ဒေါ်အောင်ဆန်းစုကြည် သမ္မတ မဖြစ်နိုင်တော့ရင် ဘာဆက်လုပ်မလဲ

 

အဖြေ ရှင်းသွားပြီ

နိုင်ငံရေး စိတ်ဝင်စားသူတွေ၊ နိုင်ငံရေးသမားတွေအတွက် အဖြေနှစ်ခု ထွက်သွားခဲ့ ပါပြီ။ ပထမ အဖြေ တစ်ခုကတော့ အမျိုးသားလွှတ်တော်မှာ အချိုးကျကိုယ်စားပြုစနစ် PR System အသုံးပြုဖို့ အဆို အတည်ဖြစ်သွားပြီးတဲ့နောက် လေ့လာရေးကော်မရှင် ဖွဲ့လိုက်တာ ဖြစ်ပါတယ်။ NLD အမတ်တွေ ထိုင်ခုံ မှာထိုင်ပြီး ကန့်ကွက်ခဲ့ကြပါတယ်။ တပ်မတော်သားကိုယ်စားလှယ်အားလုံးကလည်း NLD နဲ့ ရပ်တည် ချက်တူညီစွာ ကန့်ကွက်ခဲ့ကြပါတယ်။ ဒါဟာ အံ့အားသင့်စရာ ကောင်းသလို စိတ်ဝင်စားဖို့လည်း ကောင်း ပါတယ်။ တပ်မတော်သားကိုယ်စားလှယ်တွေက PR System ကို ပြောင်းလဲကျင့်သုံးဖို့ အချိန်ယူ စဉ်းစား သင့်တဲ့အကြောင်း၊ အချိန်မတန်သေးဘူး ဆိုတဲ့အကြောင်း ဆွေးနွေးသွားခဲ့ကြတာပါ။ ဒါပေမယ့် နေရာ အများစု ရယူထားတဲ့ ကြံ့ခိုင်ရေးပါတီက လွှတ်တော်ကိုယ်စားလှယ်တွေ၊ ဒီမိုကရက်ပါတီအချို့က ကိုယ်စား လှယ်တွေက တစ်ညီတစ်ညွတ်တည်း မတ်တပ်ရပ် ထောက်ခံမှု ပြုခဲ့တာကြောင့် ဒေါ်ခင်ဝိုင်း ကြည်ရဲ့အဆို အနိုင်ရရှိသွားခဲ့ပါတယ်။

ဒုတိယအဖြေကတော့ ဒေါ်အောင်ဆန်းစုကြည် သမ္မတမဖြစ်ဖို့ ကန့်သတ်ထားပါတယ် ဆိုတဲ့ အခြေခံ ဥပဒေ ပုဒ်မ ၅၉ (စ) ကို မပြင်ဖို့ ပြည်ထောင်စုလွှတ်တော် ဖွဲ့စည်းပုံ အခြေခံဥပဒေပြင်ဆင်နိုင်ရေး အကောင်အထည်ဖော်မှုကော်မတီက ဆုံးဖြတ်လိုက်တာ ဖြစ်ပါတယ်။ အဖွဲ့ဝင် စုစုပေါင်း (၃၁)ဦး ပါဝင်တဲ့ ဒီကော်မတီမှာ ပုဒ်မ ၅၉(စ)ကို ပြင်ဆင်ဖို့ ထောက်ခံမဲက ၅ မဲပဲ ရရှိခဲ့တာပါ။ NLD ပါတီက ကိုယ်စား လှယ်(၂)ဦးပဲ ပါဝင်ခဲ့တာဖြစ်တဲ့အတွက် NLD နဲ့အတူ ရပ်တည်ပေးတာ နောက်ထပ် (၃)မဲ ပဲ ရရှိခဲ့တဲ့ သဘောပဲ ဖြစ်ပါတယ်။ ဒီဆုံးဖြတ်ချက်ရဲ့ အဓိပ္ပါယ်ကတော့ ဒေါ်အောင်ဆန်းစုကြည် သမ္မတဖြစ်ဖို့ လက် ရှိ လွှတ်တော်သက်တမ်းအတွင်းမှာ မဖြစ်နိုင်တော့ဘူး ဆိုတာပါပဲ။

