ရဲတပ်ဖွဲ့နှင့် လုံခြုံရေးတပ်ဖွဲ့က ဥကံ္က မြို့ပေါ်ကို ယခုအခါ ထိန်းချုပ်ထားနိုင်သော်လည်း အခြေအနေ မှာ စိုးရိမ်ရဆဲ (ဓာတ်ပုံ – Reuter)
ရန်ကုန်မြို့ မြောက်ဖက် မိုင် ၅၀ ကျော်အကွာရှိ ဥကံ္ကမြို့တွင် ယနေ့ မနက်က
လူစုလူဝေးနှင့် ဆူပူ အကြမ်းဖက်မှု ဖြစ်ပွားခဲ့ရာ ရန်ကုန်တိုင်း
ရဲတပ်ဖွဲ့နှင့် လုံခြုံရေးတပ်ဖွဲ့က မြို့ပေါ် ယခုအခါ အခြေအနေ ကို
ထိန်းချုပ်ထားကြောင်း ပြောသော်လည်း ပတ်ဝန်းကျင်ရွာများ မီးလောင်နေပြီး
ဒဏ်ရာရ သူများ ကောက်ယူရနေကာ အခြေအနေမှာ တင်းမာနေကြောင်း သတင်းရရှိသည်။
နောက်ဆက်တွဲ သတင်း ပေးပို့ချက်များအရ လုံခြုံရေးတပ်ဖွဲ့ဝင်များ မြို့ကို
လှည့်ပတ်စစ်ဆေးရာ အနည်း ဆုံး ဒဏ်ရာရရှိသူ ၁၀ ဦးကို တွေ့ရှိရသဖြင့်
ဆေးရုံသို့ ပို့ဆောင်ပေးခဲ့ကြောင်းလည်း သိရသည်။ ဥကံ္ကမြို့ခံ တဦးက ဧရာဝတီကို
ပြောဆိုချက်အရ ဒဏ်ရာရသူများတွင် အသက် စိုးရိမ်ရသူများ ပါဝင်ကြောင်းနှင့်
ဥကံ္က ဆေးရုံမှ လူနာတင်ကားများ လူနာများ လွှဲပြောင်းပေးခဲ့ကြောင်း
ဆိုသည်။ MRTV မှ ထုတ်လွှင့်သော သတင်းက ၈ ဦး အခြေအနေ မစိုးရိမ်ရဟု ဆိုသည်။
သတင်းအသေးစိတ်ကို မသိရှိရသေးပေ။
ရဲတပ်ဖွဲ့က အခြေအနေကို ထိန်းချုပ်ထားနိုင်သည်ဆိုသော်လည်း
ဥက္ကံမြို့အတွင်း ရောက်ရှိနေသော ဧရာဝတီသတင်းထောက်များ၏ မျက်မြင်အရ တုတ်ဓားဆွဲကိုင်ထားသောသူများ ရှိနေကြောင်း၊ အခြေအနေ မှာ အန္တရာယ်ရှိကြောင်း
သိရသည်။
ထို့ပြင် ဥကံ္ကမြို့ ပတ်ဝန်းကျင်ရှိ ပနီပင်၊ ဒိန်ချောင်း၊ ချောက်သဲ
ရွာများ ညဦးတွင် မီးလောင်ပြီး မီးသတ် တပ်ဖွဲ့က သွားရောက်
ငြှိမ်းသတ်ရကြောင်း၊ ရွာများ မီးလောင်သဖြင့် မီးဘေးနှင့် အသက်ဘေးမှ လွတ်ရာ
ဥကံ္ကမြို့ပေါ်သို့ တက်လာကြကြောင်း၊ မြို့ပေါ်တွင်လည်း လူတိုင်းက မီးလောင်မည်
စိုးရိမ်နေ ကြကြောင်း ဒေသခံများက ဆိုသည်။
ပုဒ်မ (၁၈၈) အမိန့်ထုတ်ပြန်လိုက်ကြောင်း၊ ဥက္ကံမြို့နယ် အုပ်ချုပ်ရေးမှူးက လိုက်လံကြေငြာနေကြောင်း RFA သတင်းတပုဒ်က ရေးသည်။
ယခုအခါ ရန်ကုန်အခြေစိုက် သတင်းထောက်များ ဥကံ္ကမြို့သို့ သတင်းယူရန် ရောက်ရှိနေပြီ ဖြစ်သည်။
ရွှေညဝါဆရာတော်သည်လည်း ဥက္ကံမြို့သို့ ယနေ့ နေ့လည်ပိုင်းတွင် ရောက်ရှိပြီး မြို့တွင်းလှည့်လည်ကာ ငြိမ်းချမ်းရေးတရားများ ဟောကြားခဲ့သည်။
From....ဧရာဝတီ
No comments:
Post a Comment