မြန်မာတိုင်းမ်နဲ့ မြန်မာ့အလင်း လက်တွဲမယ်

တိုင်းပြည်ရဲ့ ပြုပြင်ပြောင်းလဲရေး အစိုးရအနေနဲ့ နိုင်ငံပိုင် မီဒီယာအဖြစ်ကနေ စွန့်လွှတ်ဖို့ လုပ်လာနေရာမှာ ယခင် စစ်အစိုး ရ ရဲ့ အာဘော်တွေကို ဖော်ပြလေ့ရှိတဲ့ နိုင်ငံပိုင် မြန်မာ့အလင်း သတင်းစာအနေနဲ့ ပုဂ္ဂလိ က တွဲဖက် လုပ်ကိုင်သူကို ရှာဖွေ နေတယ်လို့ အရာရှိ တဦးက ယမန်နေ့က ပြောကြားလိုက်ပါတယ်။ 

“ကျနော်တို့က မြန်မာ့အလင်း အင်္ဂလိပ် သတင်းစာကို တင်ဒါစနစ်နဲ့ စိတ်ဝင်စားတဲ့သူတွေကို ဖိတ်ခေါ်ဖို့ ၀န်ကြီးဌာန (ပြန် ကြားရေး) နဲ့လည်း သဘောတူပြီပါပြီ”လို့ အမည်မဖော်လိုသူ ပြည်သူဝန်ဆောင်မှု မီဒီယာ အုပ်ချုပ်ရေးအဖွဲ့ဝင်တဦးက အေအက်ပီကို ပြောတာကို ကိုးကားပြီး ဘန်ကောက်ပို့မှာ ဖော်ပြပါတယ်။ 

သူက ဆက်လက်ပြောရာမှာတော့ “လူအရင်းအမြစ် လိုအပ်ချက်တွေနဲ့ ဒီသတင်းစာကို အဆင့်မီမီ ထုတ်ဝေ ဖြန့်ချီဖို့ဆိုတာ ၀န်ကြီးဌာနအနေနဲ့ မဖြစ်နိုင်ပါဘူး” လို့ ဆိုပါတယ်။ 

တကယ်တော့ မြန်မာနိုင်ငံမှာ နိုင်ငံပိုင် သတင်းစာက ၃ စောင်ထဲဘဲ ရှိတာပါ။ မြန်မာအလင်း အင်္ဂလိပ်၊ မြန်မာ ၂ စောင်နဲ့ ကြေးမုံသတင်းစာတို့ဘဲဖြစ်ပြီး မကြာသေးခင်က ပြည်သူ ဗဟိုပြု ပြည်သူ့ ၀န်ဆောင်မှု မီဒီယာအဖြစ်ပြောင်းလဲပစ်မယ်လို့ ဆိုထားတာပါ။ 

ဒါပေမယ့် မြန်မာအလင်း အနေနဲ့ ၂၀၁၁ ခုနှစ်အစောပိုင်းလောက်ကတည်းက အရေးအသားတွေက အရင် ဆယ်စုနှစ်တွေ တုန်းကလိုမဟုတ်တော့တာ သတိထားမိခဲ့ပါတယ်။ 

အထူးသဖြင့်တော့ ပြည်ပမီဒီယာတွေကို သွေးထိုးလှုံ့ဆော် မမှန်မကန် ဖော်ပြနေတယ်ဆိုတဲ့ ကြွေးကြော် သံတွေကို မွှန်ထူနေအောင် ဖော်ပြခဲ့တာတွေကို ဖြုတ်သွားခဲ့တာပါ။ အခုတော့ ဟောလီဝုဒ် စတားတွေရဲ့ အတင်းအဖျင်းတွေကိုတောင် ဖော်ပြလာတာ သတိထားမိပါတယ်။ 

အခုလို မြန်မာ့အလင်း အင်္ဂလိပ်ပိုင်း သတင်းစာက တွဲလုပ်မယ့် ပတ်တနာ ရှာနေချိန် ယမန်နှစ် ကုန်ပိုင်း 
လောက် ကတည်းက ပုဂ္ဂလိက နေ့စဉ်ထုတ်သတင်းစာတွေ ဒီနှစ်မှာ ထုတ်ခွင့်ပေးမယ်ဆိုတော့ The Myanmar Times နဲ့ တွဲလုပ်မယ်ဆိုတဲ့ သတင်းတွေ ထွက်ခဲ့ပါသေးတယ်။ 

