အနည်းဆုံး အခကြေးငွေနှုန်းထား အမြန်ဆုံးသတ်မှတ်ရေး အတွက် ရန်ကုန်မြို့တွင် အလုပ်သမား ၅၀၀ ခန့် စုပေါင်း ဆန္ဒထုတ်ဖော်ခဲ့သည်။
လှိုင်သာယာမြို့နယ် စက်မှုဇုန်အတွင်းရှိ လုပ်သားများ စု ပေါင်းပြီး အနည်းဆုံးအခကြေးငွေ နှုန်းထား အမြန်ဆုံးသတ်မှတ်ပေးရန် ရည်ရွယ်ချက်ဖြင့် တောင်းဆို သည့် ဆန္ဒပြပွဲတွင် အလုပ်သမား ဦးရေ ၁,၅၀၀ ပါဝင်မည့်ဟု ခွင့်ပြု ချက်တောင်းခံထားသော်လည်း ဆန္ဒပြပွဲတွင် လူငါးရာကျော်သာ လမ်းလျှောက် ချီတက်ဆန္ဒဖော် ထုတ်ခဲ့ကြသည်။
ယင်းဆန္ဒထုတ်ဖော်မှုတွင် လှိုင်သာယာစက်မှုဇုန်အတွင်းရှိ စက်ရုံငါးရုံခန့်မှ လုပ်သားငါးရာ ခန့် ပါဝင်ခဲ့ပြီး ဆန္ဒပြတောင်းဆို မှုကို နိုဝင်ဘာ ၁၆ ရက် မွန်းလွဲ ၂ နာရီမှ ညနေ ၅ နာရီအထိ ရန်ကုန်-ပုသိမ်လမ်းမကြီးပေါ်ရှိ လှိုင်သာယာအောက်ထိပ်မှတ် တိုင်မှ အောင်မြေသာယာဘုရား အနီး မြို့နယ်အားကစားကွင်း အထိ ချီတက်ဆန္ဒပြတောင်းဆို ခဲ့သည်။
‘‘တချို့အလုပ်သမားတွေက သူတို့စက်ရုံတွေမှာ ဆန္ဒပြကြလို့ ပင်ပန်းပြီး မလိုက်နိုင်တာနဲ့ တချို့ က စက်ရုံမပိတ်လို့ မလာနိုင်ကြ တာပါ။ ဘယ်လိုပဲဖြစ်ဖြစ် ကျွန်မ တို့ကတော့ ရှိတဲ့သူနဲ့ပဲ မဖြစ် ဖြစ်အောင် ဆန္ဒဖော်ထုတ်ကြမှာ ပါ’’ဟု ဆန္ဒပြပွဲတွင် လိုက်ပါ တောင်းဆိုသည့် Gallent Ocean အအေးစက်ရုံမှ အလုပ်သမား မလှလှက ပြောသည်။
ယင်းကဲ့သို့ အနည်းဆုံး အခ ကြေးငွေနှုန်းထား ထွက်ရှိမှုအပေါ် အလုပ်သမားများ စိတ်ဝင်စားမှု နည်းပါးလာရခြင်းနှင့် ပတ်သက် ၍ ဆန္ဒပြပွဲတွင် လိုက်ပါဆောင် ရွက်သော အလုပ်သမားအရေး ဆောင်ရွက်သူ ရှေ့နေဦးဌေးက ‘‘အခုလို အချိန်ကြန့်ကြာနေတဲ့ အပေါ် အလုပ်သမားတွေကတော့ ယုံကြည်မှု မရှိကြတော့တာ။ ရွေး ကောက်ပွဲနီးမှ လုပ်ပေးဖို့ များ တယ်။ အခုချိန်ကတော့ အချိန်ဆွဲ ထားတာပေါ့။ အခုဆိုရင် ၀န် ထမ်းတွေပဲ လစာနှစ်ကြိမ်တိုးနေ ပြီ။ နောက်တတိယအကြိမ် ထပ် တိုးဖို့ လွှတ်တော်က အတည်ပြု ပြီးပြီဆိုတော့ ကျွန်တော်တုိ့ အ လုပ်သမားတွေကိုလည်း အမြန် ဆုံးသတ်မှတ်ပေးဖို့ လိုအပ်နေပြီး လို့ သုံးသပ်လို့ ဆန္ဒဖော်ထုတ်ခဲ့ တာပါ’’ ဟု ဆိုသည်။
အနည်းဆုံး အခကြေးငွေ နှုန်းထားအပါအ၀င် ၁၉၅၁ ခုနှစ် ခွင့်ရက်နှင့် အလုပ်ပိတ်ရက် ပြင် ဆင်သည့် ဥပဒေအရ တနင်္ဂနွေ ပိတ်ရက်များအတွက် လုပ်ခလ စာရရှိရေး၊ အလုပ်ရှင်က အလုပ် သမားများအား တစ်ဖက်သတ် အလုပ်ထုတ်မှု ရပ်ဆိုင်းပေးရေး၊ ခုံသမာဓိကောင်စီ၏ ဆုံးဖြတ် ချက်ကို မလိုက်နာသည့် အလုပ် ရှင်များအား ထောင်ဒဏ်ချမှတ် သည့် ဥပဒေပြင်ဆင်ပေးရေးနှင့် အလုပ်သမားများ သွေးစည်းညီ ညွတ်ရေး၊ လွတ်လပ်သည့် အ လုပ်သမား အဖွဲ့အစည်းပေါ် ပေါက်ရေး၊ အဂတိလိုက်စားမှု ပပျောက်ပြီး တရားဥပဒေစိုးမိုး ရေး စသည့်အချက်ခြောက်ချက် ကို တောင်းဆိုခဲ့သည်။
အလုပ်သမားများ ဆန္ဒဖော်ထုတ်စဉ် (ဓာတ်ပုံ - အေးမြတ်သူ)
7Day Daily
No comments:
Post a Comment