" ပြည်ထောင်စုစိတ်ဓာတ်နှင့် ပြည်ထောင်စု နှလုံးသား "

တစ်မျိုးသားလုံး အစွမ်းကုန်ညီညွတ်ကြပါ
" တစ်တိုင်းပြည်လုံးကြီးပွားစေလိုရင် လူအား၊ ငွေအား၊ ပစ္စည်းအားနဲ့ စုပေါင်းပြီး အင်တိုက်၊အားတိုက် လုပ်နိုင်မှအကျိုးခံစား ခွင့်ရှိကြမှာပဲ၊ဗမာကတစ်မျိုး၊ကရင်ကတစ်ဖုံ၊ရှမ်း၊ကချင်၊ချင်းက တခြားအကွဲကွဲ အပြားပြားလုပ်နေကြရင် အကျိုး ရှိမှာ မဟုတ်ဘူး၊စုပေါင်းမှသာအကျိုးရှိနိုင်တယ်။" 

ဗိုလ်ချုပ်အောင်ဆန်း
(ပင်လုံစော်ဘွား ညစာစားပွဲမိန့်ခွန်းမှ
၁၉၄၇.၂.၁၁)

မြန်မာပြည်တွင် နေထိုင် ကြသော ပြည်ထောင်စုဖွား တိုင်း ရင်းသား လူမျိုးများသည် ငြိမ်းချမ်းအေးမြစွာ အတူတကွ နေထိုင်လျက် ရှိကြသည်။ ငြိမ်းချမ်းအေးမြစွာ အတူတကွ ရှင်သန်နေထိုင်ကြပြီး ကူညီရိုင်း ပင်းကြသည့် ပြည်ထောင်စု စိတ်ဓာတ်ဖြင့် ပြည်ထောင် စု ဖွား တိုင်းရင်းသားလူမျိုး များ၏ နှလုံးသားတို့ လှပလျက်ရှိ ကြသည်။ စည်းလုံးညီညွတ်မှု အင်အားသည် ပြည်ထောင်စုဖွား တိုင်းရင်းသားလူမျိုးတို့၏ သန့်စင်သော နှလုံးသား ၊ လက်ထဲတွင် ရှိသည်။

" ၂၁ရာစု ပင်လုံလို့ ကျွန်မတို့ပြောတာ ဘာရည်ရွယ်ချက် နဲ့ပြောတာလဲ သိပ်ပြီးတော့ သဘောပေါက်ပုံမရဘူး။ အဓိက ရည်ရွယ် ချက်ကတော့ စစ်မှန်တဲ့ ပြည်ထောင်စု စိတ်ဓာတ် တစ်ခုကို မွေးမြူဖို့ဖြစ်ပါတယ်။ စစ်မှန်တဲ့ ပြည်ထောင်စု စိတ် ဓာတ်ဆိုတာ အခြေခံအားဖြင့် ဘာလဲဆိုတော့ ကျမတို့ ကြားထဲမှာ မတူညီတဲ့ဟာတွေဘာပဲ ရှိရှိ ဒီမတူညီမှုတွေ အပေါ်မှာ အခြေခံပြီး ညီညွတ်မှု ရအောင် လုပ်နိုင်တယ်ဆိုတဲ့ စိတ်ဓာတ်ကို ပင်လုံ စိတ်ဓာတ်လို့ ကျွန်မပြောချင်တယ်"

ဒေါ်အောင်ဆန်းစုကြည်
(Aung San Suu Kyi)
(ဖို့ဝိန်း၊အမေရိကန် ပြည်ထောင်စု)
(၂၅-၉-၂ဝ၁၂)

ပြည်ထောင်စု စိတ်ဓာတ် မွေးမြူကြဖို့ လိုအပ်ပါသည်။ ပင်လုံစိတ်ဓာတ်ရှိဖို့ လိုအပ်ပါသည်။အားလုံး စည်းလုံး ညီညွတ်မှ ပြည်ထောင်စုကြီး အဓွန့် ရှည်ကြာ တည်တံ့ခိုင်မြဲမည် ဖြစ်ပါသည်။

ဖက်ဒရယ်ဆိုသည်မှာ သဘောတူညီသည့် စာချု့ပ်ဟု အဓိပ္ပါယ်ရပါတယ်။ ဖက်ဒရယ်စနစ်မှာ လက်တင်ဘာသာစကား ‘foedus’ မှဆင်းသက်လာပြီး သဘောတူညီမှု “covenant” ဟု အဓိပ္ပာယ် ထွက်ပါသည်။ နှစ်ဦး နှစ်ဖက်သဘောတူညီမှုဖြင့် အပြန်အလှန် လေးစား အသိ အမှတ်ပြုမှုကို အခြေခံ၍ နိုင်ငံတစ်ခုကို အတူတကွ ပူးပေါင်း
တည်ဆောက်ကြခြင်းပဲ ဖြစ် သည်။ ဖက်ဒရယ် ပြည်ထောင်စု စနစ်မှာ တစ်ဦးတစ်ဖွဲ့ချင်း အသိအမှတ်ပြုခြင်းနှင့် ခွဲခြားမရဘဲ တစည်းတလုံးတည်းတန်းတူရည်တူ ဖြစ်မှုဟာ တပြိုင်နက်တည်း တည်ရှိနေပါ သည်။ (Individual indentity and Integrity) အတူတကွ ပူးပေါင်းပါဝင်တည်ဆောက် နေကြသူအားလုံးက ငါတို့အတူ တကွ
ပူးပေါင်းနေထိုင်ကြပါစို့ ဟု မိမိတို့၏ ဆန္ဒသဘောထားကိုအလို အလျှောက် ဖော်ထုတ်ကြသည်။ ဖက်ဒရယ် ပြည်ထောင်စု တည်ဆောက်ရာ မှာ ကောင်းမြတ်မှန်ကန်တဲ့ စိတ်ဆန္ဒ (good will) ကို အလိုအလျှောက်ကိုယ့်သဘောနှင့်ကိုယ် (voluntarily) ပါဝင်ဆောင်ရွက်ရန် သဘောတူညီ ကြရပါသည်။

