တိုင်းရင်းသား လက်နက်ကိုင်အဖွဲ့တွေကို အမည်နာမသတ်မှတ်မှုမှာ "တိုင်းရင်းသား တော်လှန်ရေး လက်နက်ကိုင်" အဖွဲ့လို့ခေါ်ဆိုဖို့ ဆုံးဖြတ်လိုက်တဲ့အပြင် ဖက်ဒရယ်တပ်မတော် နဲ့ ပတ်သက်ပြီးတော့လည်း မူကြမ်းထဲမှာ အခန်းတစ်ခုအနေနဲ့ ထည့်သွင်းရေးဆွဲထားတယ်လို့ နိုင်ငံလုံးဆိုင်ရာ အပစ်ခတ်ရပ်စဲမှု ဗဟိုညှိနှိုင်းရေးအဖွဲ့ ခေါင်းဆောင် ဦးနိုင်ဟံသာက RFA ကို ပြောပါတယ်။
ကေအဲန်ယူ ကရင်အမျိုးသားအစည်းအရုံး ထိန်းချုပ်နယ်မြေ လေးဝါးမှာကျင်းပနေတဲ့ ဒီနေ့ ၄ ရက်မြော က်နေ့ ဆွေးနွေးပွဲအပြီးမှာ ဦးနိုင်ဟံသာက အခုလို ပြောပါတယ်။
“ကျနော်တို့က အချောမရိုက်ရသေးဘူးဗျ၊ ဒီပြင်ဆင်ချက်တွေကို ကျနော်တို့ အချောပြန်ရို က်ပြီးတော့မှ တင်ပေးရဦးမယ်၊ ဒါကတော့ အားလုံးဆွေးနွေးပြီးသွားပြီဗျ၊ သဘောကတော့ တော်လှန်ရေးစာလုံးကိုတော့ ကျနော်တို့က ပြန်ထည့်ရတယ်၊ အဲဒီပြည်ထောင်စု တပ်မတော် ကိစ္စကိုတော့ ကျနော်တို့ အခံတစ်ခု အနေနဲ့ ထည့်ထားတာပေါ့ဗျာ၊ ဒါပေမယ့် ဒါကိုတော့ နိုင်ငံရေးဆွေးနွေးတဲ့ အခါကျရင်တော့ ပါဝင်ဖို့ဆိုပြီးတော့မှ အဲလောက်ပဲထည့်ထားတာပါ”
တိုင်းရင်းသား လက်နက်ကိုင်အဖွဲ့ ၁၇ ဖွဲ့ တက်ရောက်နေတဲ့ ဒီညီလာခံဟာ အစိုးရနဲ့ တိုင်းရင်း သား လက် နက်ကိုင် အဖွဲ့တွေအကြား နိုင်ငံလုံးဆိုင်ရာ အပစ်ခတ်ရပ်စဲရေး လက်မှတ်ရေးထိုးဖို့ အတွက် မူကြမ်းတစ်ခုရအောင် ဆွေးနွေးနေတာပါ။
ဒီကနေ့ ဆွေးနွေးမှုမှာ တိုင်းရင်းသား လက်နက်ကိုင် အဖွဲ့အားလုံးကို ကိုယ်စားပြုတဲ့ နိုင်ငံလုံး ဆိုင် ရာ အပစ်ခတ်ရပ်စဲမှု ဗဟိုညှိနှိုင်းရေးအဖွဲ့ NCCT က ရေးဆွဲထားတဲ့ အခန်း ၁၁ ခန်းပါ အပစ်ခတ် ရပ်စဲရေး ဆိုင်ရာ မူကြမ်းကို အပြီးသတ်နိုင်ခဲ့တယ်လို့ သိရပါတယ်။ ဆွေးနွေးပွဲကို မနက်ဖြန် ဆက်လက်ကျင်းပ မှာဖြစ်ပြီး အပစ်ခတ်ရပ်စဲမှုဆိုင်ရာ မူကြမ်းကို အတည်ပြုမှာ ဖြစ်ပါတယ်။
RFA Burmese
No comments:
Post a Comment