ဒီအခြေအနေတွေက ဘာကို ညွှန်းဆိုနေသလဲဆိုတာ နိုင်ငံရေးလေ့လာသူတွေ ရိပ်စားမိမှာပါ။ ဒေါ်အောင်ဆန်းစုကြည်အနေနဲ့ သမ္မတ ဖြစ်ဖို့ တက်လှမ်းရမယ့် အဆင့်တွေမှာ အရေးကြီးတဲ့ ရွေး ကောက်ပွဲစနစ်ဟာ NLD ကို မျက်နှာသာမပေးတဲ့ အနေအထားသို့ ပြောင်းလဲသွားတော့မှာ ဖြစ်ပါတယ်။ အမျိုးသားလွှတ်တော်မှာပဲ ပြောင်းလဲတာဆိုပေမယ့်လည်း ပြည်သူ့လွှတ်တော်မှာလည်း ဖြစ် မလာနိုင်ဘူး လို့ ယတိပြတ် ပြောလို့ မရသေးတဲ့အခြေအနေပါ။ ဘာဖြစ်လို့လဲဆိုတော့ ပြည်သူ့လွှတ်တော်မှာလည်း PR System ကျင့်သုံးဖို့ အဆိုတင်သွင်းမယ်ဆိုတဲ့ သတင်းတွေလည်း ထွက်ပေါ်လာနေကြောင့်ပါပဲ။ အကယ်၍သာ ပြည်သူ့လွှတ်တော်မှာလည်း ဒီလိုမျိုး PR System ပြောင်းလဲကျင့်သုံးဖို့ အဆိုတင်လာပြီ ဆိုရင်တော့ NLD ဟာ အစိုးရဖွဲ့နိုင်၊ သမ္မတ တင်မြှောက်နိုင်တဲ့ ရွေးကောက်ပွဲ ရလဒ်နဲ့ ဝေးကွာသွားတော့ မှာ ဖြစ်ပါတယ်။ အဓိကအချက်ကတော့ ဒေါ်အောင်ဆန်းစုကြည် သမ္မတ ဖြစ်ရေးအတွက် ဟန့်တား ထားတဲ့ ပုဒ်မ ၅၉(စ)ဟာ ခိုင်ခိုင်မာမာ ဆက်လက်တည်ရှိနေမယ့် အနေအထားပဲ ဖြစ်ပါတယ်။ ဒီအနေ အထားရဲ့ ဆိုလိုရင်းကတော့ ဒေါ်အောင်ဆန်းစုကြည်ရဲ့ သမ္မတအိပ်မက် လေထဲမှာပဲ ပျောက်ပျက် သွားတော့မယ် ဆိုတာပါပဲ။

သမ္မတအိပ်မက် ပျက်ပြယ်ပြီ

ဒီနေရာမှာ ဒေါ်အောင်ဆန်းစုကြည်အနေနဲ့ အရှိတရားနဲ့ လက်တွေ့အခြေအနေကို ရဲရဲတင်းတင်း ရင်ဆိုင် ဖို့ လိုအပ်လာပါပြီ။ သမ္မတ ဖြစ်ရေးအိပ်မက်ဟာ အကောင်အထည်မပေါ်လာနိုင်တော့တဲ့ အိပ်မက် ဖြစ်လာခဲ့ပါပြီ။ လွှတ်တော်ကော်မတီက ဆုံးဖြတ်ချက် တစ်ခုတည်းနဲ့ အိပ်မက်ပျက်ပြယ်ပြီလို့ ပြောရခြင်း မဟုတ်ပါဘူး။ NLD ပါတီရဲ့ ပုဒ်မ ၅၉(စ) ပြင်ဆင်ရေး လူထုဟောပြောပွဲတွေ ကျင်းပခဲ့ချိန်မှာ ပုဒ်မ ၅၉(စ)မပြင်ဆင်ရေး လှုပ်ရှားမှုတွေ နေရာအနှံ့ဖြစ်ပေါ်လာခဲ့တာ ပြန်ပြီး သတိရဖို့ လိုပါတယ်။ ထိပ်တိုက် တိုးမှုတွေမှာ ရဟန်းသံဃာတွေနဲ့ NLD ပါတီဝင်တွေ ပါဝင်လာတဲ့အထိ အခြေအနေက ဆိုးရွားခဲ့ပါတယ်။ ဒါကြောင့်လည်းပဲ အမျိုးသားရေးလှုပ်ရှားသူတွေနဲ့ ထိပ်တိုက်မတိုးမိအောင် NLD ပါတီက ပုဒ်မ ၄၃၆ ဆိုပြီး ပြောင်းလဲစည်းရုံးနေရတာ ဖြစ်ပါတယ်။ ပုဒ်မ ၅၉(စ)ကို ရှေ့တန်းမတင်ဘဲ ပုဒ်မ ၄၃၆ ကို ရှေ့တန်း တင်ပြီး ဟောပြောစည်းရုံးတဲ့အခါမှာတော့ လူထုဆန့်ကျင်မှုအရှိန်လျော့ကျသွားပါတယ်။ ဒါပေမယ့်လည်း ပုဒ်မ ၅၉(စ)ကို ပြန်ပြီး ဆွေးနွေးလာကြမယ် ဆိုရင်တော့ အမျိုးသားရေးလှုပ်ရှားမှုတွေ ပြန်လည် ပေါ်ပေါက် လာမှာ ဖြစ်ပါတယ်။ ဒါကြောင့် ပုဒ်မ ၅၉(စ)ကို လွှတ်တော်က ပြင်ဆင်ပေးသည့် တိုင်အောင် ပြည်သူလူထုက ဒေါ်အောင်ဆန်းစုကြည်ဆန္ဒအတိုင်း ပြင်ဆင်ပေးဖို့ မဖြစ်နိုင်ပါဘူး။ ဒါဟာ မြန်မာ ပြည်သူလူထုအတွင်းမှာ ဖြစ်ပေါ်နေတဲ့ အရှိတရားပါ။

