မြန်မာပြည်မှာ ပြည့်တန်ဆာအများအပြားရှိပါတယ်။ သို့သော်လည်း လက်ရှိဥပဒေတွေအရ ပြည့် တန်ဆာတွေဟာ တရားဝင်ရပ်တည်လုပ်ကိုင်ခွင့် မရှိပါဘူး။ပြည့်တန်ဆာအဖြစ် လုပ်ကိုင်ကြောင်း စစ်ဆေးတွေ့ရှိရင် ထောင်ကျနိုင်တဲ့အလုပ်ပါ။
သူတို့က ထောင်ကျ မခံနိုင်ပါဘူး။
ဒါကြောင့် ပြဿနာတက်လာရင် ငွေကြေးပေးပြီး ဖြေရှင်းရတဲ့ နည်းလမ်းကိုလည်းသုံးရတဲ့အတွက် သူတို့ရှာ သမျှဟာ ဥပဒေစိုးမိုးရေးအရာရှိကို လုပ်ကျွေးဖို့ ဖြစ်နေတယ်လို့ ဆိုတဲ့အသံလည်း ကြားရမှာပါ။
မြန်မာပြည်မှာ ပြည့်တန်ဆာလုပ်ငန်းကို တရားဝင်ခွင့်ပြုသင့်ပါသလား၊ သို့မဟုတ် ပြည့်တန်ဆာဆိုင်ရာ ဥပဒေကို ပြင်ဆင်သင့်ပါသလား။
ဒီမေးခွန်းများနဲ့ပတ်သက်ပြီး နိုင်ငံရေးသမားတချို့ ဖြေကြားထားချက်တွေကို စုစည်း ဖော်ပြပေးလိုက်ပါ တယ်။
(ပြီးခဲ့တဲ့နှစ်က ပြုလုပ်ခဲ့တဲ့ ဆက်သွယ်မေးမြန်းချက်များထဲက ကောက်နုတ်ဖော်ပြလိုက်တာပါ။
လက်ရှိဥပဒေက ပြည့်တန်ဆာတွေအတွက် တဘက်သတ် ဖြစ်နေတယ်၊ ဒီဥပဒေကြောင့် သူတို့တွေ ခေါင်း ပုံဖြတ်ခံနေရတယ်စသဖြင့် သုံးသပ်ထားကြတာတွေ တွေ့ရမှာ ဖြစ်ပါတယ်။)
တဘက်က မြန်မာ့ရိုးရာယဉ်ကျေးမှုရှိမယ်၊ တဘက်ကလည်း နစ်နာဆုံးရှုံးရတဲ့ ပြည့်တန်ဆာလုပ်သားတွေ ရှိမယ်။
အရေးကြီးတာက လူ့အခွင့်အရေး ဆိုတာကို ပြည့်ပြည့်၀၀ အကောင်အထည် ဖော်နိုင်ရင် ဒီကိစ္စတွေက အလိုလို အဆင်ပြေသွားမယ်လို့ မျှော်လင့်ပါတယ်။
စိုင်းသူရိန်ဦး
ပြည်နယ်လွှတ်တော်အမတ်
နမ့်ဆန်မြို့နယ် မဲဆန္ဒနယ် အမှတ် ၂
(ပြည့်တန်ဆာလုပ်ငန်းကို ဥပဒေပြဋ္ဌာန်းပြီး လုပ်ကိုင်ခွင့် ပြုတဲ့အခါ) ဥပဒေဘောင်ထဲကလုပ်ရင် ရောဂါတို့၊ ကူးစက်မှုတို့သက်သာမယ်၊ သူတို့လည်း ပိုက်ဆံများများရမယ်။ သူတို့က ဆင်းရဲလို့လုပ်စားတာ၊ ဒီဘ၀ ကျရောက်တာပေါ့။
(ဥပဒေအရ ခွင့်ပြုလိုက်ရင် အားသာချက်တွေက) ကျန်းမာရေးမှာလည်း ကောင်းတယ်။ သူတို့ကို သက်ဆိုင် ရာက စစ်ဆေးလို့ရတာပေါ့။
နောက်တချက်က သူတို့လုပ်အားခကို အပြည့်အ၀ရမယ်။
အခုက မတော်မတရားခေါင်းပုံဖြတ်တာ၊ အဲဒီ ခေါင်းကဖြတ်တာတမျိုး၊ တည်းခိုရိပ်သာတို့ ဘာတို့က ဖြတ် တာတမျိုး၊ သူတို့ တကယ့် ငွေကို သူတို့မရဘူး။
သူတို့ လုံခြုံမှုလည်းမရှိဘူး။
(ဥပဒေအရ ခွင့်ပြုလိုက်ရင် အားနည်းချက်တွေက) သိပ်မရှိနိုင်ဘူး။ ဥပဒေမပြုမှ သူတို့မတော်မတရားတွေ ခံနေရတာ၊ ရာဇ၀တ်မှုတွေ ဖြစ်နေတာ ရှိတယ်။
ဦးခင်မောင်လတ် အမျိုးသားလွှတ်တော်အမတ်
ရခိုင်တိုင်းရင်းသားများ တိုးတက်ရေးပါတီ (RNDP)
ပြည့်တန်ဆာဥပဒေနဲ့ ပတ်သက်ပြီးသိပ်တော့မှတ်ချက်မပေးလိုဘူး။ ဘာလို့လဲဆိုတော့ နိုင်ငံတော် ကလည်း ပြင်ဆင်ဖို့ အစီအစဉ် ရှိတယ်။
ပြည့်တန်ဆာဥပဒေနဲ့ ပတ်သက်ပြီး ကျနော် သိပ်မကျွမ်းဘူး။
ဦးဒီထွန်းလင်း
ကရင်ပြည်သူ့ပါတီ (KPP) ဗဟိုအလုပ်အမှုဆောင် ကော်မတီဝင်
ဥပဒေပညာရှင်တွေ သုံးသပ်ဖို့ လိုသလို၊ နိုင်ငံတကာမှာ ထုံးတမ်းစဉ်လာတွေ ရှိပါတယ်။
အမျိုးသမီးတွေအတွက်က သူတို့အတွက် အကာအကွယ်ကတော့ ရှိသင့်ပါတယ်၊ တဖက်သတ်ကြီးလိုဖြစ်နေ တာပေါ့နော်။
ဦးသက်ထွန်းမောင်
ရန်ကုန်တိုင်းဒေသကြီးလွှတ်တော်
အခွင့်အရေးချိုးဖောက်ခံနေကြရသူများအတွက် ဥပဒေကို ပြင်ဆင်ဖို့ လိုအပ်နေပြီလို့ ပြောသူက ပြောနေပါပြီ။
ဘယ်အတိုင်းအတာအထိ ပြင်ဆင်မလဲ ဆိုတာကိုတော့ လွှတ်တော်မှာ ဆွေးနွေးဆုံးဖြတ် အတည်ပြုပြီးမှ သိရမှာဖြစ်ပါတယ်။
irrawaddy blog
No comments:
Post a Comment