ့ပြီး နှစ်ဖက်အကျအဆုံးများသည့်အပြင် အရပ်သားများလည်း သေဆုံးဒဏ်ရာ ရမှုများ ရှိခဲ့သည်။
သမ္မတက ရက်ကိုးဆယ်ကြာ စစ်အုပ်ချုပ်ရေး ကြေညာထားပြီး လက်ရှိအချိန်အထိ တိုက်ပွဲများ ဖြစ်ပွားနေ ဆဲဖြစ်သည်။
7Day DAILY
No comments:
Post a Comment