တစ်ခါ လွှတ်တော်ကော်မတီက ပြင်ဆင်ဖို့ သဘောတူခဲ့သည့်တိုင်အောင် လွှတ်တော်ထဲမှာ ပထမ အဆင့် အနေနဲ့ အရွေးချယ်ခံကိုယ်စားလှယ် ၇၅% ရဲ့ ထောက်ခံမှု ရရှိဖို့ မလွယ်လှပါဘူး။ တစည၊ အမျိုးသားဒီမိုကရေစီပါတီသစ် အပါအ၀င် ပါတီအချို့ရဲ့ ကိုယ်စားလှယ်တွေက ပုဒ်မ ၅၉(စ) ပြင်ဆင်ရေး ကို မထောက်ခံဘူး ဆိုတဲ့သဘောထားတွေကို ထုတ်ဖော်ပြောဆိုထားလို့ပဲ ဖြစ်ပါတယ်။ ဒုတိယအချက် ကတော့ အရပ်သားကိုယ်စားလှယ်တွေရဲ့ ထောက်ခံ အပြည့်အ၀ ရရှိခဲ့ရင်တောင် ၇၅% မပြည့်သေး ပါဘူး။ လစ်လပ်ကိုယ်စားလှယ်နေရာတွေ ရှိနေတာဖြစ်တဲ့အတွက် ကြားဖြတ်ရွေးကောက်ပွဲ ပြီးတော့မှပဲ ၇၅% အပြည့်ဖြစ်လာမှာပါ။ ပြီးတော့ တတိယအချက်အနေနဲ့ အခြေခံဥပဒေပြင်ဆင်ဖို့ လိုအပ်ချက်ဖြစ် တဲ့ ၇၅%ကျော် ရရှိဖို့ တပ်မတော်သားလွှတ်တော်ကိုယ်စားလှယ်တွေရဲ့ ထောက်ခံမှု ရရှိဖို့ လိုပါတယ်။ ဒီလိုအပ်ချက်ဟာလည်း လက်ရှိအနေအထားမှာ မဖြစ်နိုင်တော့ဘူးလို့ပဲ ပြောရမှာပါပဲ။ ဘာဖြစ်လို့လဲ ဆိုတော့ တပ်မတော်ကို စိန်ခေါ်တဲ့စကားတွေ၊ ပြည်သူကို ဖိနှိပ်တဲ့တပ်မတော်ဆိုတဲ့ စကားတွေ တိုင်းသိ ပြည်သိ ထုတ်ဖော်ပြောကြားခဲ့ပြီးတဲ့နောက် ရှစ်လေးလုံးအခြေအနေမျိုး တစ်ကျော့ပြန်တော့မှာလား တွေးမိကြတဲ့အထိ အခြေအနေက တင်းမာသွားခဲ့ရတာကြောင့်ပဲ ဖြစ်ပါတယ်။ စစ်တပ်ရဲ့ ကြည်ဖြူလက်ခံ မှု သေရေးရှင်ရေးတမျှ လိုအပ်နေတဲ့အချိန်မှာ ဒေါ်အောင်ဆန်းစုကြည် ထုတ်သုံးခဲ့တဲ့ မဟာဗျူဟာက မလှပခဲ့ပါဘူး။ ဒီတော့ သမ္မတအိပ်မက်ဟာ မဖြစ်နိုင်တော့ဘူး ဆိုတဲ့ အချက်ကို ပထမဆုံး အသိအမှတ် ပြု လက်ခံရတော့မှာ ဖြစ်ပါတယ်။

