Wednesday, November 28, 2012

ကြေးနီတောင်စီမံကိန်း ဖျက်သိမ်းပေးရေး သပိတ်ကော်မတီ ဖွဲ့စည်း



စစ်ကိုင်းတိုင်း၊ မုံရွာခရိုင်၊ လက် ပန်းတောင်းတောင် ကြေးနီစီမံကိန်း ရပ်ဆိုင်းဖို့အတွက် အရှိန်အဟုန်မြင့်တဲ့ အနေနဲ့ ဒီကနေ့မှာ မုံရွာက သံဃာတော်တွေအပါအဝင် ဒေသခံလူထု (၅၀၀)ကျော်ဟာ လက်ပန်းတောင်းတောင် ကြေးနီစီမံကိန်း လုံးဝဖျက်သိမ်းရေး အထွေထွေသပိတ်ကော်မတီကို ဒီကနေ့ နိုဝင်ဘာလ ၂၇ ရက်နေ့မှာ ဖွဲ့စည်းလိုက်ပါတယ်။ 

မုံရွာကနေ ကြွလာကြတဲ့ သံဃာတွေ သပိတ်စခန်းမှာ မပူးပေါင်းခင် မနက်ပိုင်းက မုံရွာမြို့ထဲမှာ သံဃာတော်အပါး နှစ်ရာကျော်လောက် ဒီနေ့မနက်က စီတန်းလှည့်လည်ကြွချီ ဆန္ဒပြခဲ့ကြပါတယ်။ သံဃာတော်တွေဟာမနေ့က လက်ပန်းတောင်းတောင်သွားဖို့ စီစဉ်တာကို ကားရောမော်တော်တွေပါ အသုံးပြုလို့မရအောင် အာဏာပိုင်တွေကတားမြစ်ခဲ့ပါတယ်။
ဒီနေ့မနက် ဆန္ဒပြပွဲမှာ သံဃာတွေနဲ့အတူ ကျောင်းသူကျောင်းသားတွေ မြို့ခံပြည်သူတွေ ပူးပေါင်းပါဝင်ကြပြီး၊ နေ့လည်ပိုင်းမှာတော့ သံဃာတွေဟာ မုံရွာမြို့တဘက်ကမ်း လက်ပန်တောင်းတောင်ရှိရာကို ထွက်ခွါသွားနိုင်ခဲ့ကြတာပါ။
တစ်ချိန်တည်းမှာလည်း ရန်ကုန်မြို့မှာ လက်ပန်းတောင်းတောင်အရေးကို ဆန္ဒပြခဲ့ကြတဲ့ ဦးဆောင်သူ ကိုးဦးလောက်ကို အာဏာပိုင်တွေက ဖမ်းဆီးထိန်းသ်ိမ်းထားတယ်လို့ သိရပါတယ်။ ဒီအရေးနဲ့ ပတ်သက်ပြီး ပဲခူးတိုင်း အနောက်ခြမ်းက ဗမာနိုင်ငံလုံးဆိုင်ရာ ကျောင်းသားများအဖွဲ့ချုပ်၊ လူ့ဘောင်သစ် ဒီမိုကရက်တစ်ပါတီ လူငယ်တွေက ဒီကနေ့မှာ အချက်(၃)ချက်ပါ သဘောထားကို ထုတ်ပြန်ကြေညာခဲ့ပါတယ်။
အဲဒီကြေညာချက်ထဲမှာ လူထုဆန္ဒပြပွဲဟာ မိမိတို့ရဲ့ လုပ်ပိုင်ခွင့်ကို ဥပဒေနဲ့အညီ အခွင့်အရေး တောင်းဆိုတာဖြစ်တဲ့အတွက် လေးစားဖို့၊ သက်ဆိုင်ရာ တာဝန်ရှိသူတွေအနေနဲ့ တရားမျှတပြီး ပွင့်လင်းမြင်သာမှုရှိစွာ ဖြေရှင်းပေးဖို့ စတဲ့ အကြောင်းအရာတွေ ပါဝင်ပါတယ်။

RFA (မြန်မာပိုင်း)

No comments:

Post a Comment