Friday, January 10, 2014

စိတ်ကြွဆေးပြားသိန်းလေးဆယ်ဖိုးဖမ်းဆီးရမိ

လားရှိုးမြို့ရှိ မူးယစ်တပ်ဖွဲ့စု(၂၄)မှ တပ်ဖွဲ့ဝင်များသည် ဟိုပိတ် အေးရှားဝေါလ်တိုးဂိတ်တွင် ဆိုင်ကယ်ဖြင့် မူးယစ်ဆေးဝါများ သယ်ဆောင်လာသူများကို ဇန်န၀ါရီ ၉ ရက်တွင် ဖမ်းဆီးရမိခဲ့ကြောင်း သိရသည်။
ဖြစ်စဉ်မှာ လားရှိုး မူးယစ်တပ်ဖွဲ့စု(၂၄)မှ ရဲအုပ် ငြိမ်းချမ်းစိုး ဦးစီးအဖွဲ့သည် မူဆယ်ဖက်သို့အထွက် ဟိုပိတ်အေးရှားဝေါလ် တိုးဂိတ်တွင် သတင်းအရ သက်သေများနှင့်အတူ စောင့်ဆိုင်းနေစဉ် ကွတ်ခိုင်ဖက်မှ လားရှိုးသို့ မောင်းနှင်လာသော CZI Trsta -125ဆိုင်ကယ်အား ရပ်တန့်ရှာဖွေရာ ဆိုင်ကယ်ဂွကြားတွင် တင်ဆောင်လာသော Sound Boxအတွင်း၊ အပြာရောင် ကပ်ခွာအိတ်ဖြင့် ထည့်လျက် 88နှင့်1စာတမ်းတဖက်စီပါ ပန်းရောင် စိတ်ကြွရူးသွပ် ဆေးပြားနှစ်ရာပြားပါ ဆယ်ထုပ်၊ စုစုပေါင်းဆေးပြား(၂၀၀၀)ပြား၊ အလေးချိန်(၁၈၀)ဂရမ်၊ တန်ဖိုးငွေကျပ်သိန်းလေးဆယ်တန်ဖိုးရှိ ဆေးဝါးများကို သယ်ဆောင်လာသူများနှင့်အတူ ဖမ်းဆီးရမိခဲ့ကြောင်း သိရသည်။
အဆိုပါဆေးဝါးမျာအား ရောင်းချရန်နှင့် သုံးစွဲရန် သယ်ဆောင်လာသူအိုက်မောင်း(၁၈)နှစ်၊ (ဘ)ဦးအိုက်စိုင်းနားဆိုင်းရွာ၊ နမ္မတူမြို့နယ်၊ ကျောက်မဲခရိုင်နေသူနှင့် အိုက်မြင့်(၁၈)နှစ်(ဘ)ဦးအိုက်နွန်ျန်းရွာ၊ ကွတ်ခိုင်မြို့နေသူတို့အား လားရှိုးနယ်မြေ ရဲစခန်း မယ(ပ)၅/၂၀၁၄၊ မူးစိတ်ပုဒ်မ-၁၅/၁၉(က)/၂၁- အရ အမှုဖွင့်အရေးယူ ဆောင်ရွက်လျက်ရှိကြောင်း ရဲမှတ်တမ်းအရ သိရသည်။

စိုးမင်းနိုင်
မြန်မာ့ခေတ်

No comments:

Post a Comment