ဘာဆက်လုပ်မလဲ

ကောင်းပြီ။ ခေါင်းမာတယ်၊ စိတ်ဓါတ်မာတယ်၊ ယုံကြည်ချက် ခိုင်မာတယ် ဆိုတဲ့ ဒေါ်အောင်ဆန်းစုကြည် ဘာဆက်လုပ်မလဲ။ Plan-A မရနိုင်တော့တဲ့အချိန်မှာ ဒေါ်အောင်ဆန်းစုကြည်ရဲ့ Plan B က ဘာလဲ။ စဉ်းစားကြည့်ဖို့ လိုအပ်လာပါပြီ။ ဒေါ်အောင်ဆန်းစုကြည်ရဲ့ ထုတ်ဖော်ပြောကြားချက်၊ ၈၈ မျိုးဆက်တွေ ရဲ့ ထုတ်ဖော်ပြောကြားချက်တွေအရ အခြေခံဥပဒေပြင်ဆင်ရေးကို လွှတ်တော်လမ်းကြောင်းက လုပ်ဆောင် သွားမှာ ဖြစ်ပါတယ်။ နောက်ပြီးတော့ ဆူပူအုံကြွမှုတွေ၊ အဓိကရုဏ်းတွေ မဖြစ်အောင် တာဝန်ယူရမယ့် တရားဥပဒေစိုးမိုးရေးနဲ့ တည်ငြိမ်အေးချမ်းရေးကော်မတီဥက္ကဌ ရာထူးကိုလည်း ရယူ ထားသူဖြစ်တဲ့အတွက် လူထုတိုက်ပွဲနဲ့ ပြင်ဆင်ဖို့ မဖြစ်နိုင်ပါဘူး။ လူထုအတော်များများကလည်း ရှစ်လေး လုံးအရေးအခင်းမျိုး မကြုံတွေ့ချင်တော့ဘူး ဆိုတာ ပြောထားကြပါတယ်။ လူထုတိုက်ပွဲ ဖြစ်ပေါ် လာရင် အမျိုးသားရေးတက်ကြွလှုပ်ရှားသူတွေနဲ့ ထိပ်တိုက်တွေ့နိုင်တဲ့ အခြေအနေလည်း ရှိနေပါတယ်။

၂၀၁၅ ရွေးကောက်ပွဲကို သပိတ်မှောက်မယ် ဆိုတာကလည်း မဖြစ်နိုင်တဲ့ လမ်းကြောင်းပါ။ ပုဒ်မ ၅၉(စ) ပြင်ဆင်ရေး မအောင်မြင်ရင် ဘာဆက်လုပ်မလဲ၊ ၂၀၁၅ ရွေးကောက်ပွဲကို သပိတ် မှောက် မှာလား ဆိုတဲ့ မေးခွန်းကို NLD ပါတီရဲ့ ထိပ်ပိုင်းခေါင်းဆောင်တစ်ဦးဖြစ်တဲ့ ဦးဥာဏ်ဝင်းက ပြင်သည် ဖြစ်စေ၊ မပြင် သည် ဖြစ်စေ၊ ရွေးကောက်ပွဲ ၀င်ကိုဝင်မယ်၊ ဒါဟာ CEC ဆုံးဖြတ်ချက် ဆိုပြီး ပြောကြားထားပြီး ဖြစ်ပါ တယ်။ ဦးဥာဏ်ဝင်းရဲ့ ပြောကြားချက်ဟာ ၂၀၁၅ ရွေးကောက်ပွဲအပေါ်မှာ ထားရှိတဲ့ သဘောထားလည်း ဖြစ်နိုင်ပါတယ်။ ဘာဖြစ်လို့ ဒီလိုဆုံးဖြတ်ရသလဲ ပြန်ကြည့်ရင် NLD ပါတီက ၂၀၁၀ ရွေးကောက်ပွဲကို သပိတ်မှောက်ခဲ့တဲ့အတွက် ဒီကနေ့ လွှတ်တော်ထဲမှာ ကြံ့ခိုင်ရေးအများစု အခြေအနေကို ဖြစ်ပေါ် လာစေခဲ့တာပါ။ NLD ပါတီသာ ၀င်ရောက်ယှဉ်ပြိုင်ခဲ့မယ် ဆိုရင် သမ္မတရွေးချယ်ရေးကို အဆုံးအဖြတ် ပေးနိုင်တဲ့အထိ အလားအလာရှိခဲ့တာ ဖြစ်ပါတယ်။ လွှတ်တော်တွေ ပေါ်လာပြီး အင်စတီကျူးရှင်း အသစ် တွေ ထူထောင်လာချိန်မှာ NLD ပါတီနဲ့ ဒေါ်အောင်ဆန်းစုကြည်ဟာ တရားမ၀င် နိုင်ငံရေးပါတီ အဖြစ်နဲ့ပဲ ရှိနေခဲ့တာပါ။ သမ္မတဦးသိန်းစိန်နဲ့ တွေ့ဆုံပြီး နိုင်ငံရေးပါတီဥပဒေ၊ ရွေးကောက်ပွဲဥပဒေတွေ ပြင်ဆင်ပေးခဲ့လို့သာ ကြားဖြတ်ရွေးကောက်ပွဲကတစ်ဆင့် လွှတ်တော်ထဲ ရောက်ရှိလာခဲ့တာ ဖြစ်ပါတယ်။ လွှတ်တော်ထဲ ရောက်လာမှပဲ ဒေါ်အောင်ဆန်းစုကြည်ရဲ့ အခန်းကဏ္ဍ ဆိုပြီး နိုင်ငံရေးစာမျက်နှာမှာ တည်တည်တံ့တံ့ ရှိလာခဲ့တာ ဖြစ်ပါတယ်။ ဒီအခြေအနေတွေအရ လွှတ်တော်ရေစီးကြောင်းကို ရှောင်လွှဲ သူဟာ မြန်မာ့နိုင်ငံရေးပင်မဒိုင်ယာလော့နဲ့ ကင်းကွာသွားရမှာပဲ ဖြစ်ပါတယ်။ သဘောထားတင်းမာမှု၊ ခေါင်းမာမှုတွေကြောင့် ၂၀၁၀ ရွေးကောက်ပွဲကို လွဲချော်ခဲ့ရတဲ့ NLD ပါတီဟာ ဒီကနေ့ အင်အား မကောင်းတဲ့ အတိုက်အခံပါတီကြီးအဖြစ်သာ ရပ်တည်နေရတာ ဖြစ်ပါတယ်။ ၂၀၁၅ ကိုလည်း ဒီပုံစံ အတိုင်း ဆက်ပြီးခေါင်းမာစွာ သပိတ်မှောက်ဦးမယ် ဆိုရင်တော့ လွှတ်တော်သက်တမ်း(၂)ခု စုစုပေါင်း (၁၀)နှစ် ဆိုတဲ့ အချိန်တွေကို အလဟဿ ဖြုန်းတီးရာ ရောက်ရှိသွားမှာ ဖြစ်ပါတယ်။

