ကချင်ပြည်နယ်၊ မိုးညှင်းမြို့နယ်၊ နန့်စီးအောင်ကျေးရွာ၌ တာဝန်ထမ်းဆောင်နေသော သားဖွားဆရာမတစ်ဦးအား စက်တင်ဘာ ၂၀ ရက်နေ့တွင် ကချင်လွတ်မြောက်ရေးတပ်မတော်(KIA)မှ လာရောက်ခြိမ်းခြောက်သွားခဲ့ကြောင်း ယင်း ဒေသခံများထံမှ သတင်းရရှိသည်။
အဆိုပါဖြစ်စဉ်မှာ ၎င်းကျေးရွာနေ သားဖွားဆရာမ ဒေါ်စီစီမြင့်ထံ နေ့လယ် ၁၂ နာရီချိန်ခန့်တွင် KIA တပ်ဖွဲ့ဝင် ၃ ဦး အရပ်ဝတ်များဖြင့် လာရောက်ပြီး ဆေးကုသပေးရန် လိုက်ခဲ့ဖို့ခေါ်ဆောင်ခြင်းကို ငြင်းဆန်မှုကြောင့် ခြိမ်းခြောက်သွားခြင်း ဖြစ်ကြောင်းသိရသည်။
“သားဖွားဆရာမကို သေနတ်မှန်တဲ့ KIA စစ်သားတွေ ကုသပေးဖို့ခေါ်တာ ဖြစ်မှမဖြစ်နိုင်တာ၊ ဆရာမက ဖျားနာနေတဲ့ လူနာတွေကိုသာ ကုသပေးနိုင်တာလို့ပြောတာကို မကျေမနပ်ဖြစ်ပြီး ပြန်သွားကြတာလို့ သိရတယ်”ဟု နန်းစီးအောင် ရွာခံ တစ်ဦးက ပြောသည်။
KIA အဖွဲ့မှ အစိုးရစစ်ကြောင်း၏ ချောင်းမြောင်းပစ်ခတ်ခြင်းခံထားရ၍ လက်မောင်းတွင် ဒဏ်ရာရရှိသူတစ်ဦးအား ဆေးကု သပေးရန်အတွက် ၎င်းတို့နှင့်အတူ လိုက်ခဲ့ရန် လိမ်ညှာခေါ်ဆောင်မှုကို သားဖွားဆရာမက အတင့်ရဲစွာငြင်းပယ်လိုက် ရကြောင်း သိရသည်။
“ဒီနားပတ်ဝန်းကျင်မှာ အစိုးရတပ်နဲ့ KIA တို့ပစ်တာခတ်တာမကြားမိဘူး၊ KIA ကလိမ်ညှာခေါ်တာကို ဆရာမက ရိပ်မိတဲ့ အတွက် မလိုက်ဖို့ ငြင်းလိုက်တာနေမှာပါ၊ ဒဏ်ရာရတဲ့လူရှိတယ်ဆိုရင်လည်း အခြားအကြောင်းတစ်ခုခုကြောင့် ရတာပဲ ဖြစ်မှာပါ” ဟု ဆရာမနှင့်သိကျွမ်းခင်မင်သူ တစ်ဦးကပြောသည်။
KIA အဖွဲ့သည် လွန်ခဲ့သော တစ်ပတ်ခန့်က ရှမ်းနီပါတီဝင် ရှမ်းစာပေဆရာမအား ခြိမ်းခြောက်ပြောဆိုမှု ပြုလုပ်ခဲ့ပြီး ယခု တစ်ကြိမ် သားဖွားဆရာမကို လာရောက်ခြိမ်းခြောက်ပြန်ရာ နိုင်ငံ့ဝန်ထမ်းများအတွက် စိုးရိမ်စရာ ဖြစ်လာကြောင်း မိုးညှင်း မြို့နယ်ပြည်သူ့ဆေးရုံမှ သူနာပြုတစ်ဦးက ပြောကြားသွားသည်။
ဇော်မိုင်
Kachin Daily News
No comments:
Post a Comment