ဧရာဝတီတိုင်းဒေသကြီး ကျောင်းကုန်းမြို့နယ်ရှိ သောက်သုံး ရေတွင်းနှင့် ရေကန်များတွင် အာဆင်းနစ်ဓာတ် ပါဝင်နှုန်း မြင့်မားနေသောကြောင့် ကျန်းမာရေး ထိခိုက်မှု ရှိလာနိုင်သဖြင့် ယင်းမြို့နယ်ကို အထူးဇုန် သတ် မှတ်ကာ လွှတ်တော်က ကွင်းဆင်း စစ်ဆေးမည် ဖြစ်ကြောင်း ပြည်သူ့လွှတ်တော် ဥက္ကဋ္ဌ သူရဦးရွှေမန်း က ပြောကြားသည်။
ဇန်နဝါရီ ၂၃ ရက်နေ့တွင် ကျင်းပသော ပြည်သူ့လွှတ်တော် အစည်းအဝေးတွင် ကျောင်းကုန်း မဲဆန္ဒနယ် မှ ပြည်သူ့လွှတ်တော် ကိုယ်စားလှယ် ဦးသိန်းထွန်းက ကျောင်းကုန်းမြို့နယ် ရှိ ရေတွင်း ရေကန်များအတွင်း အာဆင်းနစ်ဓာတ် ပါဝင်မှု မြင့်မားနေသောကြောင့် အစိုးရအနေနှင့် အာဆင်းနစ်ဓာတ် ကင်းလွတ်သော ရေ တွင်း များ တူးဖော်ပေးရန် အစီအစဉ်ရှိ မရှိ မေးမြန်းရာတွင် သူရဦးရွှေမန်းက ယင်းသို့ ပြောကြား ခဲ့ခြင်း ဖြစ်သည်။
“ဒီဒေသမှာရှိနေတဲ့သူတွေအတွက် အင်မတန်အန္တရာယ် ကြီးနေတယ်လို့ ပြောလို့ရတယ်။ လွှတ်တော်အနေ နဲ့ အထူးဒေသအဖြစ် ကွင်းဆင်းပြီး ပြန်တင်ပြရင် ပိုပြီးထိရောက်ပါလိမ့်မယ်” ဟု ၎င်းက ပြောကြားသည်။
အဆိုပါ ကိစ္စအတွက် လွှတ်တော်မှ ဖွဲ့စည်းထားသော မွေးမြူရေး၊ ကျေးလက် ဖွံ့ဖြိုး တိုး တက်ရေး ကော်မတီနှင့် သက်ဆိုင်ရာ အစိုးရဌာနတို့ ပူးပေါင်း လုပ်ဆောင်ရမည် ဖြစ်ကြောင်း သူရဦးရွှေမန်း က ဆိုသည်။
ကျောင်းကုန်းမြို့နယ်တွင် အာဆင်းနစ် မြင့်မားမှုကြောင့် ယူနီဆက်၏ အစီအစဉ်ဖြင့် ၂၀၀၃ ခုနှစ်အတွင်း အာဆင်းနစ် ကင်းလွတ်သည့် ရတွင်း ၃၃ တွင်းကို ကျန်းမာရေးဝန်ကြီးဌာနနှင့် စည်ပင်သာ ယာရေး ကော်မတီတို့ ပူးပေါင်းတူးဖော်ပေးခဲ့သော်လည်း အနံ့မကောင်း၍ သောက်သုံးမရကြောင်း ကျောင်း ကုန်း မဲဆန္ဒနယ်မှ ဦးသိန်းထွန်းက ပြောဆိုသည်။
The Voice Weekly
No comments:
Post a Comment