မြန်မာနိုင်ငံအတွင်း၌ ကျေးရွာပေါင်း ၆၄၀၀၀ ကျော်ရှိပြီး ကျေးရွာပေါင်း
လေးသောင်းကျော်မှာ လျှပ်စစ်မီး မရရှိသေးသည့်အတွက်
နိုင်ငံတကာအကူအညီများဖြင့် စီစဉ်ဆောင်ရွက်နေကြောင်း မွေးမြူရေး၊ ရေလုပ်
ငန်းနှင့်ကျေးလက်ဒေသဖွံ့ဖြိုးရေးဝန်ကြီးဌာန၊ ကျေးလက်ဒေသ
ဖွံ့ဖြိုးတိုးတက်ရေးဦးစီးဌာနမှ ဒုတိယ ညွှန်ကြားရေးမှူးချုပ် ဦးမြင့်ဦးက
ပြောကြားပါသည်။
" လျှပ်စစ်မီးရရှိဖို့အတွက် ကျေးရွာပေါင်း လေးသောင်းကျော် ကျန်သေးတယ်။
နိုင်ငံတကာက မီးလင်းရေးနဲ့ ပတ်သက်တဲ့ အကူအညီများနဲ့
မီးလင်းဖို့ဆောင်ရွက်နေပါတယ်။ တိုင်းဒေသကြီးနဲ့ ပြည်နယ်အားလုံးမှာ
လျှပ်စစ်မီးရဖို့ ကျန်နေသေးတယ် " ဟု ဒုတိယညွှန်ကြားရေးမှူးချုပ်
ဦးမြင့်ဦးက ပြောပါသည်။
" အရင်တုန်းက ကျွန်တော်တို့ရွာမှာ ဒီဇယ်အင်ဂျင်
လျှပ်စစ်မီးပေးတဲ့သူရှိတယ်။မီးပေးတဲ့သူက တစ်ရွာ လုံးကို လုံလုံလောက်လောက်
မပေးနိုင်ဘူး။ ဘာမှအဆင်မပြေဘူး။ အဲဒီ မီးပေးတဲ့သူက တစ်လကြာအောင်
မပေးနိုင်ဘူး။ အရင်းပြုတ်သွားတယ်။ ဘာပဲဖြစ်ဖြစ် လျှပ်စစ်မီးလေးရရင်
ကျွန်တော်တို့ အတွက် အဆင်ပြေတာပေါ့။ ရွာသာယာတာပေါ့။ ဖယောင်းတိုင်သုံးရတာက
ငွေပိုကုန်တယ်။ လျှပ်စစ်မီးလေးတော့ လိုချင်တယ် " ဟု ပဲခူးတိုင်းဒေသကြီး၊
သဲကုန်းမြို့နယ်၊ ကွင်းကြီးကျေးရွာမှ ကိုမျိုးထက်က ပြောပါသည်။
ပြည်ထောင်စုအစိုးရအဖွဲ့မှ ကျေးလက်ဒေသဖွံ့ဖြိုးတိုးတက်ရေးလုပ်ငန်းများကို
ဆောင်ရွက်ရန် သက်ဆိုင်ရာဝန်ကြီးဌာနအား ငွေကျပ်သန်း ၇၅၀၀၀
ယခုဘဏ္ဍာရေးနှစ်အတွင်း ချထားပေးသည်ဟု သိရသည်။
Eleven
No comments:
Post a Comment