Tuesday, September 16, 2014

မြ၀တီနယ်စပ်မှာ ၂ရက်ဆက်တိုက် ချိန်ကိုက်ဗုံးတွေ တွေ့


မြ၀တီမြို့ အမှတ်(၄)ရပ်ကွက် မြို့နယ်တရားရုံးနဲ့ စီးပွားရေးဘဏ် အနားမှာ ကြွတ်ကြွတ်အိတ် အမည်းရောင်နဲ့ ထုတ်ထားတဲ့ ချိန်ကိုက်ဗုံးတလုံးကို ဒီနေ့ စက်တင်ဘာ ၁၆ရက် မနက် ၈း၄၅ နာရီလောက်က ထပ်မံ တွေ့ရှိပါတယ်။

အဲဒီ့နားက လက်ဖက်ရည်ဆိုင်ဖွင့်ဖို့ သန့်ရှင်းရေးလုပ်တာမှာ မသင်္ကာစရာ အိတ်ကို တွေ့လို့ မြဝတီရဲဌာနကို သတင်းပေးပြီး ဌာနဆိုင်ရာတွေက လာရောက် စစ်ဆေးတာမှာ ပေါက်ကွဲစေနိုင်တဲ့ ဗုံးကို တွေ့ရှိတဲ့အတွက် စစ်မြေပြင် မိုင်းအင်ဂျင်နီယာ တပ်ရင်း ၉ဝ၄ က လာရောက် ရှင်းလင်းသွားပါတယ်။
ဌာနဆိုင်ရာ ဒုဗိုလ်မှုးကြီး ၀င်းထွန်းနဲ့ တပ်သားများ၊ သင်္ကန်းညီနောင် ဗျူဟာမှုး ဗိုလ်မှုးကြီးမျိုးခိုင်နဲ့ တပ်သားများက ရှင်းလင်းနိုင်ခဲ့ပါတယ်။

ထိုင်း-မြန်မာနယ်စပ် မြ၀တီမြို့မှာ ၂ရက်ဆက်တိုက် ချိန်ကိုက်ဗုံး ၂လုံး တွေ့ရှိခဲ့ပြီး ၂ကြိမ်လုံး မှာလည်း ပေါက်ကွဲချိန် ၁၂နာရီကို အချိန်ကိုက်လုပ်ထားတာလို့ သိရပါတယ်။

သတင်းဓာတ်ပုံ - ဖိုးစီ
DVB

No comments:

Post a Comment