ရခိုင်ပြည်နယ် တောင်ကုတ်မြို့၌ တည်ဆောက်လျက်ရှိသည့် တောင်ကုတ်
တက္ကသိုလ်ကို ယခုနှစ်ကုန်တွင် ဖွင့်လှစ် သွားတော့မည်ဖြစ်ကြောင်း သိရသည်။ “
နောက် ရက် ၃၀ အတွင်းမှာ ဖွင့်လှစ်သွားမှာပါ။”” ဟု အဆိုပါ တက္ကသိုလ်တည်
ဆောက်ရေးအား တာဝန်ယူထားသည့် နေလ
သစ္စာ ဆောက် လုပ်ရေး တာဝန်ရှိသူ
ဦးကျောက်တောင်က ပြောသည်။
အဆိုပါ တက္ကသိုလ်အား ယခုနှစ် ဇူလိုင်လ ၁၅ ရက် နောက်ပိုင်းတွင်
တည်ဆောက်ခဲ့ခြင်းဖြစ်ပြီး အစိုးရထောက်ပံ့ငွေ ကျပ်သိန်း ၆ ထောင်ကျော်
ရရှိထားကြောင်းသိရသည်။ ““ အဲဒီငွေ ကိုတော့ ဘတ်ဂျက် မကုန်ခင် ရမှာပါ။
လောလောဆယ်တော့ ကျွန်တော်ကုန်ကျငွေ ၂.ရ ဘီလံယံလောက် ခန့်မှန်းထားပါတယ်။
လက်ရှိအထိ ကျွန်တော်စိုက်ထုတ်ထားတာ ၁.ရ ဘီလီယံလောက် ရှိပါပြီ”” ဟု
၎င်းကပြောသည်။ တက္ကသိုလ်တည်ဆောက်ရန် လွှတ်တော်မှ အတည်ပြုချက်ရရှိခဲ့ပြီး
ဒေသခံများမှ လှူဒါန်းထားသည့် မြေဧက ၂၁၂ ဧကပေါ်တွင် တည်ဆောက်ထားခြင်း
ဖြစ်ကြောင်းသိရသည်။ အဆိုပါတက္ကသိုလ်ကို အစိုးရမှ ဦးစီတည်ဆောက်ခြင်းမဟုတ်ဘဲ
တောင်ကုတ်ဒေသ ဖွံ့ဖြိုးရေးကော်မတီမှ ဦးစီး တည်ဆောက်ခြင်းဖြစ်ကြောင်း
တက္ကသိုလ်ဖွင့်လှစ်နိုင်ရန်အတွက် ဆရာဆရာမ ၄၁၃ ယောက်ကို တာဝန်
ချထားပြီးဖြစ်ကြောင်း ၊ ဘာသာရပ် ၈ မျိုး သင်ကြားသွားမည် ဖြစ်ကြောင်းသိရသည်။
တောင်ကုတ်မြို့မှ တက္ကသိုလ်ဝင်တန်းအောင်မြင်၍ တက္ကသိုလ်ပညာ ဆက်လက်
ဆည်းပူးလိုသူများအနေဖြင့် လက်ရှိတွင် ပြည်တက္ကသိုလ်နှင့်
စစ်တွေတက္ကသိုလ်များတွင် သွားရောက် ပညာသင်ကြား ရလျက်ရှိကြောင်း သိရသည်။
ယခုနှစ်ကုန်တွင်ဖွင့်လှစ်မည့် တောင်ကုတ်တက္ကသိုလ်သည် ရန်ကုန်မြို့မှ လာလျှင်
တောင်ကုန်မြို့အထွက်နှင့် မအီ၊ ကျောက်ဖြူမှ လာလျှင် တောင်ကုတ်မြို့အ၀င်
၌တည်ရှိကြောင်းသိရသည်။
ဥာဏ်လင်းအောင် Popular Myanmar News Journal
No comments:
Post a Comment