ဒီအခြေအနေတွေအရ သုံးသပ်ကြည့်ရင် ဒေါ်အောင်ဆန်းစုကြည်အနေနဲ့ သမ္မတရာထူးကို မရနိုင် တော့ဘူး ဆိုတာကို လက်မခံချင်လည်း လက်ခံနိုင်ဖို့ ကြိုးစားရတော့မှာ ဖြစ်ပါတယ်။ နောက် ဒုတိယ အချက်အနေနဲ့တော့ ပြောင်းလဲလာတဲ့ ရွေးကောက်ပွဲစနစ်မှာ NLD ပါတီ အများစု အနိုင်ရရှိခဲ့ရင် (ဒါမှ မဟုတ်) အခြားမိတ်ဆွေပါတီတွေနဲ့ ပေါင်းပြီး လွှတ်တော်တွင်း အများစုမဲပေးနိုင်တဲ့ ပါဝါ ရရှိခဲ့ရင် သမ္မတ လောင်းအဖြစ် ဘယ်သူ့ကို တင်မြှောက်မလဲ ဆိုတာကို စဉ်းစားရတော့မှာ ဖြစ်ပါတယ်။ ၈၈ မျိုးဆက်ထဲက ဦးကိုကိုကြီးကို တင်မြှောက်မှာလား၊ အတွေ့အကြုံရင့် ဦးတင်ဦးကိုပဲ တင်မြှောက်မှာလား။ ဒါတွေကို ကြိုတင်စဉ်းစား ဆုံးဖြတ်ထားရတော့မှာ ဖြစ်ပါတယ်။ တတိယအချက်အနေနဲ့ ဒေါ်အောင်ဆန်းစုကြည် အနေနဲ့ ၂၀၁၅ အလွန် နိုင်ငံရေးအခင်းအကျင်း မှာ ဘယ်လိုနေရာမျိုး ရယူမလဲ ဆိုတာပဲ ဖြစ်ပါတယ်။ ပြည်သူ့လွှတ်တော်ဥက္ကဌ၊ ပြည်ထောင်စုလွှတ်တော် နာယကအနေနဲ့ အစိုးရကို ပြန်လည်ထိန်းကျောင်းမှု ပြုချင်သလား။ ဒါမှမဟုတ် အိန္ဒိယနိုင်ငံက ဆိုနီယာဂန္ဓီလိုမျိုး NLD ပါတီဥက္ကဌ၊ လူထုခေါင်းဆောင် ပုံစံ မျိုးနဲ့ လွှတ်တော်နဲ့ အစိုးရကို ထိန်း ကျောင်းမှု ပြုချင်သလား ဆိုတာကို စဉ်းစားရတော့မှာ ဖြစ်ပါတယ်။

