Friday, December 21, 2012

မန္တလေးကြာနီကန်သုသာန်တွင် သေဆုံးသူအား သင်္ဂြိုဟ်ရန်ပြင်ဆင်နေစဉ် အသက်ပြန်လည်လာသည်ဟူသော သတင်းမှာမဟုတ်မှန်







မန္တလေးကြာနီကန်သုသာန်တွင် သေဆုံးသူအား သင်္ဂြိုဟ်ရန်ပြင်ဆင်နေစဉ် အသက်ပြန်လည်လာသည် ဟူသောသတင်းမှာ မဟုတ်မှန်ကြောင်း သတင်းရရှိပါသည်။
ဖြစ်စဉ်မှာ ဒီဇင်ဘာလ ၁၉ရက်နေ့က မဟာတန်းတက်ရောက်နေသူ ကျောင်းသူတစ်ဦး၏ ရုပ်အလောင်းအား သုသာန်ရောက်ပြီး သင်္ဂြိုဟ်ခါနီးအချိန်၌ မိခင်ဖြစ်သူမှ နောက်ဆုံးအနမ်း
နမ်းရှိုက်လိုက်ရာ နှလုံးခုန်နေသေးကြောင်း သိရှိရသည့်အတွက် ဆရာဝန်ဖြင့်စစ်ဆေးခဲ့ပြီး အသက်မသေသေးကြောင်း တွေ့ရှိခဲ့ ရသည်ဟု သတင်းများ ထွက်ပေါ်ခဲ့သည်။
အဆိုပါဖြစ်စဉ်နှင့် ပတ်သက်၍ အသက်ပြန်လည်လာသည်ဟု ဆိုသော မဟာတန်းကျောင်းသူအား ရပ်မိရပ်ဖများက မြို့ရွာအတွင်း ပြန်လည်နေထိုင်ခွင့် မပြုခဲ့ဟုလည်း သတင်းများ ထွက်ပေါ်ခဲ့သည်။
အဆိုပါဖြစ်စဉ်အား မြို့တော်စည်ပင်သာယာရေးကော်မတီ သန့်ရှင်းရေးဌာနခွဲမှူး ဦးစိုးတင့်အောင်က ''အခုထွက်ပေါ်နေတဲ့သတင်းက မဟုတ်ပါဘူး။ သုသာန်ကို ရောက်ပြီးမှ အသက်ပြန်လည်လာတာမျိုး မကြုံဘူးပါဘူး။အဲဒီသတင်းထွက်ပေါ်ခဲ့တဲ့ ၁၉ ရက်နေ့ကတည်းက မဟုတ်မှန်တဲ့အကြောင်း သတင်းထုတ်ပြန်ခဲ့ပါတယ်''ဟု ပြောကြားခဲ့သည်။
ယင်းဖြစ်စဉ် နာရေးအား လိုက်ပါပို့ဆောင်ကာ ရပ်မိရပ်ဖများအားမြို့တွင်းသို့ ပြန်လည်နေထိုင်ခွင့်ပြုရန် တောင်းဆိုပေးခဲ့သည်ဟု သတင်းထွက်ပေါ်ခဲ့သော မန္တလေးသိန်းဇော်ကလည်း'' ဒီဇင်ဘာ ၁၈၊၁၉၊၂၀ ရက်တွေမှာ ကျွန်တော်က ရန်ကုန်မှာ ရောက်နေတာပါ။ ကြာနီကန်သုသာန်မှာ ၁၉ ရက်နေ့က နာရေးပို့ဆောင်တယ်ဆိုတာ မဟုတ်ပါဘူး'' ဟု ပြောကြားခဲ့ပါသည်။

No comments:

Post a Comment