သီလ၀ါအထူးစီးပွားရေးဇုန်မှာ ရင်းနှီးမြှုပ်နှံ အလုပ်လုပ်ကိုင်မယ့် စက်ရုံနဲ့ ကုမ္ပဏီတွေ အတွက် ဂျပန်ဘက်ကနေ သီးသန့် လျှပ်စစ်ဓာတ်အားပေးစက်ရုံတခု တည်ဆောက်မယ်လို့ သီလ၀ါ အထူးစီးပွားရေးဇုန် စီမံခန့်ခွဲရေးကော်မတီရဲ့ ဥက္ကဋ္ဌ ဦးဆက်အောင်က ပြောပါတယ်။
သီလ၀ါအထူးစီးပွားရေးဇုန် (အေ) အတွင်းမှာ လုံးဝ ပြတ်တောက်မှုမရှိ အဆက်မပြတ် ဓာတ်အားပေးနိုင်တဲ့ သဘာဝဓာတ်ငွေ့သုံးစက်ရုံတခု တည်ဆောက်မှာ ဖြစ်ပြီး ဂျပန်နိုင်ငံက ချေးငွေ ရရှိထားပြီးဖြစ်တယ်လို့လည်း သူက ဆိုပါတယ်။
လက်ရှိ တည်ဆောက်မယ့် စက်ရုံဟာ ၂၀၁၅ ခုနှစ်အတွင်း စက်ရုံ ၄၅ ရုံအတွက် လျှပ်စစ်ဓာတ်အား လိုအပ်ချက် မဂ္ဂါဝပ် ၂၀ ကို ဖြည့်ဆည်းပေးမှာ ဖြစ်ပြီး နောက်ပိုင်း ၂၀၂၀ ရောက်ရင် မဂ္ဂါဝပ် ၁၆၀ ကနေ ၂၀၀ ကျော် လိုလာမယ် ဖြစ်လို့ ကျောက်မီးသွေးသုံး ဓာတ်အားပေးစက်ရုံတွေကိုပါ တည်ဆောက်ဖို့ အစီအစဉ်ရှိတယ်လို့ ဦးဆက်အောင်က ပြောပါတယ်။
dvb
No comments:
Post a Comment