ကချင်ပြည်နယ်မှာ
ဇူလိုင်လကုန်ပိုင်းလောက်အထိ မြန်မာစစ်တပ်နဲ့ ကေအိုင်အေတို့ တိုက်ပွဲတွေ
ဖြစ်ပွား လျက်ရှိပါတယ်။ ပြီးခဲ့တဲ့ဇူလိုင်လ ၁၁ ရက်နေ့က ကေအိုင်အေတပ်ရင်း
(၁၂၁) နဲ့ တပ်ရင်း(၂၇)မှ တန်ဂွန်းနဲ့ လော်ဆန်းခေါင်းဆောင်တဲ့
ကေအိုင်အေ(၃၀)ဦးခန့်ဟာ ကေအိုင်အေ နယ်ဘက်အုပ်ချုပ်ရေး တာဝန်ခံတွေနဲ့
ပူးပေါင်းပြီး အဖွဲ့ငယ်တွေဖွဲ့စည်းကာ လောင်လွင်ကျေးရွာ၊ မိုင်းနောင်၊
နမ့်လင်းပါရွာတွေမှာ ညအချိန် တိတ်တဆိတ် ၀င်ရောက်လူသစ်စုခဲ့တယ်လို့
သိရပါတယ်။ အဆိုပါလူသစ်စုဆောင်းမှုကြောင့် ကျေးရွာနေ တောင်ယာလုပ်ကိုင်သူ
ယောင်္ကျားလေး(၉)ဦးနဲ့ မိန်းကလေး(၂)ဦးတို့ကို ဖမ်းဆီးခေါ်ဆောင်ခြင်း
ခံခဲ့ရပါတယ်။
ကေအိုင်အေ(ကချင်တပ်ဖွဲ့)များအနေနဲ့
မြန်မာ့တပ်မတော်စစ်ကြောင်းများနဲ့ဝေးကွာတဲ့ ကျေးရွာတွေမှာ
ညအချိန်ဝင်ရောက်လူသစ်စုခြင်း၊ ကေအိုင်အေတပ်ဖွဲ့ဝင်လူဟောင်းတွေကို
ပြန်လည်ခေါ်ဆောင်ခြင်းဖြင့် အင်အား ဖြည့်တင်းလာတယ်လို့ သိရှိရပါတယ်။
“အခုလို
ညအချိန်မှာ ၀င်ရောက်ပြီးလူသစ်စုလို့ ကျေးရွာမှာနေတဲ့ ယောင်္ကျားလေးတွေ
ရွာထဲမှာမအိပ်ရဲ တော့လို့ တောင်ယာတဲတွေမှာ သွားအိပ်ရတယ်။ တစ်ချို့ဆို
ဒီမှာတောင် မနေတော့ဘူး၊ မြို့ပေါ်မှာ သွားရှောင်နေ ကြတယ်။
ကချင်ပြည်နယ်ကောင်းစားရေးဆိုပြီး ကချင်လူမျိုးတွေကို ဒုက္ခပေးတာတော့
မကောင်းပါဘူး။ အလုပ်ပျက်၊ အကိုင်ပျက်နဲ့ စားဝတ်နေရေးတွေလည်း အဆင်မပြေကြဘူး။
အဖမ်းခံရတဲ့ မိန်းကလေး နှစ်ယောက်ရဲ့ မိဘတွေဆို တော်တော်လေး
စိတ်ပူနေကြရတယ်။ ရင်တမမနဲ့ပဲ သူတို့ကလေးတွေ ပြန်လာတာကို စောင့်နေကြ
ရတယ်လို့ လောင်လွင်ကျေးရွာခံ ဒေါ်မရစ်ဂျာဆိုင်းမှ ပြောကြားခဲ့ပါတယ်။
No comments:
Post a Comment