အမျိုးဘာသာ ခိုင်မြဲရာ

ကမ္ဘာ့နိုင်ငံအသီးသီးတို့တွင် လူမျိုး နှင့်ဘာသာဟူ၍ သူတို့ယုံကြည်မှု ဖြင့် သူတို့ရှိနေကြသည်မှာ လူတိုင်း သိမြင် ကြပါမည်။ ထို့အတူ ကျွန်ုပ်တို့ မြန်မာ နိုင်ငံတော်ကြီး မှာလည်း မြန်မာ ဆိုသော အမျိုးအနွယ် တို့သည် ဗုဒ္ဓဘာသာ ကို ယုံကြည် ကိုးကွယ်လျက် ရှိသော ထေရ၀ါဒ ဗုဒ္ဓ သာသနာ ထွန်းတောက်ရာ နိုင်ငံကြီး တစ်ခု ဖြစ်ပေသည်။
ယနေ့ အချိန်သည် အမျိုးသားရေး မျက်စိဖွင့်ကာ အမျိုးဘာသာ ၊ သာသနာတော် ကို တည်ဆောက် သွားကြရမည့် ကာလ ဖြစ်လေသည်။ အဘယ့်ကြောင့် ဆိုသော် ကျွန်ုပ်တို့ မြန်မာ နိုင်ငံတော် ကြီးကို တိုင်းတစ်ပါး သားမှ ဘာသာ ၊ ယဉ်ကျေးမှု တို့က ခြေချ နေရာယူ နေပြီ ဆိုတာကို စာဖတ်သူတို့ မျက်မြင် ဖြစ်ပါသည်။ ဥပမာ - တိုင်းတစ်ပါး ၀တ်စား ဆင်ယင်မှု ၊ တိုင်းတစ်ပါး ယဉ်ကျေးမှု နှင့် ဗုဒ္ဓဘာသာ မဟုတ်သော အခြား ဘာသာတို့က တရွေ့ရွေ့ တိုးဝင် နေရာယူ နေသည်ကို သိမြင် ကြပါလိမ့်မည်။

အခြား ဘာသာတို့သည် ကလေးငယ် များကိုပါ လက်ဆွဲ၍ သူတို့ ဘုရားကျောင်း ကို သွားကြ လေသည်။ ကျွန်ုပ်တို့ ဗုဒ္ဓဘာသာ ၀င်တွေ ကတော့ " ဟာ ... ကလေးတွေ ဘုန်းကြီးကျောင်း မှာ ရှုပ်ပါတယ် ၊ တော်ရာမှာ ဆော့ ကစားနေပါ .... " ဟု လူကြီး တော်တော် များများ ပြောလေ့ ရှိကြပါသည်။ ထိုအချက်မှာ လွဲမှားသော အတွေးအခေါ် ဟု ဆိုရပါမည်။ ငယ်စဉ် ဘ၀ ကတည်းက ဗုဒ္ဓဘာသာ စာပေ ယဉ်ကျေးမှု တို့ကို ခေါင်းထဲ ရိုက်မသွင်း ခဲ့တာကြောင့် ထိုကလေးများ ကြီးပြင်း လာသော အခါတွင် မိမိတို့ ဘာသာ လူမျိုး အတွက် စိုးရိမ်စရာ ဖြစ်လာ ရလေသည်။ ယခုမှာပင် ကျွန်ုပ်တို့ မျက်ဝါး ထင်ထင် တွေ့မြင် နေရတာတွေ တင်ပြရလျှင် အသက် ၅၀ ၀န်းကျင် တို့သည် လူကြီးပိုင်းကို ရောက်နေပြီဟု ဆိုရပါမည်။ သို့ရာတွင် ထို လူကြီး အမျိုးသား အမျိုးသမီး တို့ကား မိမိတို့ ဘာသာ ယဉ်ကျေးမှု ဓလေ့စရိုက် တို့ကို သေချာ ကျနစွာ မသိလေတော့ သားသမီးငယ် လူငယ် လူရွယ်များကို မဆုံးမ ၊ မသွန်သင် နိုင်ကြပါဘဲ အမြင် မတော်သော ၀တ်စား ဆင်ယင်မှု ၊ အမူအကျင့် ၊ အပြောအဆို တို့မှာ ရိုင်းပျ ကြမ်းတမ်း ကြပါလေ သည်။ ကိုယ့်အထက် ကြီးသော လူကြီးသူမ များထံဝယ် ချည်းကပ် ဆည်းပူး လေ့လာမှု အားနည်း ကြရလေသည်။ ဒါကြောင့် အနာဂတ် ကာလတွင် အမျိုး ဘာသာ အတွက် အလွန်မှ စိတ်မအေး နိုင်စရာများ တွေ့နေရမည် ဖြစ်ပေသည်။

