ရခိုင်တွင် မဲပေးခွင့်ရှိသည့် ယာယီသက်သေခံကတ်ပြား ကိုင်ဆောင်ထားသူ ခုနစ်သိန်းကျော်ရှိ

ရခိုင်ပြည်နယ်အတွင်း ယာယီသက်သေခံကတ်ပြား(White Card) နှင့် မဲပေးနိုင်ခွင့်ရှိသူ ခုနစ်သိန်းကျော် ရှိသည်ဟု လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန လူဝင်မှုကြီးကြပ်ရေးနှင့် အမျိုးသားမှတ် ပုံတင်ရေးဦးစီးဌာန ညွှန်ကြားရေးမှူးချုပ် ဦးမောင်မောင်သန်းက ပြောသည်။

ယာယီနိုင်ငံသားကတ်ပြားများကို ၁၉၄၉ ခုနှစ် နိုင်ငံတွင်း မှတ်ပုံတင်ရေးဥပဒေအရ ထုတ်ပေး ထားခြင်းဖြ စ်ပြီး ရခိုင်ပြည်နယ်အတွင်းတွင် ယာယီသက်သေခံကတ်ပြား ကိုင်ဆောင်ထားသူပေါင်း ၇၃၄,၄၅၃ ရှိ သည်ကို လူဝင်မှုကြီးကြပ်ရေးနှင့် အမျိုးသားမှတ်ပုံတင်ရေးဦးစီးဌာနမှ ကောက်ယူရရှိထားသော စာရင်း များကို ကိုးကားပြောဆိုခြင်းဖြစ်သည်။

ပြည်ထောင်စု ရွေးကောက်ပွဲကော်မရှင် ရွေးကောက်ပွဲဌာန ညွှန်ကြားရေးမှူးဦးသောင်းလှိုင်က “အခုWhite Card ကိုင်ထားသူတွေက ဥပဒေအရနိုင်ငံသားဖြစ်နိုင်သူတွေ၊ ဒီလိုလူမျိုးတွေက မဲပေးခွင့်ရှိတယ် ဆိုတာက အခြေခံဥပဒေမှာရော ရွေးကောက်ပွဲဥပဒေမှာရော ပါတဲ့အတွက် မဲပေးနိုင်မယ့်သူတွေက ဥပဒေမှာ သတ်မှတ်ထားတဲ့အတိုင်း ဖြစ်မှာပဲ။ အခု ဒါကို Object(ကန့်ကွက်မှု) လုပ်တာတွေရှိတယ်။ အခြေ ခံဥပဒေ ပြဋ္ဌာန်းချက်အတိုင်း လိုက်နာရမယ်”ဟု ပြောသည်။

ယာယီသက်သေခံကတ်ပြားများကို အသက် ၁၀ နှစ်မှစတင်ကာ မည်သည့်နိုင်ငံသားမှန်း မသိရှိသူများကို ထုတ်ပေးခြင်းဖြစ်သည်။ ရွေးကောက်ပွဲဥပဒေ၊ နည်းဥပဒေများတွင် နိုင်ငံသား၊ ဧည့်နိုင်ငံသား ဥပဒေ အရ နိုင်ငံသားပြုခွင့်ရှိသူများနှင့် ယာယီသက်သေခံကတ်ပြား ကိုင်ဆောင်သူများသည် ဆန္ဒမဲပေးပိုင်ခွင့် ရှိ သူများ အဖြစ် ထည့်သွင်းပြဋ္ဌာန်းထားသည့်အတိုင်း မဲပေးခွင့်ရှိသူများကို ကော်မရှင်က သတ်မှတ်သွား မည်ဟု ဦးသောင်းလှိုင်က ဆိုသည်။

ယာယီသက်သေခံလက်မှတ်(White Card) ကိုင်ဆောင်ထားသူများအား နိုင်ငံရေးပါတီတည်ထောင်ခွင့်၊ ရွေးချယ်ခံပိုင်ခွင့်၊ မဲပေးပိုင်ခွင့်ပေးခြင်းသည် နိုင်ငံတော်၏ အချုပ်အခြာအာဏာကို ထိပါးစေသည်ဟု ညီ နောင်တိုင်းရင်းသားလူမျိုးများ ဖက်ဒရယ်ကောင်စီက ဖေဖော်ဝါရီ ၂ ရက်တွင် နေပြည်တော်ရှိ ရတနာ သိင်္ဃဟိုတယ်၌ ကျင်းပသော ၁၇ ကြိမ်မြောက် ပုံမှန်အစည်းအဝေးအပြီးတွင် ထုတ်ပြန်ကြေညာခဲ့သည်။

Mizzima - News in Burmese