ဒါရိုက်တာ ကျော်ဇောလင်း(အတွေးပုံရိပ်) ရိုက်ကူးနေ သည့် “ကောက်စားမယ်” ဇာတ်ကားကို မိန်းမရှာဇာတ်ရုပ်နှင့် ပထမဆုံး ခေါင်းဆောင်မင်းသားအဖြစ် ရိုက်ကူးနေသည်ဟု သရုပ်ဆောင် ညီထွဋ်ခေါင်က ပြောသည်။“ကျွန်တော် ဇာတ်ကားတွေလည်း အများကြီး ရိုက်ဖြစ်ခဲ့တယ်။ ဒီဇာတ်ကားလေးမှာကျတော့ ကျွန်တော်တစ်ယောက်တည်း ခေါင်းဆောင်မင်းသား အနေနဲ့ ရိုက်ဖြစ်တာက ပထမဦးဆုံး ဇာတ်ကားလေးပါ။ ဒီဇာတ်ထဲ မှာလည်း မိန်းမလျာဇာတ်ရုပ်ကို ဘာကြောင့် စရိုက်ဖြစ်တာလဲ ဆိုတော့ ဒါရိုက်တာ ကျော်ဇောလင်းကို ယုံကြည်ပြီး ရိုက်ဖြစ်တာပါ။ ဇာတ်ကိုလည်း ကျွန်တော် ကြိုက်တယ်။ ဒီလို ကာရိုက်တာမျိုးကို ကျွန်တော့်အနေနဲ့ တစ်ကားလုံးကို တစ်ယောက်တည်းလည်း မလုပ်ဖူးသေးဘူး။ အဲဒါကြောင့် ထူးထူးခြားခြားလေးလည်း ဖြစ်အောင် ပရိသတ်အမြင်မှာ အမြင်ဆန်းအောင် ရိုက်ဖြစ်တာပါ" လို့ ၎င်းက ပြောသည်။
ယင်းဇာတ်ကားတွင် သွန်းဆက်နှင့်အတူ သရုပ်ဆောင်များစွာ ပါဝင်ထားသည်။ ညီထွဋ်ခေါင်သည် ၂ဝ၁၃ ခုနှစ် ကထွက်ရှိခဲ့သည့် ရွှေမှုံရတီနှင့် ရိုက်ကူးထားသည့် "မျက်လုံးလေး ကလည်ကလည် " ဇာတ်ကားတွင် ပရိသတ်၏ သတိပြုအားပေးခြင်း ခံခဲ့ရသူဖြစ်ပြီး ၂ဝ၁ဝ ခုနှစ်က အနုပညာလောကကို ဝင်ရောက်ခဲ့သူ ဖြစ်သည်။
မဇ္ဈိမ
No comments:
Post a Comment