" ဖက်ဒရယ် ကိစ္စနှင့်ပတ်သက်၍ အချို့က ခွဲထွက် ခွင့်ရှိသည်ဟုဆိုခြင်းကို ဖက်ဒရယ်ဟု ယူဆနေကြကြောင်း၊ အချို့ကလည်း ဖက်ဒရယ်ဟု ဆိုလျှင် ခွဲထွက်မည်ဟု ထင်နေ ကြကြောင်း၊ဖက်ဒရယ် ဆိုသည် မှာ ခွဲထွက်ရန် မဟုတ်ပါ ကြောင်း၊ ပေါင်းစည်းနေထိုင်၍ အာဏာ ကို ခွဲဝေသုံးစွဲရန် ဖြစ်ပါ ကြောင်း၊ အမေရိကန်ပြည်ထောင်စု ပင်လျှင်
တစ်ခုတည်းသော အမေရိကန် တပ်မတော်သာ ရှိပါကြောင်း၊ စုစည်းပေါင်းစု နေထိုင်ကာ အာဏာဖြန့်ဝေ သုံးစွဲ၍ ကျင့်သုံးဆောင်ရွက်နေ သည်ကို တွေ့ရှိရပါကြောင်း၊

ဒီမိုကရေစီဆိုသည်မှာ ကျင့်စဉ် ဖြစ်ပြီး မိမိတို့နိုင်ငံဖွံ့ဖြိုးတိုး တက်ပြီး တည်ငြိမ်အေးချမ်းရန် အတွက် အားလုံးပါဝင် ဆောင်ရွက်နိုင်ရေးသည် အရေးကြီး ပါကြောင်း" ပြည်သူ့လွှတ်တော် ဥက္ကဋ္ဌ သူရဦးရွှေမန်းက ပြော ကြားခဲ့သည်။

" လွတ်လပ်ရေးရပြီးနောက် ပုဂ္ဂိုလ်စွဲ၊ ဝါဒစွဲ၊ လူမျိုးစွဲတွေကြောင့် ပြည်ထောင်စုဖွား တိုင်း ရင်းသားအချင်းချင်း သွေးကွဲခဲ့ ကြပါသည်။ ပြည်တွင်း၌ တည်ငြိမ် အေးချမ်းမှု မရရှိခဲ့သည့်အတွက် နိုင်ငံ ဖွံ့ဖြိုးတိုးတက်မှု နှေးကွေး ခဲ့ရပါသည်။ပြည်ထောင်စု သမ္မတ မြန်မာနိုင်ငံတော်ကြီး ထာဝရ ငြိမ်းချမ်းသာယာပြီး ခေတ်မီဖွံ့ ဖြိုးတိုးတက်သည့် နိုင်ငံအဖြစ် သို့ ရောက်ရှိအောင် တိုင်းရင်း သားညီအစ်ကို မောင်နှမ အားလုံး က လက်တွဲပါဝင် ဆောင်ရွက် သင့်သည်ကို အထူးသတိပြုသင့်ပေသည်။ ပြည်တွင်း ပြည်ပ
အဖျက်သမားတို့၏ အန္တရာယ် ကိုလည်း တိုင်းရင်းသား အားလုံးက ပြည်ထောင်စုစိတ် ဓာတ်ဖြင့် ပူးပေါင်းကာကွယ် တားဆီးဖို့ လိုအပ်လှပေသည်။

မြန်မာနိုင်ငံ၏ လက်ရှိအခြေ အနေတွင် ဒီမိုကရေစီစနစ် ဆက်လက်ရှင် သန်ဖွံ့ဖြိုးရန် အတွက် နိုင်ငံရေး တည်ငြိမ် မှုနှင့် လက်နက်ကိုင် ပဋိပက္ခ များချုပ်ငြိမ်းပြီး ထာဝရ ငြိမ်း ချမ်းရေးရရှိရန်မှာ အဓိက လိုအပ်ချက် ဖြစ်ပေသည်။ နိုင်ငံ တော်သမ္မတ ဦးသိန်းစိန် (၆၆)နှစ်မြောက် ပြည်ထောင်စုနေ့ သဝဏ်လွှာမှ)

မြန်မာနိုင်ငံကြီးကို တိုင်း ရင်းသား ညီအစ်ကို အချင်းချင်း သွေးစည်းညီညွတ်စွာဖြင့် ခေတ် မီဖွံ့ဖြိုးတိုးတက်သောနိုင်ငံတော် သစ်ကြီးအဖြစ် ဒီမိုကရေစီ နည်းလမ်းကျစွာ
တည်ဆောက်သင့်ပါသည်။ဒီမိုကရေစီ နိုင်ငံကြီး ဖြစ်စေရန် သာတူညီမျှ လွတ် လပ်ပွင့်လင်း မြင်သာမှုများဖြင့် ဆွေးနွေးညှိနှိုင်း အဖြေရှာ၍ ပြုပြင်တည်ဆောက်သင့်ပါသည်။

သော်ဏီကို
ရည်ညွှန်း
၁။ဗိုလ်ချုပ်အောင်ဆန်း မိန့်ခွန်းများ
၂။ အင်တာနက် စာမျက်နှာများ

Popular Journal