ဘင်္ဂါလီများ နိုင်ငံသား ဖြစ်ခွင့်နှင့် ပတ်သက်၍ ရခိုင်ပြည်နယ် မြေပုံမြို့တွင် စတင် ဆောင်ရွက်လျက်ရှိရာ လျှောက်ထားသူ (၁၀၉၇)ဦး အနက် (၅၀၀) ကျော်အား မြို့နယ် အဆင့် စိစစ်ပြီးစီးပြီး ဖြစ်ကြောင်း လ.၀.က မှ သိရသည်။ ပြည်နယ်အဆင့် ဆောင်ရွက်ပြီးရင်၊ ဗဟိုအဆင့် ဆောင်ရွက် မယ်။ ရသင့်ရထိုက်တဲ့ ကတ်ပြား တမျိုးမျိုးကို ပြန်ပြီး ထုတ်ပေးဖို့ ခွင့်ပြုမိန့်နဲ့ ချမှတ်ပေးသွားမှာပါ ဟု ရခိုင်ပြည်နယ်သို့ သွားရောက်ကာ နိုင်ငံသားဖြစ်ခွင့် စိစစ်နေသူ လ.၀.က မှ ညွှန်ကြားရေးမှူး ဦးမောင်မောင်သန်းက The Messenger Media သို့ပြောသည်။
ရခိုင်ပြည်နယ်တွင် ဘင်္ဂါလီများ နိုင်ငံသားဖြစ်ခွင့်နှင့် ပတ်သက်၍ ယခင်ကပင် အငြင်းပွားမှု တချို့ရှိခဲ့ပြီး အင်္ဂါလီ လူမျိုးများ ဘက်ကလည်း မိမိတို့သည် ရိုဟင်ဂျာလူမျိုး ဖြစ်သည်ဟု ပြောကြားထားကာ သန်းခေါင်စာရင်း အကောက်မခံမှု များလည်း ရှိခဲ့ကြောင်း လ.၀.က မှသိရသည်။ ရိုဟင်ဂျာ ဟုပြော၍ နိုင်ငံသားဖြစ်ခွင့် တောင်းဆိုပါက လုံးဝနိုင်ငံသား ဖြစ်ခွင့်ရမည် မဟုတ်ကြောင်း ၀န်ကြီးဦးခင်ရီ က The Messenger Media သို့ ပြောသည်။
နိုင်ငံတကာက ဖိအားပေးတာ အကုန်လုံးကို နိုင်ငံသာ ဖြစ်ခွင့်ပေးဖို့ ပြောတာလည်း ရှိပါတယ်။ နိုင်ငံတကာ ဖိအားလည်းရှိမှာပေါ့၊ ဘင်္ဂါလီ တွေနိုင်ငံမဲ့ ဖြစ်နေလို့ အကုန် လက်ခံဖို့ ပြောမှာပေါ့။ တိုင်းရင်းသားတွေရဲ့ ရပ်တည်တာက အဲဒီလို မဟုတ်ဘူး။ ဥပဒေ အတိုင်းပဲ လုပ်ပါလို့ ပြောတာပါ။ နိုင်ငံတကာ ဖိအားပေးလို့လည်း နိုင်ငံသားဖြစ်ခွင့် မရှိတဲ့လူကို ပေးလိုက်လို့ မရဘူး။ နိုင်ငံတကာ ဖိအားထက်စာရင် ပြည်တွင်း ဖိအားက အစိုးရ အဖွဲ့ကို အပြောင်းအလဲ မြန်စေတယ် ဟု ရခိုင် အမျိုးသားပါတီ ခေါင်းဆောင် (၂) ဒေါက်တာ အေးမောင်က The Messenger Media သို့ ပြောသည်။
နိုင်ငံတကာ အဖွဲ့အစည်း တချို့နှင့် နိုင်ငံ တချို့သည် ၁၉၈၂ ဥပဒေကို ဖျက်သိမ်းရန်နှင့် ဘင်္ဂါလီများအား နိုင်ငံသား ဖြစ်ခွင့်ပေးရန် တောင်းဆိုမှု များရှိနေသည်။ အစိုးရသစ် လက်ထက်တွင် ပထမဆုံးအကြိမ် အဖြစ် ဘင်္ဂါလီများကို နိုင်ငံသားဖြစ်ခွင့် ပေးရန်စီစဉ်လျက်ရှိရာ မြို့နယ်အဆင့် ပြည်နယ်အဆင့်၊ ဗဟိုအဆင့် စသည်ဖြင့် အဆင့်ဆင့် စစ်ဆေးသွားမည် ဖြစ်ကြောင်း (လ.၀.က)မှ သိရသည်။
messengernewsjournal
No comments:
Post a Comment