အောက်တိုဘာ ၁၅ ရက်နေ့က သျှမ်းညီလာခံအတွက် အကြိုအစည်းအဝေး
လာမည့်တနင်္လာနေ့မှစ၍ ‘ငြိမ်းချမ်းရေးအတွက် ယုံကြည်မှုတည်ဆောက်ခြင်း’
ညီလာခံတရပ်အားသျှမ်းတိုင်း ရင်းသားများသီးသန့်တွေ့ဆုံကာ သုံးရက်ဆက်တိုက်
ဆွေးနွေးဖလှယ် ကြမည်ဟုသိရှိရပါသည်။
“ကျနော်တို့လဲ အတွေ့အကြုံမရှိသေးဘူး။ ဒါပေမယ့် ဒီတကြိမ်အောင်မြင်သွားရင် နောက်တဆင့် ထပ်တက် မယ်။ ပြောချင်တာက ကျနော်တို့သျှမ်းအမျိုးသားအကြား ဒီအစည်းအဝေးကနေ ညီညွတ်မှုရသွားရင် သျှမ်းပြည်တဝှမ်းလုံးမှာ ရှိတဲ့တိုင်းရင်းသားအားလုံးပါဝင်လာတဲ့အဆင့်ထပ်လုပ်သွားမယ်။ ဒါ့ကြောင့် ဒီအစည်းအဝေးမှာ အလေးအနက်ထားပြီး ပါဝင်ဆွေးနွေးသွားစေချင်တယ်” - ဟု သျှမ်းတိုင်းရင်းသား များ ဒီမိုကရေစီအဖွဲ့ချုပ် ဉက္ကဌ ခွန်ထွန်းဦးကပြောပါသည်။
နိုဝင်ဘာ ၂၆ ရက်နေ့ စတင်မည့် Trust Building for Peace ‘ငြိမ်းချမ်းရေးအ တွက် ယုံကြည်မှုတည် ဆောက်ခြင်း’ သျှမ်းညီလာခံ၌ နိုင်ငံတော် ဒုတိယ သမ္မတ ဒေါက်တာစိုင်းမောက်ခမ်း တက်ရောက် အဖွင့်မိန့်ခွန်းပြောကြားမည်ဖြစ်သည်။ သျှမ်းတိုင်းရင်းသားများဒီမိုကရေစီပါတီ ဥက္ကဌ ခွန်ထွန်းဦး၊ သျှမ်းတိုင်းရင်းသားများဒီမိုကရက်တစ်ပါတီ မှ Joint Secretary လဲချားမြို့ပြည်သူ့လွတ်တော်အမတ် စိုင်းမောင်တင်၊ တိုင်းလျဲန်အမျိုးသားတိုးတက်ရေးပါတီ ဥက္ကဌ စိုင်းဌေးအောင်တို့တက်ရောက်ဟုလည်း ဆိုသည်။
“SSPP နာယက ဗိုလ်ချုပ်ဆေထဲင်၊ RCSS က ဗိုလ်မှူးချုပ်ပေါင်ခေး လဲတက်မယ်။ မိုင်းလားတပ်ဖွဲ့ကော လာမယ်။ ညောင်ရွှေစော်ဘွားရဲ့သား စဝ်ဟန်ယောင်ဟွေ့တို့လဲ တက်မယ်၊ ဒါ့အပြင် ဒေါက်တာ စိုင်းခမ်းလိတ် က အနုပညာနဲ့ ငြိမ်းချမ်းရေး ဆိုတဲ့ခေါင်းစဉ်နဲ့လဲလာဟောပြောဦးမယ်။ တခြားသျှမ်းလူမှုအဖွဲ့အစည်းက ကိုယ်စားလှယ်တွေ၊ မြို့နယ်ကိုယ်စားလှယ်တွေလဲတက်မယ်” - ဟု ပါဝင်ကူညီသူ လူငယ်တဦး ကပြောပါ သည်။
“နိုင်ငံရေးဖြစ်စေ၊ စစ်ရေးဘဲဖြစ်စေ၊ အသွင်မတူလို့ခွဲလုပ်ရပေမယ့် ဦးတည်ချက်တော့တူရမယ်။ ဘယ်သူ မဆို မိမိတိုင်းပြည်ဖွံ့ဖြိုးတိုးတက်စေချင်တယ်၊ တောင်တန်းဒေသ မြေပြန့်ဒေသ တန်းတူအခွင့်အရေးရစေချင် တာပေါ့။ တန်းတူညီမျှမှုမရှိလို့ လက်နက်ကိုင်လမ်းစဉ်ပေါ်လာတယ်။ ပြည်ထောင်စုကို နာမည်နဲ့ဘဲ မတည် ဆောက်ဘဲ တန်းတူညီမျှမှုရှိတဲ့ စစ်မှန်တဲ့ ဖက်ဒရယ်ပြည်ထောင်စုတည်ဆောက်ဖို့ အချိန်တန်ပြီ။” ဟု ပြည်သူ့လွှတ် တော်အမတ်စိုင်းမောင်တင် ကပြောပါသည်။
အဆိုပါညီလာခံအား ရန်ကုန်မြို့ ဗဟန်းမြို့နယ် ရွှေဂုံတိုင်ရှိ တော်ဝင်နှင်းဆီ ငြိမ်းချမ်းရေးခန်းမ ၌ နိုဝင်ဘာ ၂၆-၂၈ ရက် နံနက် ၉ နာရီမှ ညနေ ၅ နာရီခန့်အထိ ကျင်းပမည်ဖြစ်သည်။
from -ရှမ်းသံတော်ဆင့်
No comments:
Post a Comment