သမ္မတရာထူး ရယူရေး အိပ်မက်ကို စွန့်လွှတ်လိုက်ပြီ ဆိုရင်တော့ သမ္မတလောင်းတင်မြှောက်နိုင် သူတွေ ကို ပွဲထုတ်ပေးရတော့မယ်၊ ဆွဲတင်ပေးရတော့မယ် ဖြစ်ပါတယ်။ NLD မှာ ဒုတိယဒေါ်အောင်ဆန်း စုကြည် ပေါ်ထွက်လာနိုင်တယ် ဆိုပြီး ဦးတင်ဦးက ပြောကြားခဲ့ပေမယ့်လည်း နောင်နှစ်ပေါင်းများစွာမှ ပေါ်ထွက်လာနိုင်တာမျိုး ဖြစ်နေပါတယ်။ လက်ရှိအချိန်မှာလည်း ဒေါ်အောင်ဆန်းစုကြည်တစ်ဦးတည်းရဲ့ ဆုံးဖြတ်ချက်၊ ဒေါ်အောင်ဆန်းစုကြည်တစ်ဦးတည်းရဲ့ မူဝါဒနောက်မှ အေးအေးသက်သာ လိုက်ပါနေကြ တဲ့ NLD ပါတီဟာ ထက်မြက်ထူးချွန်တဲ့ ခေါင်းဆောင်အသစ်တွေ မြန်မြန်ထွက်လာအောင် လုပ်ရတော့ မှာဖြစ်ပါတယ်။ ဒီလို မလုပ်နိုင်ဘူးဆိုရင်တော့ ဒေါ်အောင်ဆန်းစုကြည်အလွန် NLD ပါတီဟာ ရေရှည် တည်တံ့ဖို့ လွယ်ကူမှာ မဟုတ်ပါဘူး။

လူထုတိုက်ပွဲ အောင်မြင်မှာလား

၈၈ မျိုးဆက် ကျောင်းသားခေါင်းဆောင်ဟောင်း ဦးမင်းကိုနိုင် ပြောကြားခဲ့သလို လမ်းပေါ်လူတွေ ပြည့်သွားအောင် လုပ်တဲ့ လူထုတော်လှန်ရေး၊ လူထုတိုက်ပွဲနည်းနဲ့ရော သမ္မတဖြစ်ရေးကို မလုပ်နိုင်ဘူး လား မေးစရာ ရှိပါတယ်။ ပထမဆုံး ပြည်တွင်းအခြေအနေကို ပြန်ကြည့်ရင် ၁၉၈၈ ခုနှစ်ကလို တစ်သွေး တည်းတစ်သားတည်း ဖြစ်ဖို့ ခက်ခဲသွားပြီ လို့ပဲ သုံးသပ်ချင်ပါတယ်။ သမ္မတဖြစ်ရေးအတွက် တွန်းအား ပေးလာမယ် ဆိုရင် ပုဒ်မ ၅၉(စ)ထောက်ခံနေကြတဲ့ အမျိုးသားရေးအင်အားစုကြီး ရှိနေပါတယ်။ သူတို့ ဟာ အမျိုးသားရေးအမြင်နဲ့ ပုဒ်မ ၅၉(စ)ကို ထောက်ခံနေကြတာ ဖြစ်တဲ့အတွက် တစ်နည်းအားဖြင့် ဒေါ် အောင်ဆန်းစုကြည် သမ္မတ ဖြစ်ရေးကို ကန့်ကွက်နေကြတာ ဖြစ်တယ် ဆိုတာကို မြင်အောင်ကြည့်ဖို့ သိပ်ကို အရေးကြီးပါတယ်။ တစ်နည်းပြောရရင် ဒေါ်အောင်ဆန်းစုကြည်ကို သမ္မတ ဖြစ်စေလိုတဲ့ အုပ်စု နဲ့ သမ္မတ မဖြစ်စေလိုတဲ့ အုပ်စု ဆိုပြီး ထိုင်းနိုင်ငံက အနီနဲ့ အ၀ါလို ဖြစ်နေကြတာ ဖြစ်ပါတယ်။ အမျိုးသားရေးအုပ်စုက သာသနာ့အလံအရောင် အ၀ါလို့ သတ်မှတ်နိုင်သလို NLD ပါတီထောက်ခံသူတွေ ကတော့ ပါတီအလံအရောင် အနီ ဆိုပြီး သတ်မှတ်နိုင်ပါ တယ်။ ဒီအုပ်စုကြီး (၂)စု ထိပ်တိုက် တိုးတော့မယ့် အနေအထားမျိုးတွေကိုလည်း စာပေဟောပြောပွဲတွေကို ကန့်ကွက်ခဲ့တဲ့ ဖြစ်စဉ်တွေမှာ နမူနာအဖြစ် တွေ့မြင်ခဲ့ကြရပြီး ဖြစ်ပါတယ်။ ၈၈ မျိုးဆက်ခေါင်းဆောင် တွေရော NLD ပါတီ က ခေါင်းဆောင်တွေပါ မြန်မာပြည်သူတွေထဲမှာ ဖြစ်ပေါ်နေတဲ့ အနီအုပ်စုနဲ့ အ၀ါအုပ်စုကို အလေးထားဖို့ လိုပါတယ်။

