တရုတ်-မြန်မာချစ်ကြည်ရေး အစီအစဉ်အရ တရုတ်နိုင်ငံဗုဒ္ဓဘာသာအသင်းမှ ပေးပို့လှူဒါန်းသည့် ဗုဒ္ဓမြတ် စွယ်တော်ပွားသုံးဆူအား မူဆယ်၊ မန္တလေး၊ နေပြည်တော်နှင့် ရန်ကုန်စသော မြို့ကြီးလေးမြို့၌ လှည့်လည် အပူဇော်ခံသွားမည်ဟု သာသနာရေးဝန်ကြီးဌာနမှ သိရသည်။
တရုတ်ဗုဒ္ဓဘာသာအသင်းအနေဖြင့် အဆိုပါ ဗုဒ္ဓစွယ်တော်ပွားစေတီသုံးဆူအား တရုတ်-မြန်မာနယ်စပ်ရှိ မူဆယ်မြို့နှင့် အခြားမြို့များတွင် ပူဇော်နိုင်ရန်အတွက် သာသနာရေးဝန်ကြီးဌာနသို့ ပေးပို့လှူဒါန်း ခဲ့ခြင်းဖြစ်ပြီး ဇွန်လ ၁ဝ ရက်နေ့တွင် တရုတ်-မြန်မာနယ်စပ် မူဆယ်မြို့သို့ ရောက်ရှိမည်ဖြစ်ကြောင်း၊ ၄င်း စွယ်တော်ပွားစေတီတော်သုံးဆူအား မူဆယ်ရှိ ဂျယ်ဂေါမနောကွင်းအတွင်း တစ်ရက်တာ အပူဇော်ခံ ထားရှိမည်ဖြစ်ပြီး ဇွန်လ ၁၁ ရက်နေ့မှစတင်၍ မန္တလေး၊ နေပြည်တော်နှင့် ရန်ကုန်မြို့များသို့ လှည့်လည် အပူ ဇော်ခံသွားမည်ဖြစ်ကြောင်း ထပ်မံသိရသည်။
ပုံစာ-တရုတ်နိုင်ငံရှိ ဗုဒ္ဓမြတ်စွယ်တော်
သူရထွန်း
Popular Myanmar News Journal
No comments:
Post a Comment