Friday, September 21, 2012

လူမျိုးရေးခွဲခြားခံရမှုကြောင့် Twitter အသုံးပြုခြင်းကို မီခေးလ် ရပ်ဆိုင်းမည်

အသင်းပရိသတ်များ၏ လူမျိုးရေး ခွဲခြားတိုက်ခိုက် ခံရသည့် Messageများကြောင့် Twitter အသုံးပြုခြင်းကို ရပ်ဆိုင်းရန် ချယ်လ်ဆီး ကွင်းလယ်လူ ဂျွန်အိုဘီ မီခေးလ်က ဆုံးဖြတ်လိုက်သည်။ မီခေးလ်သည် ချန်ပီယံလိဂ် ပွဲစဉ်အဖြစ် အိမ်ကွင်းတွင် ဂျူဗင်းတပ်စ်အား ရင်ဆိုင် ကစားစဉ် အမှားတစ်ခုကြောင့် အနိုင်ရလဒ်ကို လက်လွှတ်ရစေမည့် ချေပဂိုးကို ခွင့်ပြုခဲ့ရသည်။ ထိုကိစ္စနှင့် ပတ်သက်ပြီး ပရိသတ်များက Twitterမှတစ်ဆင့် မီခေးလ်ကို တိုက်ခိုက်ဝေဖန်ခဲ့ကြသလို လူမျိုးရေး ခွဲခြားမှုများပါ ပြုလုပ်လာခဲ့ခြင်း ဖြစ်သည်။




ချယ်လ်ဆီးအသင်းသည် အစောပိုင်းက မီခေးလ် Twitter Account ဖျက်လိုက်ခြင်းနှင့် ပတ်သက်ပြီး ပရိသတ်များနှင့် ပတ်သက်ခြင်း မရှိဟု ပြောဆိုခဲ့သော်လည်း နောက်ပိုင်းတွင် လူမျိုးရေး ခွဲခြားမှု ရှိခဲ့ကြောင်း အတည်ပြုခဲ့သည်။ "Social Media တစ်ခုကို အားကိုးပြီး ခုလိုမျိုး အနိုင်ကျင့် စော်ကားလာတာမျိုးက စက်ဆုပ်စရာပါ။ မီခေးလ်ဆီ ပေးပို့ခဲ့တဲ့ Messageတွေဟာ လုံးဝ လက်ခံနိုင်စရာ မရှိပါဘူး။ ဒီကိစ္စ ရဲကို အကြောင်းကြားပြီးပါပြီ။ ခုအခြေအနေနဲ့ ပတ်သက်ပြီး အပြင်းထန်ဆုံး အဆင့်နဲ့ အရေးယူဖို့ကို ချယ်လ်ဆီးအသင်းက ထောက်ခံပါတယ်"ဟု အသင်းပိုင် Twitter စာမျက်နှာတွင် ဖော်ပြခဲ့သည်။ အသက်(၂၅)နှစ်ရှိ နိုက်ဂျီးရီးယား လက်ရွေးစင် မီခေးလ်သည် ပွဲပြီးရန် (၁၀)မိနစ် အလိုတွင် လူပေးမှားခဲ့ပြီး ထိုမှတစ်ဆင့် အီတလီ ချန်ပီယံ အသင်းက ကစားကွက် တည်ဆောက်ကာ ဒုတိယ ချေပဂိုးကို သွင်းယူသဖြင့် ချယ်လ်ဆီးတို့ အိမ်ကွင်းတွင် (၂-၂)ဖြင့် သရေကျပြီး အမှတ်ခွဲပေးခဲ့ရသည်။

From-Planet.com.mm

No comments:

Post a Comment