နောက် ပြည်ပအခြေအနေကို လေ့လာကြည့်ဖို့ လိုပါတယ်။ အာရပ်တော်လှန်ရေးကြောင့် အစွန်းရောက် တွေ ပလ္လင်ပေါ်တင်ပေးခဲ့ရတဲ့ အခြေအနေဖြစ်ပေါ်လာသလို တူရကီမှာလည်း အာဏာရှင်ဝါဒ ပြန်လည် ပြီးတော့ ထွန်းကားလာနေပါတယ်။ ထိုင်းနိုင်ငံမှာလည်း စစ်တပ်က အာဏာသိမ်းထားရပြီး ပိုမို တင်းကျပ်တဲ့ အခြေခံဥပဒေပြင်ဆင်ဖို့အထိ လုပ်ဆောင်နေပါတယ်။ ဒီမိုကရေစီနိုင်ငံများအုပ်စုကို ဦး ဆောင်နေကြတဲ့ အမေရိကန်နဲ့ အနောက်နိုင်ငံတွေအတွက် အောင်မြင်မှုဇာတ်လမ်းပုံပြင်တစ်ခုအဖြစ် မြန်မာနိုင်ငံကို အမွှမ်းတင်နေရတဲ့အခြေအနေ ဖြစ်နေပါတယ်။ အမေရိကန်သမ္မတ အိုဘားမားကိုယ်တိုင် လည်း ၀က်စ်ပွိုင့်စစ်တက္ကသိုလ်မှာ မိန့်ခွန်းပြောကြားခဲ့ရာမှာ မြန်မာနိုင်ငံကို အလေးပေး ချီးကျူးပြောကြား သွားရတဲ့ အနေအထား ဖြစ်ပါတယ်။

ဒေါ်အောင်ဆန်းစုကြည် သမ္မတ ဖြစ်ရေးအတွက် လမ်းပေါ်ထွက်အောင် လုပ်ဆောင်ခဲ့မယ်ဆိုရင် ပြည်ပ အသိုင်းအ၀ိုင်းက အပြည့်အ၀ ထောက်ခံမှုပေးမှာလား ဆိုတာကိုလည်း စဉ်းစားစရာ ဖြစ်နေပါတယ်။ တံခါးပိတ်အာဏာရှင်နိုင်ငံအဖြစ်ကနေ တံခါးဖွင့်ပြီး အနောက်နိုင်ငံတွေကို လက်ကမ်းခဲ့တဲ့ သမ္မတ ဦးသိန်းစိန်လက်ထက် ပြုပြင်ပြောင်းလဲမှုတွေကြောင့် မြန်မာနိုင်ငံမှာ ဒီမိုကရေစီခိုင်မာဖို့ (ဒေါ်အောင်ဆန်း စုကြည် မဟုတ်တဲ့) စစ်ဗိုလ်ချုပ်တွေနဲ့လည်း လက်တွဲလုပ်ဆောင် နိုင်တယ် ဆိုတာကို အနောက်နိုင်ငံ တွေက နားလည်သဘောပေါက်လာခဲ့ကြပြီ ဖြစ်ပါတယ်။ ဒါဟာလည်း ဆူပါပါဝါနိုင်ငံကြီးတွေရဲ့ ပုတ်သင် ညိုဝါဒ ဖြစ်ပါတယ်။ မူဘာရက်ကို တောက်လျှောက်ထောက်ခံခဲ့ပေမယ့်လည်း ဖြစ်ပေါ်လာတဲ့ အပြောင်း အလဲမှာ လက်တွဲဖြုတ်ခဲ့ကြတာ မြင်တွေ့နိုင်ပါတယ်။ အခုဆိုရင်ပဲ ဒေါ်အောင်ဆန်းစုကြည်ကိုယ်တိုင် ပြည်ပနိုင်ငံတွေမှာ ပြောတဲ့ဟောတဲ့အခါ မြန်မာနိုင်ငံကို အကောင်း မမြင်ကြပါနဲ့ဦး၊ မြန်မာနိုင်ငံမှာ ဒီမိုကရေစီ မရသေးပါဘူး စသည်အားဖြင့် ထပ်ခါတလဲလဲ ပြောနေတဲ့ကြားက ရင်းနှီးမြုပ်နှံမှုတွေ၊ ထောက်ပံ့ကူညီမှုတွေ ၀င်ရောက်လာနေပြီ ဖြစ်ပါတယ်။