ဤနေရာတွင် အမရပူရ ၊ မဟာဂန္ဓာရုံ ဆရာတော် အရှင်ဇနက ဘိဝံသ ၏ ကဗျာလေး တစ်ပုဒ်က ဤသို့ ဆိုထား ပါသည်-

မျိုးဆက်သစ် များသို့ မှာတမ်း

အိုးမဖုတ်ခင် အိုးလုပ်စဉ်ဝယ်
အိုးတွင်နှိပ်ခတ် တံဆိပ်မှတ်က
မပြတ်မစဲ အိုးပင်ကွဲလည်း
အမြဲတစေ တည်ရှိနေသို့
ထွေထွေသွေးသား ကလေးများ၌
ဘုရားတံဆိပ် ဘာသာစိတ်ကို
ခပ်နှိပ်နိုင်မှ သက်ဆုံးကျအောင်
ဗုဒ္ဓ၀ါဒီ စွဲ၍တည်မည်
ကိုယ်စီခတ်နှိပ် စေသတည်း ။

ဟူသော ဆရာတော် ဘုရားကြီး ၏ ကဗျာသည် ဗုဒ္ဓဘာသာ မြန်မာ ကလေးများကို ငယ်စဉ် ကာလ ကတည်းက ရင်ထဲ နှလုံးသားထဲ မှာ ဘာသာစိတ် တို့ တည်ကိန်း နေရေး အညွှန်းပြု ထားခြင်း ဖြစ်ပါသည်။ ကလေးငယ် များကို ယခုကာလ ကတည်းက ဗုဒ္ဓဘာသာ ယဉ်ကျေးမှု စာပေ ၊ မင်္ဂလာ တရား သင်တန်း တို့မှ သင်ကြား လေ့လာ စေဖို့ လိုပါသည်။

၁၄-၃-၂၀၁၃ ရက်နေ့က ဓမ္မစကူးလ် ဖောင်ဒေးရှင်း နှစ်ပတ်လည် အခမ်းအနား မှာလည်း ခေတ္တ မြန်မာ ပြည် ရောက် ပီနံ ဆရာတော်ကြီး နှင့် ဆရာတော် သံဃာတော် တို့ကလည်း မိန့်ကြား ခဲ့ကြရာမှာ ဘာသာစာပေ မသိသော ကလေးတို့အား ဘာသာစာပေ ယဉ်ကျေးမှု အဖြစ် လေ့လာ သင်ကြား နိုင်ရေးကို ဆိုထားရာမှာ ဘာသာ ပျောက်လျှင် လူမျိုး ပျောက်နိုင်ပါသည်။ လူမျိုး ပျောက်လျှင် နိုင်ငံပါ ထိပါး ပျက်စီး သွားစေနိုင် ပါသည်။ ကိုယ့်နိုင်ငံ ကိုယ့်လူမျိုး တို့ကလည်း သူတစ်ပါးသော ယဉ်ကျေးမှု ကိုမှ အထင်ကြီး အလေးထား ၊ မြန်မာနိုင်ငံ ရဲ့ နေရာ တော်တော် များများ မှာ အမြင်မတော် ကြည့်မကောင်းသော အပြုအမူ ၀တ်စားမှု တို့ကို တွေ့မြင် နေရပါသည်။ ကိုယ့်ဘာသာ ကိုယ့်လူမျိုးကို စော်ကား နေသကဲ့သို့ ယူဆ ရပါသည်။ ခေတ်မီတာတော့ ကောင်းပါ သည်။ ခေတ် ဆန်ပြီး လော်လီ တာကတော့ သရုပ်ပျက် စေပါသည်။ ကိုယ့်ဘာသာ ကိုယ့် ယဉ်ကျေးမှု ကို မျက်ကွယ်ပြု ထားသူတို့ သည် စင်စစ် ပြောရလျှင် အမျိုးဖျက် သူများ ဖြစ်သည်ဟု ထင်မိ ပါသည်။

