ရှမ်းပြည်နယ် ( အရှေ့ပိုင်း ) တစ်ခွင်လုံး နှင့် ကမ္ဘာသူ ကမ္ဘာသား ၊ နိုင်ငံသူ နိုင်ငံသား များအား ဗုဒ္ဓ သာသနာတော် ထွန်းကား ပြန့်ပွားစေခြင်း ၊ ငြိမ်းချမ်း သာယာ စေခြင်း ၊ စားနပ် ရိက္ခာ ပေါကြွယ်ဝ စေခြင်း စသော အတိတ်နိမိတ်ကောင်းများကို ဆောင်ကြဉ်းပေးသော ကျိုင်းတုံမြို့ ၏ ကျက်သရေဆောင် ခေမာရဋ္ဌ ဗျာဒိတ်တော်ပေး ရပ်တော်မူ ဘုရားကြီး အား မြန်မာသက္ကရာဇ် ၁၃၆၀ ပြည့်နှစ် ၊ တပို့တွဲ လပြည့်နေ့ တွင် ( ခြေဖ၀ါး တော်မှ ဦးခေါင်းတော် အထိ ) ဥာဏ်တော် အမြင့် ၆၇ ပေ ၊ ၆ လက်မ ၊ ကြာပလ္လင် အမြင့် ၇ ပေ ၊ ရှစ်ထောင့် ပန်းတင်ခုံ အမြင့် ၆ ပေ ၆ လက်မ ၊ အထက် ပစ္စယံ အမြင့် ၃ ပေ ၊ ရင်ပြင်တော် အမြင့် ၆ ပေ ၊ နဖူး သင်းကျစ်တော် အလျား ၁၈ လက်မှ ဖြင့် ဘုရားကြီးအား ကျိုင်းတုံမြို့ ၏ ဗဟို အချက်အခြာ စွမ်ဆပ် ကုန်းတော်ကြီး တွင် တည်ထားကိုးကွယ်ကာ စေတနာရှင် အလှူရှင် အပေါင်း တို့၏ ကုသိုလ်ကံ စေတနာ တို့ကြောင့် ၂၀၀၆ ခုနှစ် ၊ ၂၀၀၇ ခုနှစ် နှင့် ၂၀၀၈ ခုနှစ်များတွင် ရွှေသင်္ကန်းများ ကပ်လှူ ပြုပြင် ပူဇော် ခဲ့ပြီး ဖြစ်ကြောင်း သိရသည်။
သို့ပါသောကြောင့် အနယ်နယ် အရပ်ရပ် မှ ကုသိုလ်ရှင် ၊ စေတနာရှင် များအနေဖြင့် ခေမာရဋ္ဌ ဗျာဒိတ်တော်ပေး ရပ်တော်မူ ဘုရားကြီး ရွှေသင်္ကန်း ကပ်လှူပွဲတွင် ပါဝင်လှူဒါန်း နိုင်ရန် ဂေါပကအဖွဲ့ ဖုန်း ၀၈၄- ၂၂၄ ၉၃ သို့ ဆက်သွယ် လှူဒါန်း နိုင်ကြောင်း နိဗ္ဗာန် အကျိုးမျှော်၍ နှိုးဆော် ထားကြောင်း သိရှိရသည်။
The Myawady Daily News
No comments:
Post a Comment