တိုက်တိုက်ဆိုင်ဆိုင် ဒီရက်ပိုင်းအတွင်းမှာဘဲ မြန်မာ-သြစီ ဖက်စပ် လုပ်ကိုင်နေတဲ့ The Myanmar Times အပတ်စဉ် ထုတ် မီဒီယာရဲ့ ရှယ်ယာတွေတောင် အကွဲအပြဲသတင်းတွေ ထွက်ပေါ်လာချိန်မှာ တွဲဖက် တည်ထောင်ခဲ့သူ သြစတေးလျ နိုင်ငံသား ရော့စ်ဒန်ကလေ ကလည်း နေ့စဉ်ထုတ် သတင်းစာ ထုတ်ဝေ
ရေးမှာ မြန်မာအလင်းနဲ့ တွဲပြီး လုပ်ဖို့ စိတ်ဝင်စား တယ်လို့ လေသံပစ်လိုက်ပါတယ်။ 

“ဒီနိုင်ငံရဲ့ နိုင်ငံပိုင် သတင်းစာကို ပုံစံပြောင်းဖို့ အကူအညီပေးဖို့ အချိန်ကျလာတဲ့အခိုက် ဒါကတော့ တကယ့် အခွင့်အရေး ကြီးတခုပါ"လို့ ဒန်ကလေက ပြောခဲ့ပါတယ်။ 

ကဲ နောက်ဆုံး အဖြေထွက်လာတာကတော့ The New Light of Myanmar နဲ့ The Myanmar Times တို့ဟာ ဒီနှစ်ထဲ စတင် ထွက်ရှိမယ့် အင်္ဂလိပ်သတင်းစာကို အတူတွဲလုပ်ကြမယ်ဆိုတာပါဘဲ။ 


ဒါကလည်း သမ္မတ ဦးသိန်းစိန် တက်လာပြီးကတည်းက နိုင်ငံရေးအကျဉ်းသားတွေ လွှတ်ပေး တာ၊ မြန်မာဒီမိုကရေစီခေါင်းဆောင် ဒေါ်အောင်ဆန်းစုကြည်ကိုလည်း ရွေးကောက်ပွဲ ၀င်ခွင့်ပေးပြီး ပါလီမန်ထဲရောက်သည်အထိခွင့်ပြုခဲ့တာ စတဲ့ ပြု ပြင် ပြောင်းလဲမှုတွေ ရဲ့ နောက်ဆက်တွဲ ခြေလှမ်းတွေ လည်းဖြစ်ပါတယ်။ 

ဒီအပြင် ယမန်နှစ် သြဂုတ်လမှာလည်း အစိုးရက ဆယ်စုနှစ်ပေါင်းများစွာ ကန့်သတ်၊ ပိတ်ပင်ချုပ်ချယ် မှုတွေလုပ်ခဲ့တဲ့ စာပေ ကင်ပေတိုင်လို့ ခေါ်တဲ့ ဆင်ဆာ ဘုတ်အဖွဲ့ ကို ဖျက်သိမ်းလိုက်ပါတယ်။ 

ပုဂ္ဂလိက အပတ်စဉ် ထုတ်ဂျာနယ်တွေကို လည်း လာမည့် ဧပြီလ ၁ ရက်နေ့က စတင်ပြီး နေ့စဉ်ထုတ် သတင်းစာ ထုတ်မယ်ဆိုရင် ခွင့်ပြုတယ်လို့ ပြန်ကြားရေး ၀န်ကြီးသစ် ဦးအောင်ကြည်က ပြောခဲ့ပါသေး တယ်။ 

ပြင်သစ်နိုင်ငံအခြေစိုက် နယ်ခြားမဲ့သတင်းထောက်များအသင်း RSF ကတော့ ၂၀၁၃ ခုနှစ်မှာ စာပေ လွတ်လပ်ခွင့် အညွန်း ကိန်းမှာ မြန်မာဟာ အရင်က အဆင့် ၁၇၉ ရှိရာက အခု ၁၅၁ ရှိလာတာကြောင့် အဆင့် ၁၈ တောင်တက်လှမ်းလာနိုင်လို့ မြန်မာနိုင်ငံရဲ့ အံ့ဖွယ် အပြောင်းအလဲကို ကျေးဇူးတင်ပါကြောင်း ယမန်နေ့က ဆိုလိုက်ပါတယ်။ 

ဇန်န၀ါရီလ ၃၀ ရက်နေ့ ဘန်ကောက်ပို့စ်ပါ New Light of Myanmar seeks partner သတင်းကို ဆီလျော်အောင် ဘာသာပြန်သည်။

အိမ့်သံစဉ်

ဧရာဝတီ