တိုင်းတစ်ပါး ယဉ်ကျေးမှု ၀တ်စား ဆင်ယင်မှု တို့သည် မြန်မာမှု မဟုတ်ပါ။ ကျွန်ုပ်တို့ မြန်မာနိုင်ငံ တွင် မြန်မာမှု ဓလေ့ ထုံးတမ်း စဉ်လာ ဟူသော ဆိုရိုးစကား နှင့် အညီ မြန်မာ့ ယဉ်ကျေးမှု ၊ ၀တ်စား ဆင်ယင် ထုံးဖွဲ့မှု တို့မှာ လွန်ခဲ့သော နှစ် တစ်ထောင်ကျော် ပုဂံခေတ် ကတည်းက ရှိနေပြီ ဖြစ်ပါသည်။ အမျိုး ဘာသာ သာသနာ နှင့် ဆီလျှော်သော အမျိုးဂုဏ် ကို ဖော်ဆောင်သော ယဉ်ကျေးမှု တို့ မဆိတ်သုန်း ရလေအောင် ဘာသာ တရားကို လက်ကိုင် ထား ပြုမူ နေထိုင် သွားကြဖို့ ရာမှာ မြန်မာလူမျိုး တို့တွင် တာဝန်ရှိ သကဲ့သို့ ရင်ထဲ အသည်းထဲ နှလုံးထဲမှာပါ ငါတို့သည် ဗုဒ္ဓဘာသာ သာကီဝင်နွယ် တွေပါလား ဆိုသည့် မျှော်ထောက်ရှု ဖို့အတွက် မြန်မာ တစ်မျိုးသား လုံးတို့၏ အရေးပင် ဖြစ်ပါသည်။

ဆရာဇော်ဂျီ ကလည်း ဒီနေရာမှာ ဘာသာ နှင့် လူမျိုးကို မီးမောင်း ထိုးပြသည့် ကဗျာလေး တစ်ပုဒ်မှာ အမျိုးသားရေး စိတ်ဓာတ် ထားရှိ စေရန် နှင့် ခိုင်မြဲ တည်ကြည်သော ဗုဒ္ဓ ဘာသာဝင် များ ဖြစ်စေဖို့ ကို ရည်ညွှန်း ဖော်ပြ ထားပါသည်။ " မသေခင် မိမိတို့ ဘာကို ပြုခဲ့မည်နည်း " ဟုလည်း ရည်ရွယ် ထားပါသည်။

သင်သေသွားသော်

လူ့ပြည်လောက လူ့ဘ၀ကား
အိုရနာရ ဦးမည် မှန်ပေတည့်
သို့တပြီးကား
သင်သေသွားသော်
သင်ဖွားသောမြေ သင်တို့မြေသည်
အခြေတိုးမြှင့် ကျန်ကောင်းသင့်၏ ။
သင်၏ အမျိုးသား စာစကားလည်း
ကြီးပွား တိုးမြှင့် ကျန်ကောင်း သင့်၏ ။
သင်ဦးချ၍ အမျှေ၀၇န် စေတီသာနှင့်
သစ္စာ အရောင် ဥာဏ်တန်ဆောင်လည်း
ပြောင်လျှက် ၀င်းလျှက် ကျန်စေ သတည်း ။ ။

( ဆရာဇော်ဂျီ )

အချုပ် ဆိုရပါလျှင် မြန်မာ တစ်မျိုးသား လုံးသည် ခေတ်မီ ဖွံ့ဖြိုး တိုးတက်ရန် အမှန် လိုပါသည်။ သို့ရာတွင် ခေတ်ဆန်သည် ဆိုသည်ထက် ခေတ်ကို လော်လည်ခြင်း မဖြစ်သင့်ပါ။ တိုင်းတစ်ပါး ၏ ၀တ်စား ဆင်ယင်မှု ယဉ်ကျေးမှု တို့သည် မြန်မာ ရိုးရာဓလေ့ ထုံးတမ်း ယဉ်ကျေးမှု အမွေ မဟုတ်ပါ။ မိမိ ဘာသာ စာပေ ယဉ်ကျေးမှု တို့ကို အမျိုးသားရေး မျက်စိဖြင့် ရှုမြင် သုံးသပ်ကာ ၀ံသာနု ရက္ခိတ တရားတည်း ဟူသော အမျိုး ဘာသာ သာသနာ ကို စောင့်ရှောက် သွားနိုင်မည့် မျိုးဆက်သစ် လူငယ်များကို လက်ဆင့်ကမ်း သင်ကြား ပို့ချ ပေးသွားရန်မှာ အရေးကြီး သကဲ့သို့ ဓမ္မစကူးလ် ကျောင်းများ ကိုလည်း ၀ိုင်းဝန်း ပံ့ပိုး ကူညီ ပေးသွား နိုင်ကြ ပါစေရန် တိုက်တွန်း ရေးသား လိုက်ရပါသည်။

http://winzaw-mdy.blogspot.com/2013/05/blog-post.html

 
( ရွှေတိုင်လွင် )