Monday, July 8, 2013

၂၀၁၄ ခုနှစ် ကမ္ဘာ့ဖလား ပြိုင်ပွဲ၌ ထုတ်လွှင့်ရန်အတွက် ဘရာဇီးရုပ်သံမှ မဟာမုနိ ဘုရားကြီးနှင့် မြနန်းစံကျော် ရွှေနန်းတော်တို့တွင် ရိုးရာခြင်းလုံး အလှခတ် ကစားခြင်းကို မှတ်တမ်းလာရောက် ရိုက်ကူးခဲ့

chinloon-july8
ဇူလိုင် ၆ ရက်က မြနန်းစံကျော် ရွှေနန်းတော်တွင် မြန်မာ့ရိုးရာ ခြင်းလုံးအလှခတ် နေသည်ကို ဘရာဇီးရုပ်သံမှ ရုပ်သံမှတ်တမ်း လာရောက်ရိုက်ကူး နေစဉ်
ဘရာဇီးနိုင်ငံတွင် ကျင်းပပြုလုပ်မည့် ၂၀၁၄ ခုနှစ် ကမ္ဘာ့ဖလား ဘောလုံးပြိုင်ပွဲတွင် ထုတ်လွှင့်ပြ သရန်
အတွက် ဘရာဇီးရုပ်သံမှ မန္တလေးမြို့ရှိ မဟာမုနိဘုရားကြီးနှင့် မြနန်းစံကျော် ရွှေနန်းတော် တို့တွင် မြန်မာ့ရိုးရာ ခြင်းလုံးခတ် ကစားခြင်းကို မှတ်တမ်းရုပ်သံ လာရောက်ရိုက်ကူးခဲ့ကြောင်း သိရ သည်။
ယင်းသို့ မန္တလေးမြို့တွင် လာရောက်ရိုက်ကူခဲ့သည့် ဘရာဇီး ရုပ်သံသည် ဇူလိုင် ၄ ရက်နှင့် ၅ ရက်က မဟာမုနိ ဘုရားကြီး၌ ကျင်းပပြုလုပ်လျက်ရှိသည့် (၈၅) ကြိမ်မြောက် ၀ါဆိုခြင်း အလှခတ် ပွဲတော်နှင့် ခြင်းလုံးအလှခတ်ခြင်း တို့ကိုလည်းကောင်း ဇူလိုင် ၆ ရက်တို့ တွင် မြနန်းစံကျော် ရွှေ နန်းတော် ၌ လည်းကောင်း မှတ်တမ်းရုပ်သံများကို ရိုက်ကူးခဲ့ကြသည်။
ဘရာဇီးလ် ရုပ်သံအဖွဲ့သည် ၎င်းတို့နိုင်ငံတွင်း ကျင်းပပြုလုပ်မည့် ၂၀၁၄ ခုနှစ် ကမ္ဘာ့ ဖလား ဘောလုံးပြိုင်ပွဲတွင် ထုတ်လွှင့်ပြသ သွားနိုင်ရန်အတွက် မြန်မာ၊ ထိုင်း၊ ဂျာမနီ၊ အိုင်ယာလန်၊ ဘရာဇီးစသည့် နိုင်ငံပေါင်း ငါးနိုင်ငံရှိ ရိုးရာအားကစား နည်းများကို မှတ်တမ်းရုပ်သံများ ရိုက်ကူးနေပြီး ယခုမြန်မာနိုင်ငံတွင် ရိုးရာခြင်းလုံး အလှခတ် ကစားနည်းပညာကို လာရောက်ရိုက် ကူးခြင်း ဖြစ်ကြောင်း လည်း သိရသည်။ အဆိုပါ ရုပ်သံသည် ဘောလုံးနှင့် အလားသဏ္ဌာန် တူညီပြီး ရိုးရာအားကစား နည်းပညာများဖြစ်သည့် ကြက်တောင်ရိုက်၊ ခြင်းလုံးအလှခတ်နှင့် ပိုက်ကျော်ခြင်းခတ် အားကစား၊ စက်ဘီးနှင့် ဘောလုံးကစားသည့်နည်း၊ ဦးခေါင်းဖြင့် ကစားသည့် ဘောလုံးကစားနည်း စသည့် အားကစား နည်း ငါးမျိုးအား အထက်ပါ ငါးနိုင်ငံတွင် ရိုက်ကူးမှတ်တမ်း တင်ခဲ့ကြသည်။
"ဘရာဇီးနိုင်ငံ ရုပ်သံက ကျွန်တော်တို့ မြန်မာနိုင်ငံ ခြင်းလုံးအဖွဲ့ချုပ် ကို မြန်မာ့ရိုးရာ ခြင်းလုံး အလှ ခတ်တာကို မှတ်တမ်းရိုက်ချင်တယ်ဆိုပြီး ကမ်းလှမ်းလာတာကြောင့် သဘောတူ လက်ခံပြီးတော့ သူတို့လိုအပ်တာကို ကူညီပေးတာ ဖြစ်ပါတယ်။ အဲဒီရုပ်သံက ၂၀၁၄ မှာ ကျင်းပမယ့် ကမ္ဘာ့ဖလားပွဲမှာ မှတ်တမ်းရုပ်သံအဖြစ် ထုတ်လွှင့်ပေးသွားမယ်လို့လည်း သိရပါတယ်" ဟု မြန်မာနိုင်ငံ ခြင်းလုံးအဖွဲ့ချုပ်မှ အထွေထွေ အတွင်းရေးမှူး ဦးရဲအောင်က ပြောကြားသည်။

From...EMG

No comments:

Post a Comment