နောက်တစ်ခါ အခြေခံဥပဒေပြင်ဆင်ရေးဟာ အမှန်စင်စစ်မှာတော့ NLD နဲ့ တပ်မတော် ဆက်ဆံရေး၊ ဒေါ်အောင်ဆန်းစုကြည်နဲ့ တပ်မတော်ဆက်ဆံရေး ပြဿနာသာဖြစ်ပါတယ်။ ဒေါ်အောင်ဆန်းစုကြည် အနေနဲ့ ဒီအချက်ကို မြင်အောင် ကြည့်နိုင်ဖို့ လိုပါတယ်။ မြန်မာ စစ်တပ်ကို အိမ်နီးချင်း နိုင်ငံတွေနဲ့ ရင်ဘောင်တန်းနိုင်အောင်၊ ဒေသတွင်းမှာ ခိုင်ခိုင်မာမာ ရပ်တည်နိုင်အောင် စစ်တပ်ရဲ့ ပြုပြင်ပြောင်းလဲမှု တွေ ပိုမိုလျင်မြန်လာအောင်၊ ပိုမိုကောင်းမွန်လာအောင် အပြုသဘောစကားလုံးတွေ သုံးပြီး နိုင်ငံတကာနဲ့ ပေါင်းကူးပေးနိုင်ဖို့ လိုပါတယ်။ စစ်တပ်အနေနဲ့ ကိုယ့်ခြေထောက်ပေါ် ကိုယ် ရပ်တည်နိုင်အောင် စစ်တပ်ပိုင်ကော်ပိုရေးရှင်းကြီးတွေကိုလည်း နိုင်ငံတကာအဆင့်မီ ကော်ပိုရေးရှင်းကြီးတွေ ဖြစ်လာအောင် ၀ိုင်းဝန်းကူညီပံ့ပိုးပေးသင့်ပါတယ်။ ဒီလိုမျိုး အပြုသဘော ပံ့ပိုးမှုတွေ လုပ်ဆောင်နိုင်ဖို့ မရှိမဖြစ် လိုအပ် ချက် ကတော့ စစ်တပ်ရဲ့ အခန်းကဏ္ဍကို ဒေါ်အောင်ဆန်းစုကြည် ကိုယ်တိုင် အသိ အမှတ် ပြုပေးဖို့ အရေးကြီးတယ်လို့ပဲ ပြောချင်ပါတယ်။ ဒေါ်အောင်ဆန်းစုကြည်အနေနဲ့ ဒီကနေ့ မြန်မာနိုင်ငံအခြေ အနေကို အမှန်အတိုင်းကြည့်မြင် သုံးသပ်ပြီး ပြည်သူတွေ အလုပ်အကိုင် မြန်မြန်နဲ့ များများ ရရှိစေမယ့် ရင်းနှီးမြုပ်နှံမှုတွေ တွန်းအားပေးပြီး ဖိတ်ခေါ်ခဲ့မယ် ဆိုရင် ပြည်သူလူထု အနေနဲ့ များစွာ အကျိုးဖြစ်ထွန်း စေမှာ ဖြစ်ပါတယ်။ အလားတူပါပဲ နောက်ကျကျန်နေတဲ့ ကျေးလက်ဒေသတွေနဲ့ စစ်ဘေးသင့် ဒေသတွေ ပြန်လည်ထူထောင်ရေးအတွက် ထောက်ပံ့ကူညီမှုတွေ တောင်းခံပေးခဲ့မယ် ဆိုရင် ပြည်တွင်း ငြိမ်းချမ်းရေးဟာ ဒီထက်ပိုပြီး မြန်ဆန်ချောမွေ့လာနိုင်ပါတယ်။ ကော့မှူး တစ်နယ်ထဲ ကောင်းစားရေး ထက် တစ်နိုင်ငံလုံး ညီတူညီမျှကောင်းစားရေးကို ဦးတည်ခဲ့မယ် ဆိုရင် ဆင်းရဲနွမ်းပါးမှုက အမြန်ဆုံး ရုန်းထလွတ်မြောက်နိုင်မှာ ဖြစ်ပါတယ်။ ဒီမိုကရေစီ ထွန်းကားဖို့ စီးပွားရေး အဆင်ပြေဖို့ အရေးကြီးတယ်၊ ဒါ့ကြောင့် ဒီမိုကရေစီအကူးအပြောင်းကို အထောက်အကူဖြစ်စေဖို့ ပြည်သူတွေ လူမှုစီးပွားအဆင်ပြေ တိုးတက်လာအောင် ကူညီပေးတယ် ဆိုတဲ့ ပုံရိပ်ကို ဖော်ဆောင်သင့်တယ်လို့ပဲ မြင်ပါတယ်။ တိုင်းပြည် အကျိုးနဲ့ ပြည်သူလူထုအကျိုးကို အမှန်တစ်ကယ် ရှေ့ရှုပြီး တတ်နိုင်သမျှ ကူညီ ဆောင်ရွက်ပေးမယ် ဆိုရင် သမ္မတ မဖြစ်လည်းပဲ ပြည်သူတွေရဲ့ ရင်ထဲက ခေါင်းဆောင်အဖြစ် အစဉ် ထာဝရ သမိုင်းတွင် ကျန်ရစ်ခဲ့မှာ ဖြစ်ပါတယ်။

ဘုန်းအောင်
The Messenger ဂျာနယ် အတွဲ ၅ အမှတ် ၃ မှ ကူးယူဖော်ပြသည်
မြန်မာ့နိုင်ငံရေးဆောင်းပါးများ